विजय दिवस

Vijay Diwas

विजय दिवसानिमित्त शूर सैनिकांना अभिवादन 🙏💐💐

Subject : GS

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 1971 च्या युद्धात भारतीय सशस्त्र दलांनी पाकिस्तानवर मिळवलेल्या विजयाचा गौरव करण्यासाठी दरवर्षी खालील पैकी कोणता दिवस विजय दिवस म्हणून साजरा केला जातो ? 

1. 16 डिसेंबर

2. 16 जुलै

3. 31 डिसेंबर

4. 7 मे

उत्तर : 16 डिसेंबर

दरवर्षी 16 डिसेंबर रोजी विजय दिवस साजरा केला जातो.

16 डिसेंबर रोजी विजय दिवस का साजरी करतात ?

• 1971 च्या भारत-पाक युद्धातील भारताच्या विजयाचे स्मरण म्हणून 16 डिसेंबर रोजी विजय दिवस साजरा करतात.

• हा दिवस आपल्याला 1971 मध्ये झालेल्या भारत-पाक युद्धात पाकिस्तानवर भारताच्या ऐतिहासिक विजयाची आठवण करून देतो.

• हे युद्ध 13 दिवस चालले आणि पाकिस्तानने 93,000 सैनिकांसह आत्मसमर्पण केल्याने त्याचा शेवट झाला. 

• या युद्धामुळे बांगलादेश मुक्त झाला.

• 16 डिसेंबर हा दिवस भारताचे लष्करी सामर्थ्य, न्यायप्रति वचनबद्धता आणि मानवतावादी मूल्यांवर प्रकाश टाकणारा आहे. 

भारत - पाकिस्तान 1971 चे युद्ध का झाले ?

• युद्धाची सुरुवात 26 मार्च 1971 रोजी पाकिस्तान कडून झाली.

• या दिवशी पश्चिम पाकिस्तानने पूर्व पाकिस्तानमध्ये ऑपरेशन सर्चलाइट सुरू केले.

• त्यामुळे लाखो बांगलादेशी भारतात पळून गेले. 

• मुख्यतः बांगलादेशच्या सर्वात जवळची राज्ये पश्चिम बंगाल, आसाम, मेघालय आणि त्रिपुरा यांसारख्या राज्यांमध्ये.

• बांगलादेशातील या निर्वासितांची संख्या या राज्यांत वाढू लागली. 

• भारताने अन्न आणि निवारा देऊन या निर्वासितांची मदत केली.

• 3 डिसेंबर 1971 रोजी पाकिस्तानने भारतावर हवाई हल्ला केला, ज्यामध्ये भारतीय हवाई दलाच्या 11 तळांना लक्ष्य करण्यात आले. याला प्रत्युत्तर म्हणून भारताने पाकिस्तानविरुद्ध युद्ध पुकारले.

• बांग्लादेशच्या स्वातंत्र्यासाठी लढणाऱ्या मुक्ती वाहिनी सैन्य आणि भारतीय जवानांनी पाकिस्तानी सैन्याचा पराभव केला.

• 16 डिसेंबर 1971 रोजी पूर्व पाकिस्तानातील पाकिस्तानी सैन्य दलाचे कमांडर लेफ्टनंट जनरल आमिर अब्दुल्ला खान नियाझी यांनी आत्मसमर्पण करारावर स्वाक्षरी केली. 

• 16 डिसेंबर 1971 रोजी बांग्लादेश स्वतंत्र झाला.

1971 च्या भारत- पाकिस्तान युद्धादरम्यान भारताचे पंतप्रधान कोण होते ?

श्रीमती इंदिरा गांधी या 1971 च्या भारत- पाकिस्तान युद्धाच्या वेळी भारताच्या पंतप्रधान होत्या.

1971 च्या भारत- पाकिस्तान युद्धादरम्यान भारतीय लष्कर प्रमुख कोण होते ? 

फिल्ड मार्शल सॅम माणेकशॉ हे 1971 च्या भारत- पाकिस्तान युद्धादरम्यान भारतीय लष्कर प्रमुख होते. 

कारगिल विजय दिवस केव्हा असतो ? 

• कारगिल विजय दिवस : 26 जुलै रोजी असतो. 

• लडाख येथील कारगिल जिल्ह्यात 1999 साली भारत आणि पाकिस्तान यांच्यात युद्ध झाले.

• 26 जुलै 1999 रोजी भारताने पाकिस्तानचा पराभव करून कारगिल युद्ध जिंकले.

सरदार वल्लभभाई पटेल पुण्यतिथी

Tribute to Sardar Vallabhbhai Patel on his Death Anniversary 

15 डिसेंबर लोहपुरुष सरदार वल्लभभाई पटेल यांची पुण्यतिथी.

देशाचे लोहपुरुष सरदार वल्लभभाई पटेल यांना त्यांच्या स्मृतिदिनानिमित्त कोटी कोटी प्रणाम 🙏💐💐

Subject : GS - आधुनिक भारताचा इतिहास, व्यक्ती

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राष्ट्रीय एकता दिवस खालीलपैकी कोणाच्या समानार्थ साजरी करण्यात येतो ?

1. महात्मा गांधी

2. पंडित जवाहरलाल नेहरू

3. सरदार वल्लभभाई पटेल

4. लाल बहादूर शास्त्री

उत्तर : सरदार वल्लभभाई पटेल

सरदार वल्लभभाई पटेल यांच्या बद्दल IMP वनलाईनर पॉईंट्स : 

• जन्म : त्यांचा जन्म 31 ऑक्टोबर 1875 रोजी गुजरातमधील नडियाद येथे झाला.

• सरदार पटेल हे भारताचे पहिले उपपंतप्रधान आणि पहिले गृहमंत्री होते.

• मृत्यू : 15 डिसेंबर 1950 रोजी मुंबईत त्यांचे निधन झाले.

• आधुनिक अखिल भारतीय सेवा प्रणालीची (Modern All-India Services System) स्थापना केल्यामुळे त्यांना ‘भारताच्या नागरी सेवांचे संरक्षक संत’ (Patron Saint of India’s Civil Servants) म्हणूनही स्मरणात ठेवले जाते.

• भारतरत्न पुरस्कार : 1991 मध्ये मरणोत्तर त्यांना 'भारतरत्न' या सर्वोच्च नागरी पुरस्काराने सन्मानित करण्यात आले.

• विमानतळ : अहमदाबाद येथील विमानतळाला सरदार वल्लभाई पटेल आंतरराष्ट्रीय विमानतळ असे नाव देण्यात आले आहे.

राष्ट्रीय एकता दिवस कोणत्या वर्षी घोषित करण्यात आला ? 

• 2014 मध्ये, भारत सरकारने अधिकृतपणे 31 ऑक्टोबर हा राष्ट्रीय एकता दिवस म्हणून घोषित केला.

• सरदार वल्लभभाई पटेल यांच्या राष्ट्राची एकता, अखंडता आणि सुरक्षेसाठीच्या वचनबद्धतेचा सन्मान करणे आणि त्यांचे हे विचार देशाच्या नागरीकांच्या मनात बिंबवने हा या मागचा उद्देश आहे.

स्टॅच्यू ऑफ युनिटी कोठे आहे ? 

2018 मध्ये, भारत सरकारने सरदार पटेल यांच्या 143 व्या जयंतीनिमित्त गुजरातमध्ये ‘स्टॅच्यू ऑफ युनिटी’ चे अनावरण केले.

भारतीय स्वातंत्र्य लढ्यातील योगदान :

• त्यांनी खेडा सत्याग्रह (1918) आणि बारडोली सत्याग्रह (1928) मध्ये शेतकऱ्यांचा संघर्ष राष्ट्रीय स्वातंत्र्य चळवळीशी जोडला.

• 1930 च्या मिठाच्या सत्याग्रहादरम्यान (प्रार्थना आणि उपोषण आंदोलन) सरदार पटेल यांनी तीन महिने तुरुंगवास भोगला.

• मार्च 1931 मध्ये सरदार पटेल यांनी भारतीय राष्ट्रीय काँग्रेसच्या कराची अधिवेशनाचे (46 वे अधिवेशन) अध्यक्षपद भूषविले.

• 1942 मधील भारत छोडो आंदोलनादरम्यान सरदार वल्लभभाई पटेल यांनी महत्वपूर्ण भूमिका पार पाडली.

सरदार वल्लभभाई पटेल यांना सरदार ही पदवी कोणी दिली ? 

• 1928 मध्ये बारडोली सत्याग्रह, हे गुजरात मधील बारडोली येथील शेतकऱ्यांनी अन्यायकारक कर वाढवण्याच्या विरोधात केलेले आंदोलन होते. 

• या आंदोलनाचे नेतृत्व वल्लभभाई पटेल यांनी केले.

• बारडोलीच्या महिलांनी वल्लभभाई पटेल यांना ‘सरदार’ ही पदवी दिली.

राष्ट्रीय ऊर्जा संवर्धन दिन

National Energy Conservation Day

Subject : GS - पर्यावरण, दिनविशेष

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राष्ट्रीय ऊर्जा संवर्धन दिन केव्हा साजरी करण्यात येतो ?

1. 1 डिसेंबर

2. 14 डिसेंबर

3. 31 डिसेंबर

4. 1 जानेवारी

उत्तर : 14 डिसेंबर

बातमी काय आहे ? 

देशात 14 डिसेंबर हा दिवस राष्ट्रीय ऊर्जा संवर्धन दिन म्हणून साजरा केला जातो.

ऊर्जा संवर्धन म्हणजे काय ? 

• उर्जेचा अनावश्यक वापर कमी करून, कमी उर्जेचा वापर करून उर्जेची बचत करणे हा ऊर्जा संवर्धनाचा खरा अर्थ आहे. 

• भविष्यातील वापरासाठी उर्जेची बचत करण्यासाठी कार्यक्षमतेने वापरणे अत्यंत आवश्यक आहे. 

• ऊर्जा संवर्धन नियोजनाच्या दिशेने अधिक परिणामकारक परिणाम मिळविण्यासाठी, प्रत्येक मानवी वर्तनाची गांभीर्याने काळजी घेऊन ऊर्जा वाचवता येते.

• उदाहरणार्थ : दैनंदिन वापरातील अनेक विद्युत उपकरणे जसे की पंखे, बल्ब गरज नसताना बंद करणे,

• कमी वीज खर्च करणारे उपकरणे वापरणे इत्यादी .

राष्ट्रीय ऊर्जा संवर्धन दिन केव्हा पासून साजरी करण्यात येतो ?

• वर्ष 1991 पासून हा दिवस ऊर्जा कार्यक्षमता ब्युरो (BEE) द्वारे हा दिवस साजरा करण्यात येतो.

• या दिवसाचे महत्त्व ओळखून 14 डिसेंबर या दिवशी राष्ट्रीय ऊर्जा संवर्धन पुरस्कार प्रदान केले जातात.

राष्ट्रीय ऊर्जा संवर्धन दिनाचे उद्दिष्ट कोणते ?  

• भारतातील राष्ट्रीय ऊर्जा संवर्धन दिनाचे उद्दिष्ट लोकांना उर्जेचे महत्त्व तसेच बचत आणि ऊर्जा बचतीद्वारे संवर्धनाची जाणीव करून देणे आहे.

• ऊर्जा संवर्धन, या विषयाला केंद्रस्थानी ठेवून कार्यक्षम पद्धती आणि तंत्रज्ञानाचा प्रचार करून अनावश्यक उर्जेचा वापर कमी करण्याच्या प्रयत्नांना चालना देणे, हे या दिवसाचे उद्दिष्ट आहे.

ऊर्जा कार्यक्षमता ब्युरो (Bureau of Energy Efficiency ) म्हणजे काय ? 

ऊर्जा कार्यक्षमता ब्युरोची स्थापना केव्हा करण्यात आली ? 

• भारत सरकारने ऊर्जा संरक्षण कायदा, 2001 च्या तरतुदींनुसार 1 मार्च 2002 रोजी ऊर्जा कार्यक्षमता ब्युरो (BEE) ची स्थापना केली. 

• ऊर्जा कार्यक्षमता ब्युरो भारत सरकारच्या अंतर्गत येते आणि ऊर्जा वापर कमी करण्यासाठी धोरणे आणि योजना विकसित करण्यात मदत करते. 

रेल्वे (दुरुस्ती) विधेयक 2024 

Railways (Amendment) Bill, 2024

Subject : GS - राज्यशास्त्र, घटना दुरुस्ती

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) नुकतच रेल्वे (दुरुस्ती) विधेयक 2024 लोकसभेत मंजूर झाले. त्याबद्दल खालील विधानांपैकी योग्य विधान/ विधाने असलेला पर्याय निवडा ? 

अ) हे विधेयक 1905 चा कायदा रद्द करते आणि त्यातील तरतुदी रेल्वे कायदा, 1989 मध्ये समाविष्ट करते.

ब) या विधेयकात रेल्वे बोर्डाचे अधिकार वाढवण्यासाठीच्या तरतूदी आहे.

पर्याय : 

1. फक्त अ बरोबर

2. फक्त ब बरोबर

3. अ आणि ब दोन्ही बरोबर

4. अ आणि ब दोन्ही चूक 

उत्तर : अ आणि ब दोन्ही बरोबर

बातमी काय आहे ?

• नुकतच रेल्वे (दुरुस्ती) विधेयक 2024 लोकसभेत मंजूर झाले.

• त्याचबरोबर युवकांना रेल्वेमध्ये जास्तीत जास्त संधी उपलब्ध करून देण्यासाठी केंद्र सरकार कटिबद्ध असल्याचे सांगून रेल्वेमंत्री म्हणाले की, रेल्वेमध्ये 58,642 रिक्त पदांसाठी भरतीची प्रक्रिया सुरू आहे.

रेल्वे (दुरुस्ती) विधेयक 2024 संदर्भात परीक्षेसाठी IMP वनलाईनर पॉईंट्स : 

• भारतातील पहिली प्रवासी रेल्वे सेवा 1853 मध्ये सुरू झाली आणि 1890 मध्ये रेल्वे कायदा लागू करण्यात आला.

• रेल्वे हा सुरुवातीला सार्वजनिक बांधकाम विभागाचा एक भाग होता. 

• सन 1905 मध्ये सार्वजनिक बांधकाम विभागापासून वेगळे करून नवीन रेल्वे बोर्ड स्थापन करण्यात आले. 

रेल्वे (दुरुस्ती) विधेयक 2024 या विधेयकाचे उद्दिष्ट काय आहे ? 

रेल्वे बोर्डाचे अधिकार वाढवण्यासाठी आणि कामकाजाची कार्यक्षमता सुधारण्यासाठी रेल्वे कायदा 1989 मध्ये सुधारणा करण्याचे या विधेयकाचे उद्दिष्ट आहे.

रेल्वे (दुरुस्ती) विधेयक 2024 या विधेयकातील प्रमुख तरतुदी कोणत्या ? 

1905 चा कायदा रद्द : 

• हे विधेयक 1905 चा कायदा रद्द करते आणि त्यातील तरतुदी रेल्वे कायदा, 1989 मध्ये समाविष्ट करते.

• यामुळे दोन कायद्यांचा संदर्भ घेण्याची गरज कमी होईल.

रेल्वे बोर्डाला वैधानिक पाठबळ :  

ते रेल्वे बोर्डाला कायदेशीर मान्यता देण्यासाठी रेल्वे कायदा, 1989 मध्ये सुधारणा करते.

अधिकारांचे विकेंद्रीकरण: 

स्वतंत्रपणे बजेट, पायाभूत सुविधा आणि भरती व्यवस्थापित करण्यासाठी रेल्वे झोनला अधिक स्वायत्तता देते.

स्वतंत्र नियामकाची स्थापना : 

मालवाहतूक सुधारण्यासाठी, टॅरिफचे नियमन करण्यासाठी, सुरक्षितता सुनिश्चित करण्यासाठी आणि खाजगी क्षेत्राचा सहभाग सुलभ करण्यासाठी स्वायत्त संस्था सादर करते.

भारतीय रेल्वे संदर्भात परीक्षेसाठी IMP वनलाईनर पॉईंट्स : 

• भारतातील पहिली रेल्वे 1853 मध्ये मुंबई ते ठाणे अशी 34 किलोमीटर (21 मैल) धावली.

• लॉर्ड डलहौजी हे भारतीय रेल्वेचे जनक म्हणून ओळखले जातात. 

• प्रवासी वाहतुकीच्या बाबतीत भारतामध्ये जगातील सर्वात मोठे रेल्वे नेटवर्क आहे.

• अमेरिका, रशिया आणि चीनच्या नंतर भारतात जगातील चौथ्या क्रमांकाची रेल्वे नेटवर्क आहे.

बुद्धिबळाच्या इतिहासातील सर्वात युवा जगज्जेता

Youngest World Chess Champion

Subject : GS - खेळ

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) बुद्धिबळ खेळाच्या इतिहासातील सर्वात तरुण वर्ल्ड चॅम्पियन खालील पैकी कोण ठरला ?

1. डिंग लिरेन

2. विश्वनाथ आनंद

3. डी. गुकेश 

4. मॅग्नस कार्लसन

उत्तर : डी. गुकेश 

बातमी काय आहे ?

नुकत्याच झालेल्या बुद्धिबळाच्या विश्वविजेतेपदाच्या लढतीत भारताच्या डोम्माराजू गुकेशनं जागतिक बुद्धिबळ स्पर्धेचे विजेतेपद पटकावले.

जागतिक बुद्धिबळ स्पर्धे बद्दल परीक्षेसाठी IMP वनलाईनर पॉईंट्स :

• भारताचा 18 वर्षीय बुद्धिबळपटू डोम्माराजू गुकेश बुद्धिबळ खेळाच्या इतिहासातील सर्वात तरुण वर्ल्ड चॅम्पियन ठरला आहे.

• याआधी रशियन दिग्गज गॅरी कास्परोव्ह याने वयाच्या 22 व्या वर्षी विजेतेपद पटकावले होतं.

• विश्व चॅम्पियनशिपमध्ये जिंकणारा तो श्री विश्वनाथन आनंदनंतरचा दुसरा भारतीय खेळाडू आहे.

• याआधी भारताकडून केवळ विश्वनाथन आनंदलाच बुद्धिबळाचं जगज्जेतेपद मिळवता आलं होतं. 

विश्व चॅम्पियनशिप जिंकणारा गुकेश हा कितवा आशियाई खेळाडू आहे ?

विश्व चॅम्पियनशिप जिंकणारा गुकेश हा 3 रा आशियाई खेळाडू आहे. 

1. पहिला : श्री विश्वनाथन आनंद (भारत)  

2. दुसरा : डिंग लिरेन (चीन) 

3. तिसरा : डी. गुकेश (भारत)  

(नोट : श्री विश्वनाथन आनंद 5 वेळा जागतिक बुद्धिबळ चॅम्पियन आहे)

जागतिक बुद्धिबळ स्पर्धे बद्दल : 

• सिंगापूरमध्ये झालेल्या विश्वविजेतेपदाच्या लढतीत भारताचा गुकेश आणि चीनचा डिंग लिरेन या दोघांमध्ये एकूण 14 गेम्समध्ये खेळले गेले.

• 25 नोव्हेंबर पासून या चॅम्पियनशिप ची फायनल सुरू झाली होती.

• 11 डिसेंबर पर्यंत दोघांमध्ये 13 गेम खेळले गेले यामध्ये दोघांचाही स्कोर सारखा म्हणजे 6.5- 6.5 असा होता. 

• या 13 फेऱ्यांमध्ये दोघांनी प्रत्येकी 2 सामने जिंकले होते, तर उर्वरित 9 सामने अनिर्णित राहिले होते.

• 14 वा सामन्यात गुकेशने एक पॉईंट्स जिंकून 7.5- 6.5 ने चीनच्या डिंग लिरेनचा पराभव केला.

डी. गुकेश बद्दल परीक्षेसाठी IMP वनलाईनर पॉईंट्स :

• डी. गुकेश यांचे पूर्ण नाव डोम्माराजू गुकेश आहे. 

• त्याचा जन्म 7 मे 2006 रोजी चेन्नई येथे झाला. 

• त्याने वयाच्या ७ व्या वर्षी बुद्धिबळ खेळायला सुरुवात केली. 

• गुकेशला सुरुवातीला श्री भास्कर नागय्या यांनी प्रशिक्षण दिले.

• यानंतर श्री विश्वनाथन आनंदन यांनी गुकेशला खेळाची माहिती देण्याबरोबरच त्याला प्रशिक्षणही दिले. 

• गुकेशचे वडील डॉक्टर असून आई व्यवसायाने मायक्रोबायोलॉजिस्ट आहे.

आंतरराष्ट्रीय बुद्धिबळ महासंघ (International Chess Federation) बद्दल परीक्षेसाठी IMP वनलाईनर पॉईंट्स :

• ही बुद्धिबळ खेळाची प्रशासकीय संस्था आहे आणि जगभरातील अनेक राष्ट्रीय बुद्धिबळ महासंघांना जोडते.

• बुद्धिबळाशी संबंधित सर्व आंतरराष्ट्रीय स्पर्धांवर नियंत्रण ठेवणारी ही संस्था आहे.

• स्थापना : आंतरराष्ट्रीय बुद्धिबळ महासंघाची स्थापना 20 जुलै 1924 रोजी पॅरिसमध्ये झाली.

• मुख्यालय : त्याचे मुख्यालय स्वित्झर्लंडमधील लॉसने (Lausanne) शहरात आहे.

आंतरराष्ट्रीय बुद्धिबळ दिन केव्हा साजरी करतात ?

20 जुलै हा दिवस आंतरराष्ट्रीय बुद्धिबळ दिन म्हणून साजरा केला जातो. 

भारतीय भाषा उत्सव 

Bharatiya Bhasha Utsav

Subject : GS - कला आणि संस्कृती -साहित्य, दिनविशेष, व्यक्ती

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारतीय भाषा उत्सव खालील पैकी कोणत्या महान कवींच्या सन्मानार्थ साजरी करण्यात येतो ?

1. तुलसीदास

2. कालिदास

3. सुब्रमण्य भारती

4. सूरदास

उत्तर : महाकवी सुब्रमण्य भारती

बातमी काय आहे ?

• 4 ते 11 डिसेंबर 2024 या कालावधीत सांस्कृतिक कार्यक्रम, स्पर्धा आणि शैक्षणिक उपक्रमांद्वारे भारतीय भाषा उत्सव साजरी करण्यात आला. 

• हा उत्सव शिक्षण मंत्रालयाच्या शालेय शिक्षण आणि साक्षरता विभागाद्वारे साजरी केला जातो.

भारतीय भाषा उत्सव कोणाच्या सन्मानार्थ साजरी करतात ?

• भारतीय भाषा उत्सव महाकवी सुब्रमण्य भारती यांच्या सन्मानार्थ साजरी करतात.

• हा उत्सव 11 डिसेंबर 2024 रोजी आदरणीय महाकवी सुब्रमण्य भारती यांच्या जयंती साजरी करण्यासाठी शिक्षण मंत्रालयाने आयोजित केलेला आठवडाभर चालणारा उत्सव आहे.

भारतीय भाषा उत्सव का साजरी करतात ?

भारतीय भाषा उत्सव साजरी करण्याचा उद्देश काय आहे ?

• आपली सांस्कृतिक ओळख जपणे 

• नागरिकांमध्ये एकता वाढवणे

• विद्यार्थ्यांमध्ये भारतीय भाषा आणि साहित्याबद्दल सखोल कृतज्ञता वाढवणे.

• बहुभाषिकतेला प्रोत्साहन देणे

• शिक्षण आणि संशोधनासाठी भारतीय भाषा माध्यम तयार करणे

• भाषाप्रेमींच्या नवीन पिढीला प्रेरणा देण्यासाठी भाषेचे महत्त्व अधोरेखित करणे

• आपल्या राष्ट्राच्या सांस्कृतिक जडणघडणीत अंतर्भूत असलेल्या भाषिक विविधतेचा प्रचार आणि प्रसार करणे हे भारतीय भाषा उत्सव साजरी करण्याचा उद्देश आहे.

भारतीय भाषा उत्सव 2024 ची संकल्पना (थीम) काय आहे ? 

"भाषांच्या माध्यमातून एकता" ("Unity through Languages") ही 2024 ची भारतीय भाषा उत्सवाची संकल्पना आहे. 

आदरणीय महाकवी सुब्रमण्य भारती यांबद्दल थोडक्यात माहिती : 

• सुब्रमणिया भारती हे भारतातील तमिळ लेखक, कवी, पत्रकार, भारतीय स्वातंत्र्य कार्यकर्ते, समाजसुधारक आणि बहुभाषिक होते. 

• त्यांचा जन्म 11 डिसेंबर 1882 रोजी तामिळनाडूमधील एट्ट्यापुरम् येथे झाला.

• सुब्रमण्य भारती यांना महाकवी भारतियार म्हणूनही ओळखले जाते.

• महाकवी सुब्रह्मण्य भारती यांना आधुनिक तमिळ शैलीचे जनक मानले जातात.

देशभक्त महाकवी सुब्रमण्य भारती : 

• महाकवी सुब्रह्मण्य भारती यांनी आपल्या लेखनातून लोकांमध्ये देशभक्तीची भावना जागृत केली.

• त्यांनी आपल्या लिखाणातून भारतीय संस्कृतीचे मर्म आणि देशाचा आध्यात्मिक वारसा सर्वसामान्यांना समजण्यास सोपा असेल अशा भाषेतून लोकांपर्यंत पोहोचवला.

• महाकवी भारती यांची लोकमान्य टिळकांवर अपार निष्ठा होती.

• वाळ्ग तिलकन नामम वाळ्ग वाळ्गवे (टिळक नामाचा जय असो, त्रिवार जयजयकार असो) हे त्यांनी लिहिलेले गाणे अत्यंत प्रसिद्ध झाले.

चॅम्पियन्स ऑफ द अर्थ पुरस्कार कोणाला देण्यात आला ?

Champions of the Earth Award 2024

Subject : GS - पर्यावरण, पुरस्कार

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) संयुक्त राष्ट्राचा " चॅम्पियन्स ऑफ द अर्थ " हा पर्यावरणासाठीचा सर्वोच्च पुरस्कार खालील पैकी कोणाला देण्यात आला ?

1. सुंदर लाल बहुगुणा

2. मेधा पाटकर

3. राजेंद्र सिंह

4. माधव गाडगीळ

उत्तर : माधव गाडगीळ

बातमी काय आहे ? 

ज्येष्ठ पर्यावरणतज्ज्ञ श्री माधव गाडगीळ यांना ‘चॅम्पियन ऑफ अर्थ’ जीवनगौरव पुरस्कार जाहीर झाला आहे.

चॅम्पियन्स ऑफ द अर्थ’ पुरस्कार काय आहे ?

• " चॅम्पियन्स ऑफ द अर्थ " हा संयुक्त राष्ट्राचा पर्यावरणासाठीचा सर्वोच्च पुरस्कार आहे.

• " चॅम्पियन्स ऑफ द अर्थ " पुरस्कार पहिल्यांदा 2005 मध्ये देण्यात आला.

"चॅम्पियन्स ऑफ द अर्थ " पुरस्कार कोणाला देण्यात येतो ?

जगभरातील पर्यावरणाच्या रक्षणासाठी काम करणाऱ्या, निसर्ग आणि जैवविविधतेचे नुकसान, प्रदूषण आणि कचरा तसेच हवामान बदलाच्या संकटाला शाश्वत मार्गाने तोंड देता येईल, यासंदर्भात उपाय सुचवणाऱ्या संशोधकांना, शास्त्रज्ञांना, कार्यकर्त्यांना आणि संस्थांना हा पुरस्कार दिला जातो.

श्री माधव गाडगीळ यांबद्दल परीक्षेसाठी IMP वनलाईनर पॉईंट्स :

• श्री माधव गाडगीळ हे भारतीय पर्यावरणशास्त्रज्ञ, शिक्षणतज्ञ, लेखक आणि सेंटर फॉर इकोलॉजी सायन्सचे संस्थापक आहेत.

• श्री माधव गाडगीळ हे जगातील प्रसिद्ध निसर्गशास्त्रज्ञांपैकी एक आहेत. 

• त्यांनी वनस्पती, पाणी, पशू-पक्षी, निसर्ग आणि मानवाचे संबंध, निसर्गात मानवाचा हस्तक्षेप याबाबत अभ्यास करून महत्त्वपूर्ण संशोधन केले आहे.

• त्यांना भारतातील पहिले बायोस्फीअर रिझर्व्ह, निलगिरी बायोस्फीअर रिझर्व्ह याच्या स्थापनेचे श्रेय दिले जाते.

• 1986 ते 1990 या काळात भारताच्या पंतप्रधानांच्या विज्ञान व तंत्रज्ञान सल्लागार मंडळाचे ते सदस्य होते. 

सरकारने गाडगीळ आयोगाची स्थापन कशासाठी केली होती ? 

• पश्चिम घाटाच्या पर्यावरणीयदृष्ट्या संवेदनशील प्रदेशावर हवामान बदल, विकास आणि लोकसंख्येचा परिणाम यांचे मूल्यांकन आणि विश्लेषण करण्यासाठी सरकारने स्थापन केलेल्या पश्चिम घाट पर्यावरण जैवविविधता समितीचे ते अध्यक्ष होते.

• त्यांच्या नावावरून या आयोगास "गाडगीळ आयोग" म्हणून ही ओळखले जाते.

श्री माधव गाडगीळ यांना मिळालेल्या पुरस्कारांपैकी परीक्षेसाठी महत्त्वाचे पुरस्कार : 

• भारत सरकारकडून पद्मश्री आणि पद्मभूषण पुरस्कार

• कर्नाटक सरकारचा राज्योत्सव पुरस्कार

• संयुक्त राष्ट्राचा " चॅम्पियन्स ऑफ द अर्थ " पुरस्कार

• जीवशास्त्रांसाठीचा शांतिस्वरूप भटनागर पुरस्कार

• विक्रम साराभाई पुरस्कार

• ईश्वरचंद्र विद्यासागर पुरस्कार

• पर्यावरणशास्त्रात केलेल्या कामगिरीसाठी सदर्न कॅलिफोर्निया युनिव्हर्सिटीचा सन २०१५ चा टायलर पुरस्कार

विलो चिप म्हणजे काय ?

What is Willow Chip ? 

Subject : GS - विज्ञान आणि तंत्रज्ञान - Computer

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अब्जावधी वर्षांचं काम 5 मिनिटांत करणारी क्वांटम कॉम्प्युटिंगसाठीची विलो (Willow) नावाची चिप खालील पैकी कोणत्या कंपनीने तयार केली आहे ?

1. गुगल (Google)

2. नासा (NASA) 

3. ॲपल (Apple)

4. माइक्रोसॉफ़्ट (Microsoft)

उत्तर : गुगल (Google)

विलो चीप बद्दल परीक्षेसाठी IMP वनलाईनर पॉईंट्स :

• अलीकडे, Google ने विलो' नावाच्या चिपचे अनावरण केले आहे.

• विलो चीप ही अतिशय शक्तिशाली आणि वेगवान क्वांटम कंप्युटिंग चीप आहे.

• विलो चिप क्वांटम कंप्युटिंगमध्ये लक्षणीय प्रगती घोषित केली आहे.

• अस्तित्वात असणाऱ्या जगातल्या सगळ्यात फास्ट सुपरकॉम्प्युटरला जे गणित सोडवायला 10 सेप्टिलियन (10 Septillion - 10,000,000,000,000,000,000,000,000) एवढी वर्षं लागतील तेच गणित ही चिप 5 मिनिटांत सोडवेल असा दावा गुगलने केला आहे.

क्वांटम चीप म्हणजे काय ? 

नेहमीची चीप आणि विलो चीप मध्ये फरक काय ?

• आपण कॉम्प्युटरमध्ये जे काही टाईप करतो जसे की शब्द, आकडे यांसारख्या सगळ्याचं कॉम्प्युटरच्या या बिट्सच्या भाषेत रूपांतर केलं जातं. आणि स्टोअर केलं जातं. यालाच म्हणतात कॉम्प्युटरची बायनरी सिस्टीम.

• या बिट्सची भाषा असते 0 आणि 1 ची. 

• रेगुलर चीप मध्ये BITS झिरो किंवा वन असतात. म्हणजे एक तर झिरो असेल नाही तर वन असेल.

• परंतु क्युबिट हा 0 किंवा 1 किंवा एकाच वेळी 0 आणि 1 दोन्ही असू शकतो. 

• क्वांटम कॉम्प्युटरमधले हे क्युबिट्स एकमेकांसोबत इंटरॅक्ट करतात. त्यामुळे कमी क्युबिट्समध्ये भरपूर माहिती साठवली जाऊ शकते. आणि ती माहिती अधिक वेगाने प्रोसेस केली जाऊ शकते.

क्वांटम कॉम्प्युटर म्हणजे काय ?

• क्वांटम कॉम्प्युटिंग म्हणजे भौतिकशास्त्रातल्या मूलभत कणांच्या तत्त्वांचा वापर करून एक शक्तिशाली कॉम्प्युटर.

• Trapped ions, Photons, कृत्रिम वा खरे अणु (Atoms) किंवा अर्धकणांपासून (Quasiparticles) क्युबिट बनलेले असू शकतात.

• क्वांटम कॉम्प्युटरमध्ये याच सूक्ष्म कणाच्या वर्तनाचा आणि गुणधर्मांचा वापर करून आपल्या नेहमीच्या कॉम्प्युटर्सपेक्षा वेगाने प्रॉब्लेम्स सोडवले जातात.

क्वांटम कॉम्प्युटिंगचा फायदा काय ?

• भौतिकशास्त्रातली जी गुंतागुंतीची समीकरणं सोडवण्यासाठी

• नवीन Drug Molecules म्हणजे औषधं शोधण्यासाठी

• जीवशास्त्र, खगोलशास्त्र ह्यांबद्दल आपली असलेली समज सीमित आहे. ती वाढवायला मदत करू शकतो.

• वैद्यकीय आणि कृत्रिम बुद्धिमत्ता (AI) सह विविध क्षेत्रात मोठे बदल घडवून येवू शकतात

क्वांटम कॉम्प्युटिंगचा धोका काय ?

• आपली ऑनलाईन ट्रान्झॅक्शन्स, चॅट मेसेजेस आणि इतर सेन्सिटिव्ह डेटा सुरक्षित ठेवण्यासाठी एनक्रिप्शन केलं जातं. 

• सुपरकॉम्प्युटरला किंवा साध्या कॉम्प्युटरला हे एनक्रिप्शन भेदता येत नाही. 

• पण हे एनक्रिप्शन भेदण्यासाठी या क्वांटम कम्प्युटरचा वापर केला जाऊ शकतो. 

• क्वांटम कॉम्प्युटर्सचा वापर यांसारख्या चुकीच्या गोष्टींसाठी होण्याचा धोका देखील शास्त्रज्ञांकडून सांगण्यात आला आहे.