जागतिक सांख्यिकी दिवस

World Statistics Day

Subject : GS - दिनविशेष

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक सांख्यिकी दिना बद्दल योग्य पर्याय निवडा.

1. 20 ऑक्टोबर 2010 रोजी प्रथमच जागतिक सांख्यिकी दिन साजरा करण्यात आला.

2. जागतिक सांख्यिकी दिवस दर 5 वर्षांनी साजरा केला जातो.

3. दोन्ही योग्य

4. दोन्ही अयोग्य

उत्तर : दोन्ही योग्य

• 20 ऑक्टोबर रोजी जगभरात जागतिक सांख्यिकी दिवस किंवा विश्व सांख्यिकी दिवस म्हणून साजरा केला जातो.

• हा दिवस संयुक्त राष्ट्र सांख्यिकी आयोगाच्या ( United Nations Statistical Commission) मार्गदर्शनाखाली आयोजित केला जातो.

सर्व प्रथम जागतिक सांख्यिकी दिन केव्हा साजरी करण्यात आला ?

• 20 ऑक्टोबर 2010 रोजी प्रथमच जागतिक सांख्यिकी दिन साजरा करण्यात आला. 

• तेव्हापासून हा दिवस दर 5 वर्षांनी साजरा केला जातो.

जागतिक सांख्यिकी दिवस का साजरी करतात ? 

• शाश्वत, आर्थिक, पर्यावरणीय आणि सामाजिक विकासामध्ये आकडेवारीचे महत्त्व ओळखण्यासाठी. 

• डेटामधील नमुने आणि ट्रेंड समजून घेण्यासाठी, अंदाज बांधण्यासाठी आणि निष्कर्ष काढण्यासाठी आकडेवारी आवश्यक आहे.

• देशाच्या विकासासाठी सामाजिक-आर्थिक नियोजन आणि धोरण निर्मितीमध्ये आकडेवारीची भूमिका आणि महत्त्व याबद्दल जनजागृती करण्यासाठी हा दिवस साजरा केला जातो.

भारताचा राष्ट्रीय सांख्यिकी दिवस केव्हा असतो ? 

• भारतात 29 जून राष्ट्रीय सांख्यिकी दिवस (National Statistics Day) म्हणून साजरा करण्यात येतो.

• प्राध्यापक प्रशांत चंद्र महालनोबिस यांनी सांख्यिकी आणि आर्थिक नियोजन क्षेत्रात केलेल्या उल्लेखनीय योगदानाची दखल घेऊन, भारत सरकारने त्यांच्या जयंती निमित्त दरवर्षी 29 जून हा दिवस "सांख्यिकी दिन" म्हणून राष्ट्रीय स्तरावर साजरा करण्याचा निर्णय घेतला.

विजयनगर साम्राज्य, राजा कृष्णदेवराय, श्री सिंगेश्वर मंदिर 

Vijayanagara Kingdom, King Krishna Deva Raya, Sri Singeeswarar temple

बातमी काय आहे ?

तामिळनाडूतील तिरुवल्लूर जिल्ह्यातील मापेडू गावातील श्री सिंगेश्वर मंदिरात 16 व्या शतकातील ताम्रपट शिलालेखांचा संच नुकताच सापडला आहे.

Subject : GS - प्राचीन इतिहास  

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) विजयनगर साम्राज्याचा संस्थापक कोण होता/ होते ? (SSC 2022)

1. हरिहर

2. बुक्का

3. कृष्णदेव राय

4. 1 आणि 2 दोन्ही

उत्तर : 1 आणि 2 दोन्ही

हरिहर व बुक्का राया या दोन भावांनी विजयनगरच्या साम्राज्याची स्थापना केली.

 काय सापडले ?

• ताम्रपटाची दोन पाने अंगठी वापरून एकत्र जोडलेली आहे आणि त्यावर विजयनगर साम्राज्याचा शिक्का आहे.

• भारतीय पुरातत्व सर्वेक्षणानुसार हा शिलालेख नंदीनगरी लिपी वापरून संस्कृतमध्ये लिहिला गेला आहे.

• हे 1513 मध्ये राजा कृष्णदेवराय यांच्या काळात कोरलेले आहे.

नंदीनगरी लिपी बद्दल थोडक्यात माहिती : 

• नंदीनगरी लिप ही, नागरी लिपीचा एक प्रकार असून ही मुख्यतः कर्नाटक प्रदेशापुरता मर्यादित आहे.

• नंदीनगरी लिपी दक्षिण भारतात ८ व्या ते १९ व्या शतकात हस्तलिखिते आणि शिलालेख लिहिण्यासाठी वापरली जात होती.

• नंदीनगरी लिपी डावीकडून उजवीकडे लिहिली जात.

विजयनगर साम्राज्य : 

• स्थापना : विजयनगर साम्राज्याची स्थापना 1336 मध्ये संगमा राजवंशातील हरिहरा आणि बुक्का यांनी केली होती.

• राजधानी : हंपी (हे 1986 मध्ये युनेस्कोने जागतिक वारसा स्थळ घोषित केले.)

• विस्तार : उत्तरेकडील कृष्णा नदीपासून भारतीय द्वीपकल्पाच्या अत्यंत दक्षिणेपर्यंत विजयनगर साम्राज्य पसरलेले होते.

विजयनगर साम्राज्यावर चार प्रमुख राजवंशांचे राज्य होते :

1. संगमा राजवंश (Sangama Dynasty)

2. सलुवा राजवंश (Saluva Dynasty)

3. तुलुवा राजवंश (Tuluva Dynasty)

4. अरविदु राजवंश (Aravidu Dynasty)

राजा कृष्णदेवराय कोण होते ? 

• राजा कृष्णदेवराय हे तुलुवा राजवंशातील (Tuluva Dynasty) राजा होते.

• तुलुवा घराण्यातील कृष्णदेवराय हा विजयनगरचा सर्वात प्रसिद्ध शासक होता. 

• त्याच्या कारकीर्दीत विजयनगर साम्राज्याचा विस्तार झाला.

• त्यांनी विजयनगर साम्राज्यावर इसवी सन 1509-1529 पर्यंत राज्य केले.

• कृष्णदेवराय स्वतः कवी व पंडित होता. त्याने तेलुगू व संस्कृत भाषेत अनेक काव्यग्रंथ रचलेले आहेत. 

• कृष्णदेवराय हा विद्वानांचा आश्रयदाता होता. त्याच्या दरबारात अष्टदिग्गज नामक आठ पंडित होते.

• त्यांच्या कालखंडाला तेलुगू साहित्याचा सुवर्णयुग म्हटले जाते.

• पंढरपूरच्या विठ्ठल देवतेला या राजाने आपल्या राज्यात आणवुन मंदिर बांधले.

श्री सिंगेश्वर मंदिराविषयी IMP पॅाईंट्स : 

• श्री सिंगेश्वर मंदिर हे भगवान शिवाला समर्पित हिंदू मंदिर आहे.

• हे तामिळनाडूच्या तिरुवल्लूर जिल्ह्यातील मापेडू गावात आहे. 

• हे मंदिर आदित्य करिकलन चोल याने इसवी सन 976 मध्ये बांधले होते. 

• आदित्य करिकलन चोल याला आदित्य द्वितीय म्हणून ही ओळखले जाते.

• आदित्य करिकलन चोल, हा राजाराजा चोलचा मोठा भाऊ आहे.

पोलीस हुतात्मा दिन

Police Commemoration Day

कर्तव्य बजावताना सर्वोच्च बलिदान देणाऱ्या सर्व शहिदांना आदरांजली 💐💐 

Subject : GS - संरक्षण, दिनविशेष

• लडाखमधल्या हॉट स्प्रिंग्स येथे 21 ऑक्टोबर 1959 रोजी चिनी सैन्याने अचानक केलेल्या जोरदार हल्ल्यात दहा शूर जवानांनी आपल्या प्राणांची आहुती दिली. 

• या हुतात्म्यांच्या आणि कर्तव्य बजावताना सर्वोच्च बलिदान देणाऱ्या अन्य सर्व शहिदांच्या स्मरणार्थ 21 ऑक्टोबर हा दिवस पोलीस स्मृती दिन म्हणून पाळला जातो.

पोलीस स्मृती दिनाचा इतिहास काय आहे ?

• भारताने लडाखच्या हॉट स्प्रिंग्स भागात तिसऱ्या बटालियनची एक कंपनी तैनात केली होती.

• या कंपनीला तीन तुकड्यांमध्ये विभागून सीमा सुरक्षेची जबाबदारी देण्यात आली होती.

• चिनी हल्ल्याच्या एक दिवस आधी, म्हणजे 20 ऑक्टोबर 1959 रोजी, नेहमीप्रमाणे या कंपनीचे सैनिक नियंत्रण रेषेवर गस्त घालण्यासाठी निघाले होते.

• 20 ऑक्टोबर रोजी दुपारपर्यंत, तीनपैकी दोन तुकडीचे सैनिक परत आले. मात्र तिसऱ्या तुकडीचे सैनिक २१ ऑक्टोबरच्या सकाळपर्यंत परतले नाहीत. 

• 21 ऑक्टोबरच्या सकाळपर्यंत परत न आलेल्या तुकडीतील सैनिकांना शोधण्यासाठी शोध मोहीम आखण्यात आली होती. 

• या टीमचे नेतृत्व DSP / DCIO श्री करम सिंग (Shri Karam Singh) करत होते.

• दुपारच्या सुमारास, चिनी लष्कराच्या जवानांनी अचानक श्री करम सिंग यांच्या नेतृत्वाखालील तुकडीवर गोळीबार केला आणि ग्रेनेड फेकले.

• अचानक झालेल्या या हल्ल्यात भारतीय सैनिकांनी विलक्षण धैर्य दाखवले. ते शौर्याने लढले.

• मात्र, या चकमकीत 10 CRPF जवानांना प्राण गमवावे लागले.

21 ऑक्टोबर हुतात्मा दिन : 

जानेवारी 1960 मध्ये झालेल्या राज्यांच्या आणि केंद्रशासित प्रदेशांच्या पोलीस महानिरीक्षकांच्या वार्षिक परिषदेत 21 ऑक्टोबर हा दिवस “स्मृती दिन” (हुतात्मा दिन) म्हणून पाळला जाईल असे ठरले.

INS 'समर्थक'

INS Samarthak

Subject : GS - संरक्षण

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलीकडेच भारतीय नौदलासाठी INS 'समर्थक' या बहुउद्देशीय जहाजाची रचना आणि निर्मिती कोणी केली ?

1. माझगाव डॉकयार्ड लिमिटेड

2. गोवा शिपयार्ड लिमिटेड

3. कोचीन शिपयार्ड

4. लार्सन अँड टुब्रो (L&T) शिपयार्ड

उत्तर : लार्सन अँड टुब्रो (L&T) शिपयार्ड

बातमी काय आहे ?

लार्सन अँड टुब्रोने (Larsen & Toubro) अलीकडेच भारतीय नौदलासाठी बहुउद्देशीय जहाज INS 'समर्थक' लाँच केले.

INS 'समर्थक' बद्दल वनलाईनर पॉईंट्स : 

• भारतीय नौदलासाठी दोन बहुउद्देशीय जहाजांपैकी INS 'समर्थक हे पहिले आहे.

• केंद्र सरकारच्या 'मेक इन इंडिया' उपक्रम आणि 'आत्मनिर्भर भारत' या दृष्टिकोनाला अनुसरून हा प्रकल्प आहे.

• चेन्नईच्या उत्तरेस कट्टुपल्ली येथील लार्सन अँड टुब्रो (L&T) शिपयार्डने INS समर्थक या जहाजाची रचना आणि निर्मिती केली आहे.

• भारतीय नौदलासाठी नेक्स्ट जनरेशन शस्त्रे आणि सेन्सर्सच्या विकासासाठी आणि चाचणीला लक्षात घेण्यासाठी हा एक अत्यंत विशेष, बहु-भूमिका प्रकल्प आहे.

INS समर्थक काय काम करेल ?

• सागरी पाळत ठेवणे आणि गस्त घालणे.

• पृष्ठभाग आणि हवाई लक्ष्यांचे प्रक्षेपण आणि पुनर्प्राप्ती.

• संकटकाळात मानवतावादी मदत पुरवणे.

• भारतीय नौदलासाठी पुढील पिढीतील(नेक्स्ट जनरेशन) शस्त्रे आणि सेन्सर्सच्या विकासासाठी चाचण्यांची सोय करणे.

• समुद्र प्रदूषणाचा सामना करणे यासह इतर विविध कार्ये.

आंतरराष्ट्रीय अभिधम्म दिवस

International Abhidhamma Day

Subject : GS - कला आणि संस्कृती

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) आंतरराष्ट्रीय अभिधम्म दिवस खालील पैकी कोणत्या महिन्यात येतो ?

1. चैत्र

2. श्रावण

3. आश्विन

4. माघ

उत्तर : आश्विन

बातमी काय आहे ?

• अलीकडेच, भारताच्या पंतप्रधानांनी आंतरराष्ट्रीय अभिधम्म दिवस आणि पाली भाषेला अभिजात भाषा म्हणून मान्यता देण्याच्या समारंभाला संबोधित केले. 

• आंतरराष्ट्रीय बौद्ध महासंघ (International Buddhist Confederation) आणि भारताच्या सांस्कृतिक मंत्रालयाने या कार्यक्रमाचे आयोजन केले होते.  

अभिधम्म दिवसाची ऐतिहासिक कथा : 

• पाली ग्रंथांनुसार, ज्ञानप्राप्तीनंतर, बुद्धांनी तावतिसा स्वर्गात तीन महिने घालवले. तिथे त्यांनी तावतिम्सा स्वर्गातील देवतांना तसेच आपली आई माया हिला अभिधम्म शिकवला.

• बुद्धांचे स्वर्गातून पृथ्वीवर परत येण्याचा हा दिवस बौद्ध धर्मात महत्त्वाचा दिवस म्हणून ओळखला जातो. ही घटना अभिधम्म दिवस म्हणून साजरी केली जाते.

• पृथ्वीवर परत आल्यानंतर त्यांनी आपला शिष्य सारिपुत्तला अभिधम्माचा संदेश दिला.  

• भगवान बुद्धांचे स्वर्गातून पृथ्वीवर परत येण्याचा ऐतिहासिक घटनेचा उल्लेख संकसिया येथील सम्राट अशोक यांनी स्थापन केलेल्या हत्ती स्तंभावर आढळतो.

• आश्विन महिन्यातील पौर्णिमेच्या दिवशी अभिधम्म दिवस साजरा केला जातो. हे वास्सा कालखंडाच्या समाप्तीस चिन्हांकित करते आणि थेरवाडा बौद्ध देशांमध्ये उदाहरणार्थ म्यानमार, थायलंड, लाओस, कंबोडिया आणि श्रीलंका येथे भक्तीभावाने साजरा केला जातो.

• अभिधम्म दिवसाचा उत्सव पहिला परतीचा पाऊस (ज्याला वस्सा म्हणतात) आणि पावराणा उत्सवाच्या समाप्ती च्या दिवसाशी एकरूप होतो, जेव्हा भिक्खु आणि भिक्खुनी त्यांच्या माघाराचा कालावधी एका समारंभाने समाप्त करतात.

धार्मिक कार्यक्रम : 

• विविध धार्मिक प्रथांसाठी भक्त मंदिरांमध्ये जमतात.

• भिक्खु आणि भिक्खुनी यांना भिक्षा अर्पण करणे, धर्मग्रंथ पठणात भाग घेणे आणि अभिधम्मावरील प्रवचन ऐकणे आणि ध्यानात गुंतणे आणि बुद्धाच्या शिकवणींवर चिंतन करणे इत्यादी.

न्यायदेवतेच्या नवीन मूर्तीचे अनावरण

New statue of “Lady Justice”

बातम्यांमध्ये : 

• सुप्रीम कोर्टाने नुकतेच न्यायदेवतेच्या नवीन मूर्तीचे अनावरण केले. 

Subject : GS - राज्यशास्त्र, न्यायमंडळ

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) न्यायदेवतेच्या नवीन मूर्ती बद्दल खालील विधानांचा विचार करा आणि योग्य पर्याय निवडा.

A. न्यायदेवतेच्या डोळ्यांवरील पट्टी हटवण्यात आली.

B. हातातील तलवारीची जागा भारतीय संविधानाने घेतली.

C. विनोद गोस्वामी यांनी न्यायदेवतेची नवीन मूर्ती तयार केली. 

पर्याय :

1. A आणि B बरोबर

2. B आणि C बरोबर

3. A आणि C बरोबर

4. A, B आणि C बरोबर

उत्तर : A, B आणि C बरोबर

न्यायदेवतेची नवीन मूर्ती कशी आहे ? 

• नवीन मूर्ती पूर्णपणे भारतीय परंपरेला अनुसरून तयार केली आहे. 

• यामध्ये सर्वात महत्त्वाचा बदल म्हणजे न्यायदेवतेच्या डोळ्यांवरील पट्टी हटवण्यात आली आहे.

• न्यायदेवतेच्या मूर्तीत आणखी एक मोठा बदल म्हणजे तिच्या हातातील तलवारीची जागा भारतीय संविधानाने घेतली आहे.

• न्यायदेवतेच्या उजव्या हातात पूर्वीप्रमाणेच तराजू आहे.

• ही मूर्ती पांढऱ्या शुभ्र रंगाची असून, न्यायदेवता साडी परिधान करून आहे. 

• तिच्या डोक्यावर मुकूट, कपाळावर टिकली, कानात आणि गळ्यात पारंपरिक भारतीय आभूषणे आहेत.

न्यायदेवतेची नवीन मूर्ती कोणी तयार केली ?

विनोद गोस्वामी यांनी न्यायदेवतेची नवीन मूर्ती तयार केली. 

हातातील तलवारी ऐवजी भारतीय संविधान का ?

• सरन्यायाधीश धनंजय चंद्रचूड यांच्या मते, तलवार हे हिंसेचे प्रतीक आहे. 

• न्यायालये हिंसाचाराद्वारे न्याय देत नाहीत तर घटनात्मक कायद्यांनुसार न्याय देतात. 

• त्यामुळे दुसऱ्या हातात तलवार ऐवजी संविधान असावे जो प्रत्येकाला समान न्याय देतो.

जुन्या न्यायदेवतेच्या डोळ्यावरील पट्टीचा अर्थ काय होतो ?

• न्यायदेवतेच्या डोळ्यावरील पट्टी हे सूचित करते की न्याय निःपक्षपाती असल्याचे गृहित धरले जाते.

• न्यायदान करणारी व्यक्ती निःपक्ष आहे, ती न्याय देण्यापूर्वी रंग, वर्ण, समाजातील स्थान या व अशा कोणत्याही गोष्टीचा विचार न करता न्याय देते.

• तुम्ही श्रीमंत असो की गरीब, शक्तिशाली असो वा कमकुवत, प्रत्येकाला समान वागणूक दिली पाहिजे.

न्यायदेवतेच्या डोळ्यावरील पट्टी का काढण्यात आली ? 

• "न्याय आंधळा आहे" हा जुना गैरसमज दूर करण्यासाठी न्यायदेवतेच्या डोळ्यावरील पट्टी काढण्यात आली.

• नवीन प्रतिमेत न्यायदेवतेच्या डोळ्यांवर पट्टी नाही. जे असे दर्शवते करते की न्याय प्रत्येक परिस्थितीबद्दल जागरूक आणि संवेदनशील असावा.

• न्यायदान पद्धत प्रत्येक खटल्याची (केसची) परिस्थिती पाहते आणि विचार करते. 

न्यायदेवतेच्या हातातील तराजू काय सांगतो ?

न्याय देण्यापूर्वी दोन्ही पक्षांची बाजू ऐकून घेतली जाते व दोघांनाही समसमान न्यायाने जोखले जाते हे दर्शविण्यासाठी न्यायदेवतेच्या हातात तराजू दाखविलेला असतो.

न्यायदेवतेच्या मूर्ती ची कथा काय आहे ?

• न्यायदेवतेच्या प्रतिमेचे मूळ ग्रीक आणि रोमन पौराणिक कथांमध्ये आहे. 

• ग्रीक पौराणिक कथांमध्ये, "थेमिस" ही न्यायप्रिय, हुशार आणि चांगला सल्ला दर्शवणारी देवी आहे. 

• ती सहसा एका हातात तराजू आणि दुसऱ्या हातात तलवार धरलेली दाखवली जाते.

• तराजू संतुलन तर तलवार न्यायाची अंमलबजावणी करण्याची शक्ती यांचे प्रतीक आहे.

• रोमन पौराणिक कथा : रोमन पौराणिक कथांमध्ये, पहिला सम्राट ऑगस्टसने (Augustus) न्यायाची देवी जस्टिटियाची ओळख करून दिली. थेमिसप्रमाणे, जस्टिटियाकडे तराजू आणि तलवार होती.

परदेशातील न्यायदेवता भारतात कशी आली ?

• हा पुतळा ग्रीसमधून ब्रिटनला पोहोचला. 

• १७ व्या शतकात ब्रिटीश अधिकाऱ्याने तो पहिल्यांदा भारतात आणला होता. हा ब्रिटिश अधिकारी कोर्ट ऑफिसर होता. 

• 18 व्या शतकात ब्रिटीश काळात न्याय देवीची मूर्ती सार्वजनिक वापरात आणली गेली. 

• पुढे देश स्वतंत्र झाल्यावर आपणही न्यायदेवतेचा स्वीकार केला.

समर्थ योजना

SAMARTH Scheme

Subject : GS - सरकारी योजना

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) खालील विधानांचा विचार करा आणि योग्य पर्याय निवडा.

1. समर्थ योजना वस्त्रोद्योग क्षेत्रात क्षमता वाढवण्यासाठीची योजना आहे.

2. समर्थ योजने अंतर्गत युवकांना कौशल्य प्रदान करण्यात येते. 

3. दोन्ही योग्य

4. दोन्ही अयोग्य

उत्तर : दोन्ही योग्य

बातमी काय आहे ?

• अलीकडेच, केंद्र सरकारने समर्थ योजनेला दोन वर्षांसाठी मुदतवाढ दिली आहे.

• आर्थिक वर्ष 2024-25 आणि 2025-26 या दोन वर्षांसाठी ही मुदतवाढ असेल.

• 3 लाख लोकांना वस्त्रोद्योगाशी संबंधित कौशल्ये प्रशिक्षित करण्यासाठी 495 कोटी रुपयांच्या बजेटची तरतूद करण्यात आली आहे.

समर्थ योजना म्हणजे काय ?

• Samarth(Scheme for Capacity Building in Textiles Sector)

• समर्थ योजनेचा फूल फॅार्म "वस्त्रोद्योग क्षेत्रात क्षमता वाढवण्यासाठी योजना" असा आहे.

• समर्थ' योजना, ही मागणीवर आधारित आणि नोकरीभिमुख एकछत्री कौशल्य कार्यक्रम आहे. 

• कौशल्य विकास आणि उद्योजकता मंत्रालयाद्वारे स्वीकारलेल्या व्यापक कौशल्य धोरण आराखड्यांतर्गत ही योजना तयार करण्यात आली आहे.

• मंत्रालय (Nodal Ministry) : वस्त्रोद्योग मंत्रालय (Ministry of Textiles)

• समर्थ योजना ही एक कौशल्य विकास योजना आहे जी भारताच्या वस्त्रोद्योग मंत्रालयाद्वारे लागू केली जाते.

समर्थ योजनेचे उद्दिष्ट काय आहे ?

• वस्त्रोद्योग क्षेत्रात फायदेशीर आणि शाश्वत रोजगारासाठी युवकांना कौशल्य प्रदान करण्याचा व्यापक उद्दिष्ट आहे.

• संघटित वस्त्रोद्योग आणि संबंधित क्षेत्रांमध्ये नोकऱ्या निर्माण करण्यासाठी उद्योगाच्या प्रयत्नांना प्रोत्साहन देणे आणि त्यांना सहाय्य करणे हे समर्थ योजनेचे उद्दिष्ट आहे.