मखाना बोर्ड 

Makhana Board

Subject : GS - भूगोल, अर्थशास्त्र - कृषी

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) केंद्रीय अर्थसंकल्प 2025 मध्ये केलेल्या घोषणे नुसार कोणत्या राज्यात मखाना बोर्डची स्थापना करण्यात येणार आहे ? 

1. महाराष्ट्र

2. गुजरात

3. मध्य प्रदेश

4. बिहार

उत्तर : बिहार 

बातमी काय आहे ? 

केंद्रीय अर्थसंकल्प 2025 मध्ये बिहारमध्ये मखानाचे उत्पादन, प्रक्रिया, मूल्यवर्धन आणि विपणन सुधारण्यासाठी मखाना मंडळाची स्थापना करण्याची घोषणा करण्यात आली आहे.

मखाना म्हणजे काय ? 

• युरियाल फेरॉक्स नावाच्या वॉटर लिलीच्या बिया, त्याला मखाना, फॉक्स नट्स किंवा कमळाच्या बिया म्हणून सुद्धा ओळखलं जातं.
• मखान्यामध्ये प्रथिने आणि फायबर असतात, तसेच कॅल्शियम, मॅग्नेशियम, लोह आणि फॉस्फरस सारख्या सूक्ष्म पोषक घटकांचा समावेश असतो.
• त्यामुळं याला 'सुपरफूड' म्हणूनही ओळखलं जातं. 

मखाना पीक लागवडीसाठी हवामान परिस्थिती कोणती ? 

• तापमान (Temperature) : 20 ते 35 °C
• पाऊस (Rainfall) : 100 ते 250 सेमी 
• आर्द्रता (Humidity) : 50 ते 90%

भारतात मखानाचे सर्वाधिक उत्पादन कोणत्या राज्यात होते ? 

• भारतात मखानाचे सर्वाधिक उत्पादन बिहारमध्ये होते.
• बिहारमध्ये भारतातील 90% मखाना तयार होतो. 

मखाना मंडळाची उद्दिष्टे कोणती ? 

What are Key Objectives of the Makhana Board ? 

उत्पादन वाढवणे (Enhancing Production) :

• उत्पादन आणि गुणवत्ता सुधारण्यासाठी वैज्ञानिक शेती तंत्रांना प्रोत्साहन देणे.

संशोधन आणि विकास (Research & Development) : 

• बियाण्यांच्या चांगल्या जाती आणि कीटक नियंत्रण पद्धतींसाठी ICAR आणि विद्यापीठांसारख्या संस्थांशी सहयोग करणे.

शेतकऱ्यांना सहाय्य (Farmer Support) : 

• शेतकऱ्यांना आर्थिक सहाय्य, प्रशिक्षण आणि आधुनिक तंत्रज्ञानाची उपलब्धता प्रदान करणे.

मार्केटिंग आणि निर्यात प्रोत्साहन (Marketing & Export Promotion) :

•  मखाना पुरवठा साखळी मजबूत करणे आणि शेतकऱ्यांना चांगले भाव मिळण्यास मदत करणे.

प्रक्रिया आणि मूल्यवर्धन (Processing & Value Addition) : 

• भाजलेले मखाना, मखाना खीर आणि मखाना पीठ यांसारख्या मखाना-आधारित उत्पादनांना प्रोत्साहन देणे.

सबसिडी आणि कर्ज (Subsidies & Loans) : 

• मखाना प्रक्रिया युनिट्स स्थापन करण्यासाठी शेतकरी आणि उद्योजकांना आर्थिक सहाय्य देणे.

मखानानॉमिक्स म्हणजे काय ? 

What is Makhananomics ?

• 2025-26 च्या अर्थसंकल्पात, अर्थमंत्री निर्मला सीतारमण यांनी बिहारमध्ये 'मखाना बोर्ड' स्थापन करण्याची घोषणा केली आहे. याच कारणास्तव माखानॉनॉमिक्स हा शब्द चर्चेत आहे. 
• मखानानॉमिक्स म्हणजे मखानाशी संबंधित अर्थव्यवस्था, ज्यामध्ये मखाना उत्पादन, प्रक्रिया, मूल्यवर्धन आणि मार्केटिंग संबंधित आर्थिक घडामोडींचा समावेश आहे.
• एका संशोधन अंदाजानुसार, सध्या भारतातील मखाना बाजारपेठ सुमारे 8 अब्ज रुपयांची आहे. 
• मार्केट रिसर्च कंपनी IMARC च्या अहवालानुसार, 2032 पर्यंत मखानाची बाजारपेठ सुमारे 19 अब्ज रुपयांची होईल. 

जगातील पहिली 'कार्बन-न्यूट्रल बेबी कोण ? 

Who is the World's First Carbon Neutral Baby ? 

Subject : GS - पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जगातील पहिली 'कार्बन-न्यूट्रल बेबी'चे नाव काय ? 

1. सिरी

2. आदवी

3. स्वरा

4. यापैकी नाही

उत्तर : आदवी

 कार्बन-न्यूट्रल बेबी बद्दल परीक्षेसाठी IMP वनलाईनर पॉईंट्स : 

• आदवीला आशिया बुक ऑफ रेकॉर्ड्सने "जगातील पहिली कार्बन-न्यूट्रल बेबी" ही पदवी दिली.
• मार्च 2024 मध्ये तामिळनाडू सरकारने आदवीला ग्रीन मिशनची बाल राजदूत म्हणूनही घोषित केले.
• आदवीला नोव्हा (Nova) म्हणूनही ओळखले जाते.
• तिचा जन्म 3 मार्च 2023 रोजी तामिळनाडूमध्ये झाला. 
• आदवी केवळ 11 महिने आणि 16 दिवसांची असताना कार्बन न्यूट्रल झाली.

कार्बन न्यूट्रॅलिटी म्हणजे काय ? 

• जेवढ्या प्रमाणात वातावरणात कार्बन उत्सर्जन होत असेल तितक्याच प्रमाणात विविध माध्यमातून कार्बनचे शोषण करून यांच्यातील संतुलन साधणे म्हणजे कार्बन न्यूट्रॅलिटी.
• कार्बन न्यूट्रॅलिटी वातावरणातून कार्बन डायऑक्साइड काढून कार्बन सिक्वेस्ट्रेशन नावाच्या प्रक्रियेद्वारे साठवून साध्य केले जाते.

'कार्बन-न्यूट्रल बेबी' म्हणजे नेमकं काय ?

• आदवीला जगातील पहिली कार्बन-न्यूट्रल बेबी असे नाव देण्यात आले कारण तिच्याकडून आयुष्यभर शून्य निव्वळ कार्बन उत्सर्जन होण्याची अपेक्षा आहे. 
• या कामगिरीचे श्रेय तिच्या पालकांना जाते, ज्यांनी तामिळनाडूमध्ये त्यांच्या घराभोवती 6000 फळझाडे लावली.
• ही झाडे तिच्या शेजारी वाढताना आदवीचे सर्व कार्बन उत्सर्जन शोषून घेतील.
• आदवीचे पालक, दिनेश आणि जनगणंदिनी यांनी तामिळनाडूमधील शेतकऱ्यांच्या सहकार्याने आदवीच्या जन्मापूर्वीच या मोहिमेसाठी स्वतःला समर्पित केले होते. 
• तामिळनाडूतील कृष्णगिरी जिल्ह्यातील शिवलिंगपुरम गावात सहा हजार झाडे, झुडुपे आणि वनस्पतींचा समावेश असलेल्या अन्न वनाच्या लागवडीमुळे (NOVA)आदवीची कार्बन तटस्थता (कार्बन न्यूट्रॅलिटी) शक्य झाली. 
• त्यांचे स्वप्न त्यांच्या मुलीसाठी एक चांगले ग्रह निर्माण करण्याचे आहे.
• हा उपक्रम केवळ NOVA च्या कार्बन फूटप्रिंटला कमी करत नाही तर शाश्वत जीवन आणि पर्यावरण संवर्धनासाठी एक आदर्श म्हणून देखील काम करतो.

किसान क्रेडिट कार्ड योजना 

Kisan Credit Card Scheme

Subject : GS - सरकारी योजना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) नवीन धोरणानुसार किसान क्रेडिट कार्ड योजने अंतर्गत शेतकऱ्यांना किती कर्ज मिळू शकेल ? 

1. 5 लाख

2. 8 लाख

3. 10 लाख

4. 12 लाख

उत्तर : 5 लाख

बातमी काय आहे ? 

• या वर्षीचा अर्थसंकल्प शेतकऱ्यांना सक्षम बनवण्यासाठी आणि कृषी उत्पादकता वाढवण्यासाठी सरकारने किसान क्रेडिट कार्ड योजनेची कर्ज मर्यादा वाढवली आहे. 

किसान क्रेडिट कार्ड योजने बद्दल परीक्षेसाठी IMP वनलाईनर पॉईंट्स : 

• सुधारित धोरणानुसार किसान क्रेडिट कार्ड योजने अंतर्गत शेतकऱ्यांसाठी कर्ज मर्यादा 3 लाख रुपयांवरून 5 लाख रुपयांपर्यंत वाढवण्यात आली आहे.

किसान क्रेडिट कार्ड योजना केव्हा सुरू करण्यात आली ? 

• किसान क्रेडिट कार्ड योजना 1998 मध्ये सुरूकरण्यात आली. 

किसान क्रेडिट कार्ड योजना काय आहे ? 

• किसान क्रेडिट कार्ड (केसीसी) योजना शेतकऱ्यांना त्यांच्या विविध आर्थिक गरजा पूर्ण करण्यासाठी पुरेसे आणि वेळेवर कर्ज देण्यासाठी तयार केलेली सरकारची योजना आहे. 
• यामुळे शेतकऱ्यांना संस्थात्मक (बॅंक) कर्ज सहज उपलब्ध होण्यास मदत होते.
• किसान क्रेडिट कार्डवरून जे काही कर्ज दिलं जातं त्यावर 7 % व्याजदर आकारला जातो.
• पण, शेतकरी कर्जाची परतफेड वर्षभरात करणार असेल, तर व्याजदरात 3 टक्के सवलत दिली जाते. म्हणजे एकूण 4 टक्के व्याजदारानं शेतकऱ्यांना कर्ज मिळतं. 
• सावकारांपासून जास्त व्याजदराचे कर्जाच्या जाळ्यातून शेतकऱ्यांची सुटका होण्यास मदत होते. 
• ज्यामुळे शेतकऱ्यांची आर्थिक स्थिरता आणि कृषी उत्पादकता सुनिश्चित होते. 

किसान क्रेडिट कार्ड शेतकऱ्यांना कशी मदत करते ? 

किसान क्रेडिट कार्ड चे फायदे कोणते ? 

• शेती आणि पीक काढणीनंतरचे उपक्रम : शेती आणि काढणीनंतरच्या खर्चासाठी निधीची उपलब्धता सुनिश्चित करणे.
• मार्केटिंग क्रेडिट : शेतकऱ्यांना त्यांचे उत्पादन स्पर्धात्मक बाजार दराने विकता येईपर्यंत आर्थिक तूट भरून काढण्यासाठी मदत करणे.
• घरगुती वापराच्या गरजा : अनौपचारिक कर्ज घेण्याच्या स्रोतांवर (सावकारी कर्ज) अवलंबून न राहता, आवश्यक घरगुती खर्च पूर्ण करण्यासाठी आर्थिक सहाय्य प्रदान करणे.
• शेती मालमत्तेसाठी खेळते भांडवल : आवश्यक शेती उपकरणे आणि पायाभूत सुविधांच्या देखभालीसाठी मदत करणे.
• जोडधंद्यासाठी गुंतवणूक कर्ज : पशुपालन, दुग्धव्यवसाय, मत्स्यव्यवसाय आणि इतर कृषी विस्तारांसाठी आर्थिक मदत वाढवणे.
• विमा संरक्षण : किसान क्रेडिट कार्ड अंतर्गत लोन घेणाऱ्या शेतकऱ्याचा अपघाती मृत्यू झाला किंवा अपंगत्व आलं, तर त्या शेतकऱ्याला विमा संरक्षण दिलं जातं. 

केंद्रीय अर्थसंकल्प 2025 -26 

Union Budget 2025 -26 

Subject : GS - अर्थशास्त्र - अर्थसंकल्प, राज्यशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) केंद्रीय अर्थसंकल्प 2025 - 26 कोणी मांडला ? 

1. श्रीमती निर्मला सीतारमण

2. श्री नरेंद्र मोदी

3. श्री अमित शहा

4. श्री अजित पवार

उत्तर : श्रीमती निर्मला सीतारमण 

बातमी काय आहे ? 

केंद्रीय वित्त आणि कंपनी व्यवहार मंत्री श्रीमती निर्मला सीतारमण यांनी 1 फेब्रुवारी 2025 रोजी संसदेत केंद्रीय अर्थसंकल्प 2025-26 सादर केला.

केंद्रीय अर्थसंकल्प 2025-26 ची संकल्पना (थीम) काय आहे ? 

• " सबका विकास " ही केंद्रीय अर्थसंकल्प 2025-26 ची संकल्पना आहे.
• या संकल्पनेसह सर्व क्षेत्रांच्या संतुलित विकासाला चालना देणारा 2025-26 चा केंद्रीय अर्थसंकल्प आहे.

या संकल्पनेनुसार, अर्थमंत्र्यांनी विकसित भारतच्या व्यापक तत्वांचा आराखडा मांडला ज्यामध्ये खालील गोष्टींचा समावेश आहे : 

• शून्य-दारिद्र्य;
• शंभर टक्के चांगल्या दर्जाचे शालेय शिक्षण;
• उच्च-गुणवत्तेची, परवडणारी आणि सर्वसमावेशक आरोग्यसेवेची उपलब्धता;
• अर्थपूर्ण रोजगारासह शंभर टक्के कुशल कामगार;
• आर्थिक उपक्रमांमध्ये सत्तर टक्के महिला; आणि
• शेतकरी आपल्या देशाला 'जगाचे अन्नकोठार' बनवत आहेत.

2025-26 च्या केंद्रीय अर्थसंकल्पात विकासाचे 4 इंजिन कोणते आहेत ? 

1. कृषी (Agriculture) 
2. MSME (Micro, Small and Medium Enterprises)
3. गुंतवणूक (Investment)  
4. निर्यात (Exports) हे विकसित भारताच्या प्रवासातील इंजिन आहेत

अर्थसंकल्प 2025-26 चे अंदाजपत्रक (Budget Estimates 2025-26) 

• कर्जाव्यतिरिक्त एकूण उत्पन्न 34.96 लाख कोटी रुपये आणि एकूण खर्च 50.65 लाख कोटी रुपये राहील असा अंदाज आहे.
• निव्वळ कर महसूल (Net Tax Receipts) 28.37 लाख कोटी रुपये राहील असा अंदाज आहे.
• वित्तीय तूट (Fiscal Deficit) GDP च्या 4.4% असेल असा अंदाज आहे.
• बाजारातील एकूण कर्ज (Gross Market Borrowings) अंदाजे 14.82 लाख कोटी रुपये आहे.
• वित्त वर्ष 2025-26 मध्ये भांडवली खर्चासाठी 11.21 लाख कोटी (GDP च्या 3.1%) रुपये तरतूद आहे.

वैयक्तिक प्राप्तिकर (Personal Income Tax ) वर सूट : 

• नव्या कर संरचनेत 12 लाख रुपयांपर्यंतच्या उत्पन्नावर वैयक्तिक प्राप्तिकर भरावा लागणार नाही.
• पगारदार करदात्यांसाठी ही मर्यादा 12.75 लाख रुपये असेल, कारण 75,000 रुपये स्टँडर्ड डिडक्शन आहे.
• नव्या रचनेमुळे मध्यमवर्गाला भरावा लागणारा कर मोठ्या प्रमाणात कमी होईल आणि त्यांच्या हातात अधिक पैसा शिल्लक राहील, घरगुती वापर, बचत आणि गुंतवणुकीला चालना मिळेल.

अर्थसंकल्प 2025-26 मधील परीक्षेसाठी IMP वनलाईनर पॉईंट्स : 

बिहारमध्ये मखाना मंडळ (Makhana Board in Bihar) : 

मखानाचे उत्पादन, प्रक्रिया, मूल्यवर्धन आणि विपणन सुधारण्यासाठी मखाना मंडळ स्थापन केले जाईल.

किसान क्रेडिट कार्ड (KCC) च्या माध्यमातून वर्धित पतपुरवठा : 

KCC मार्फत घेतलेल्या कर्जासाठी सुधारित व्याज सवलत योजनेअंतर्गत कर्ज मर्यादा 3 लाख रुपये वरून 5 लाख रुपये पर्यंत वाढवली जाईल.

आसाममध्ये युरिया प्रकल्प (Urea Plant in Assam) : 

आसाममधील नामरूप येथे वार्षिक 12.7 लाख मेट्रिक टन क्षमतेचा युरिया प्रकल्प उभारला जाईल.

रूपया असा येणार (Rupee Comes From)

रूपया असा जाणार (Rupee Goes To) 

अर्थसंकल्प म्हणजे काय ? 

What is Budget ? 

Subject : GS - अर्थशास्त्र - अर्थसंकल्प, राज्यशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारतीय संविधानाच्या कलम 112 अंतर्गत तयार केलेल्या वार्षिक आर्थिक विवरणपत्राला ------ म्हणतात.

(NTPC 2016)

1. सार्वजनिक खाते

2. संचित खाते

3. अर्थसंकल्प

4. महसूल खाते

उत्तर : अर्थसंकल्प (Budget) 

बजेट शब्द कोठून आला ? 

• बजेट हा शब्द इंग्लंडमध्ये सर्वप्रथम 1733 मध्ये वापरण्यात आला.
• फ्रेंच शब्द बोगेट पासून बजेट या शब्दाची उत्पत्ती झाली. याचा अर्थ चामड्याची पिशवी असा होतो. 

अर्थसंकल्प म्हणजे काय ? 

• वित्तीय वर्षातील सरकारचे अंदाजे खर्च व उत्पन्न यांची सर्व माहिती तसेच मागील वर्षांच्या परिस्थितीचा आढावा, नवीन कर, योजना व भांडवली खर्च भागविण्याची व्यवस्था म्हणजे अर्थसंकल्प होय.
• भारतीय राज्यघटनेच्या कलम 112 नुसार केंद्र सरकारचा तर कलम 202 नुसार राज्य सरकारचा अर्थसंकल्प मांडला जातो. 

प्रश्न) शासकीय अर्थसंकल्पाचे एकूण किती प्रकार आहेत ?

(MPSC Group C 2019) 

1. 2 

2. 3

3. 4 

4. वरील पैकी कोणतेही नाही. 

उत्तर : 3

अर्थसंकल्पाचे प्रामुख्याने 3 प्रकार आहेत : 

1) शिलकीचा अर्थसंकल्प (Surplus Budget) :  

• जेव्हा सरकारचे उत्पन्न हे खर्चापेक्षा अधिक असते. त्यास शिलकीचा अर्थसंकल्प असे म्हणतात.

• म्हणजे पुढच्या वर्षभरातील अपेक्षित उत्पन्न हे सरकारच्या खर्चापेक्षा अधिक असते आणि शेवटी काही शिल्लक राहते. 

2) तुटीचा अर्थसंकल्प (Deficit Budget) :

• जेव्हा सरकारचे उत्पन्न हे खर्चापेक्षा कमी असते, त्यास तुटीचा अर्थसंकल्प असे म्हणतात.

• म्हणजे येत्या वर्षभरात सरकारकडे जेवढे उत्पन्न निर्माण होणार असते त्यापेक्षा सरकारचा खर्च जास्त असतो.

3) संतुलित अर्थसंकल्प (Balanced Budget) :

• जेव्हा सरकारचा खर्च आणि उत्पन्न हे समान असते, त्यास संतुलित अर्थसंकल्प किंवा समतोल अर्थसंकल्प असे म्हणतात.

• म्हणजे येत्या एका वर्षात सरकार जेवढा खर्च करणार असते तेवढेच सरकारला उत्पन्नही मिळणार असते. 

भारतीय राज्यघटनेत अर्थसंकल्प हा शब्द वापरला आहे का ?

• नाही
• भारतीय राज्यघटनेत अर्थसंकल्प हा शब्द वापरलेला नसून वार्षिक वित्तीय विवरण पत्रक (Annual Financial Statements) हा शब्द वापरण्यात आला आहे.

भारताचा पहिला अर्थसंकल्प कोणी आणि केव्हा मांडला ? 

भारताचा पहिला अर्थसंकल्प 7 एप्रिल 1860 रोजी जेम्स विल्सन (James Wilson) यांनी मांडला.

स्वातंत्र्यानंतर भारताचा पहिला अर्थसंकल्प कोणी आणि केव्हा मांडला ? 

भारताचे पहिले अर्थमंत्री आर. के. षन्मुखम चेट्टी (R.K Shanmukham Chetty) यांनी 26 नोव्हेंबर 1947 रोजी स्वतंत्र भारताचा पहिला अर्थसंकल्प मांडला.

लता मंगेशकर स्मृती दिन

Lata Mangeshkar Death Anniversary 

गानसम्राज्ञी भारतरत्न लता मंगेशकर यांना स्मृतिदिनी विनम्र अभिवादन 🙏💐💐

Subject : GS - दिनविशेष, व्यक्ती

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) लता मंगेशकर यांना ----- वर्षी भारतरत्न पुरस्कार देण्यात आला.

(सरळसेवा भरती, SSC CGL 2022) 

1. 2003

2. 2001

3. 1997

4. 1999

उत्तर : 2001

भारतरत्न लता मंगेशकर यांबद्दल परीक्षेसाठी IMP वनलाईनर पॉईंट्स : 

• जन्म : लता मंगेशकरांचा जन्म 28 सप्टेंबर 1929 रोजी मध्य प्रदेश (ब्रिटिश काळात सेंट्रल इंडिया एजन्सी)च्या इंदौर शहरात झाला.
• भारतीय संगीत क्षेत्रामध्ये सात दशकांच्या कारकिर्दीतील योगदानासाठी त्यांना भारताची गानकोकिळा (Nightingale of India) आणि क्वीन ऑफ मेलडी सारख्या सन्माननीय पदव्या मिळाल्या.
• लतादीदींनी तब्बल 36 पेक्षा जास्त भारतीय भाषांमध्ये आणि काही परदेशी भाषांमध्ये गाणी ध्वनिमुद्रित केली होती.
• त्यांनी 25000 हून अधिक गाणी गायली.
• गिनीज् बुक ऑफ वर्ल्ड रेकॉर्ड्स मध्ये ’जगातील सर्वांत जास्त गाणी ध्वनिमुद्रित करणारी गायिका’ म्हणून त्यांचा गौरवास्पद उल्लेख आहे.
• वयाच्या 13 व्या वर्षी वसंत जोगळेकर यांच्या ‘किती हसाल’ या मराठी चित्रपटासाठी त्यांनी पहिले गाणे रेकॉर्ड केले.
• मृत्यू : गानसम्राज्ञी लता मंगेशकर यांचे 6 फेब्रुवारी 2022 रोजी मुंबईतील ब्रिच कँडी रुग्णालयात वयाच्या 93 व्या वर्षी निधन झाले. 

पुरस्कार आणि सन्मान : 

आपल्या दीर्घ कारकिर्दीत लतादीदींना अनेक पुरस्कार आणि सन्मानांनी गौरविण्यात आले. काही महत्त्वाचे पुरस्कार पुढीलप्रमाणे :

• पद्मभूषण (1969)
• दादासाहेब फाळके पुरस्कार (1989)
• महाराष्ट्र भूषण (1997)
• पद्मविभूषण (1999)
• भारतरत्न (2001)
• लीजन ऑफ ऑनर - 2007 मध्ये फ्रान्स सरकारने त्यांना फ्रान्सचा सर्वोच्च नागरी पुरस्कार, "द लीजन ऑफ ऑनर"ने सन्मानित केले.

गानसम्राज्ञी लता मंगेशकर यांच्या नावाने दिले जाणारे पुरस्कार : 

लता दीनानाथ मंगेशकर पुरस्कार कोणा द्वारे दिला जातो ? 

• मास्टर दीनानाथ मंगेशकर स्मृती प्रतिष्ठान चॅरिटेबल ट्रस्ट द्वारे हा पुरस्कार दिला जातो.
• या पुरस्काराची सुरुवात 2022 मध्ये करण्यात आली.
• 2024 चा लता दीनानाथ मंगेशकर पुरस्कार श्री अमिताभ बच्चन यांना देण्यात आला.

लता मंगेशकर पुरस्कार कोणत्या राज्याद्वारे दिला जातो ? 

• मध्य प्रदेश सरकारकडून हा पुरस्कार देण्यात येतो.
• हा पुरस्कार 28 सप्टेंबर रोजी लता मंगेशकर यांच्या जन्मदिनी दिला जातो.
• या पुरस्काराची सुरुवात 1984 मध्ये केले गेली.
• संगीत क्षेत्रातील कलात्मक उत्कृष्टतेला प्रोत्साहन देणे हा या पुरस्काराचा उद्देश आहे. 

चंद्रिका टंडन यांनी ग्रॅमी पुरस्कार जिंकला

Chandrika Tandon Won Grammy Award 

Subject : GS - पुरस्कार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारतीय-अमेरिकन गायिका चंद्रिका टंडन यांना कोणत्या अल्बमसाठी प्रतिष्ठित ग्रॅमी पुरस्कारानं सन्मानित करण्यात आले ? 

1. त्रिपुरा
2. संगम 
3. त्रिलोक
4. त्रिवेणी

उत्तर : त्रिवेणी (Triveni) 

बातमी काय आहे ? 

• संगीतकार चंद्रिका टंडन यांना त्रिवेणी अल्बमसाठी ग्रॅमी पुरस्कार मिळाल्याबद्दल पंतप्रधान नरेंद्र मोदी यांनी त्यांचे अभिनंदन केले. 
• चंद्रिका टंडन यांनी दक्षिण आफ्रिकेच्या बासरीवादक वाउटर केलरमॅन आणि जपानी सेलिस्ट इरु मात्सुमोतो यांच्याबरोबर 'त्रिवेणी' अल्बमवर काम केलं होतं. 
• या अल्बमसाठी त्यांना, बेस्ट न्यू एज, ॲम्बियंट ऑर चांट अल्बम'साठी ग्रॅमी पुरस्कारानं सन्मानित करण्यात आलं आहे.

67 वा ग्रॅमी पुरस्कार 2025 सोहळा कुठे पार पडला ? 

• 2 फेब्रुवारी 2025 रोजी अमेरिकेच्या लॉस एंजेलिस या ठिकाणी हा सोहळा पार पडला. 

ग्रॅमी पुरस्कारा बद्दल परीक्षेसाठी IMP वनलाईनर पॉईंट्स : 

• ग्रॅमी पुरस्कार (Grammy Award) हा अमेरिका देशामधील नॅशनल ॲकॅडमी ऑफ रेकॉर्डिंग आर्ट्‌स अँड सायन्स ह्या संस्थेतर्फे दिला जाणारा पुरस्कार आहे. 
• ग्रॅमी पुरस्कार हा संगीतातील सर्वात प्रतिष्ठित सन्मान आहे.
• ग्रॅमी पुरस्कार संगीतातील त्या वर्षीच्या सर्वोत्तम योगदानासाठी दिला जातो.
• ग्रॅमी पुरस्काराला संगीत क्षेत्रातील ऑस्कर पुरस्कार म्हणूनही ओळखले जाते. 
• पहिला ग्रॅमी पुरस्कार वितरण सोहळा 4 मे 1959 रोजी अमेरिकेच्या लॉस एंजेल्स व न्यू यॉर्क ह्या शहरांमध्ये साजरा झाला.

ग्रॅमी पुरस्कार जिंकणारे पहिले भारतीय कोण ?

(SSC CHSL 2021, SSC MTS 2022, सरळसेवा भरती)

• सतारवादक पंडित रविशंकर हे ग्रॅमी पुरस्कार जिंकणारे पहिले भारतीय आहेत. 
• त्यांना 1968 मध्ये ग्रॅमी पुरस्काराने सन्मानित करण्यात आले. 

"ग्रॅमी लाईफ टाईम अचिव्हमेंट अवॉर्ड" मिळवणारे पहिले भारतीय कोण ? 

(SSC MTS 2022, सरळसेवा भरती)

• सतारवादक पंडित रविशंकर हे "ग्रॅमी लाईफ टाईम अचिव्हमेंट अवॉर्ड" मिळवणारे पहिले भारतीय संगीतकार आहेत.
• पंडित रविशंकर यांना मरणोत्तर २०१३ मध्ये ग्रॅमी लाईफ टाईम अचिव्हमेंट अवॉर्डने सन्मानित करण्यात आले. 

संयुक्त राष्ट्र मानवाधिकार परिषदेतून कोणता देश बाहेर पडला ? 

Which country withdrawal from UNHRC ? 

Subject : GS - जागतिक संघटना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलीकडेच कोणत्या देशाने संयुक्त राष्ट्र मानवाधिकार परिषदेतून (UNHRC) बाहेर पडण्याची घोषणा केली ?

1. फ्रान्स 

2. रशिया 

3. चीन 

4. अमेरिका

उत्तर : अमेरिका

बातमी काय आहे ? 

• अमेरिकेचे राष्ट्राध्यक्ष डोनाल्ड ट्रम्प यांनी UNHRC मधून बाहेर पडण्याचा निर्णय घेतला आहे. 
• यासाठी त्यांनी एका कार्यकारी आदेशावर स्वाक्षरी केली.
• ज्यामध्ये देशाने संयुक्त राष्ट्र मानवाधिकार परिषदेतून (UNHRC) बाहेर पडण्याचा आणि पॅलेस्टाईनमधील पॅलेस्टाईन निर्वासितांसाठी संयुक्त राष्ट्रांच्या मदत आणि कार्य एजन्सीला (UNRWA) अमेरिकेकडून दिला जाणारा निधी बंद करण्यात येणार आहे. 

संयुक्त राष्ट्र मानवाधिकार परिषदेबद्दल परीक्षेसाठी IMP वनलाईनर पॉईंट्स : 

(United Nations Human Rights Council ) 

संयुक्त राष्ट्र मानवाधिकार परिषदेची स्थापना केव्हा करण्यात आली ? 

• संयुक्त राष्ट्र महासभेने 2006 मध्ये संयुक्त राष्ट्र मानवाधिकार परिषदेची स्थापना केली होती.
• UNHRC मध्ये 47 सदस्य राष्ट्रे असतात, जी संयुक्त राष्ट्रांच्या महासभेद्वारे निवडली जातात.
• या परिषदेचे सदस्य प्रादेशिक गटाच्या आधारावर 3 वर्षांसाठी निवडून येतात.

संयुक्त राष्ट्र मानवाधिकार परिषदेचे मुख्यालय कोठे आहे ? 

• या परिषदेचे मुख्यालय स्वित्झर्लंडमधील जिनिव्हा (Geneva) येथे आहे.

संयुक्त राष्ट्र मानवाधिकार परिषदेचे उद्दिष्ट काय आहे ? 

संयुक्त राष्ट्र मानवाधिकार परिषद काय काम करते ? 

• जगभरातील मानवी हक्कांचे संरक्षण करणे, मानवी हक्क उल्लंघनांची चौकशी करणे आणि ते रोखण्यासाठी पावले उचलणे.
• शिक्षण, जागरूकता आणि आंतरराष्ट्रीय सहकार्याद्वारे मानवी हक्कांना प्रोत्साहन देणे. 
• युद्ध, संघर्ष आणि इतर संकटांच्या वेळी मानवी हक्कांचे संरक्षण सुनिश्चित करणे.
• सदस्य राष्ट्रांच्या मानवी हक्कांच्या नोंदींचे नियमितपणे पुनरावलोकन करणे तसेच त्यासंदर्भात सदस्य राष्ट्रांचा आढावा घेणे.