जागतिक विज्ञान दिवस 

World Science Day

Subject : GS - दिनविशेष, विज्ञान आणि तंत्रज्ञान 

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी जागतिक विज्ञान दिन खालील पैकी कोणत्या दिवशी साजरा केला जातो ?

1. 1 नोव्हेंबर

2. 5 नोव्हेंबर

3. 10 नोव्हेंबर

4. 21 नोव्हेंबर

उत्तर : 10 नोव्हेंबर

• दरवर्षी 10 नोव्हेंबर रोजी, शांतता आणि विकासासाठी जागतिक विज्ञान दिन साजरा करण्यात येतो.

• 2001 मध्ये UNESCO ने जागतिक विज्ञान दिनाची स्थापन केली.

• हा दिवस, जागतिक शांतता आणि शाश्वत विकासाला चालना देण्यासाठी विज्ञानाच्या महत्त्वावर जोर देण्यासाठी समर्पित आहे. 

• दरवर्षी, हा दिवस हवामान बदल, आरोग्य संकटे आणि जैवविविधतेची हानी यासारख्या महत्त्वाच्या जागतिक आव्हानांचे निराकरण करण्यात विज्ञानाच्या आवश्यक भूमिकेकडे लक्ष वेधतो.

(नोट - UNESCO : United Nations Educational, Scientific and Cultural Organization.

UNESCO ही संयुक्त राष्ट्रांची शैक्षणिक, वैज्ञानिक आणि सांस्कृतिक संस्था आहे.)

पहिला जागतिक विज्ञान दिन केव्हा साजरी करण्यात आला ? 

UNESCO च्या संयुक्त विद्यमाने 10 नोव्हेंबर 2002 रोजी जगभरात शांतता आणि विकासासाठी पहिला जागतिक विज्ञान दिन साजरा करण्यात आला. 

जागतिक विज्ञान दिवस साजरा करण्याचे प्रमुख उद्दिष्ट कोणते आहे ? 

जागतिक विज्ञान दिवस का साजरा करण्यात येतो ?

• विज्ञानाचा शांतता आणि विकासाबद्दलचा जनमानसातील दृष्टिकोन अधिक प्रगल्भ करणे.

• विविध देशांमध्ये वैज्ञानिक संशोधनाची देवाणघेवाण करणे.

• राष्ट्रीय आणि आंतरराष्ट्रीय स्तरावर विज्ञान समित्यांची अथवा व्यासपीठांची स्थापना करणे आणि त्यांना प्रोत्साहन देणे.

• येणाऱ्या समस्यांकडे वैज्ञानिक जगताचे लक्ष वेधणे.

• सामान्य जनमानसात विज्ञानाबद्दल जागृती वाढावी, विज्ञानाचा शांततेसाठी व विकासासाठी वापर व्हावा यासाठी हा दिवस साजरा केला जातो.

जागतिक विज्ञान दिवस 2024 ची संकल्पना थीम काय आहे ? त्या संकल्पनेचा अर्थ काय आहे ? 

• 2024 साठी, "तरुणांचा पुढाकार" (Youth at the forefront) ही जागतिक विज्ञान दिवसाची संकल्पना (थीम) आहे.

• शाश्वत विकासासाठी नुकत्याच घोषित केलेल्या आंतरराष्ट्रीय विज्ञान दशकाच्या (२०२४-२०३३) अनुसरून यंदाची ही संकल्पना (थीम) आहे. 

• ही थीम तरुणांना आजच्या वेगाने बदलणाऱ्या डिजिटल जगात विज्ञानाची भूमिका जाणून घेण्यासाठी प्रोत्साहित करते.

• विज्ञानाचा दैनंदिन जीवनावर कसा परिणाम होतो आणि पर्यावरणीय स्थिरता आणि आरोग्य यासारख्या महत्त्वाच्या आव्हानांना सामोरे जाण्यासाठी वैज्ञानिकांशी संवाद साधण्यासाठी युवकांना आमंत्रित करते.

भारतामध्ये राष्ट्रीय विज्ञान दिन केव्हा साजरी करण्यात येतो ? 

28 फेब्रुवारी हा दिवस भारतामध्ये राष्ट्रीय विज्ञान दिन म्हणून साजरा केला जातो.

प्रधानमंत्री विद्यालक्ष्मी योजना

PM-Vidyalaxmi Scheme

Subject : GS - सरकारी योजना

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) प्रधानमंत्री विद्यालक्ष्मी योजनेला नुकतीच मंजुरी देण्यात आली. योजनेबद्दल योग्य विधान असलेला पर्याय निवडा.

अ) या योजनेअंतर्गत मुलींना मोफत पुस्तके दिली जाणार आहे.

ब) प्रधानमंत्री विद्यालक्ष्मी योजना हा राष्ट्रीय शिक्षण धोरण, 2020 चा एक महत्त्वाचा उपक्रम आहे. 

पर्याय

1. फक्त अ योग्य आहे.

2. फक्त ब योग्य आहे.

3. अ आणि ब दोन्ही योग्य आहे

4. अ आणि ब दोन्ही अयोग्य आहे.

उत्तर : फक्त ब योग्य आहे.

• ही योजना उच्च शिक्षण घेणाऱ्या विद्यार्थ्यांसाठी कर्ज सुविधा उपलब्ध करून देते.

• म्हणून पर्याय अ चुकीचा आहे.

बातमी काय आहे ? 

केंद्रीय मंत्रिमंडळाने उच्च शिक्षणासाठी गुणवंत विद्यार्थ्यांना आर्थिक सहाय्य देण्यासाठी तयार करण्यात आलेल्या प्रधानमंत्री विद्यालक्ष्मी योजनेला मंजुरी दिली आहे.

प्रधानमंत्री विद्यालक्ष्मी योजना काय आहे ? 

• प्रधानमंत्री विद्यालक्ष्मी योजना हा राष्ट्रीय शिक्षण धोरण, 2020 चा आणखी एक महत्त्वाचा उपक्रम आहे. 

• गुणवंत विद्यार्थ्यांना सार्वजनिक आणि खाजगी अशा दोन्ही उच्च शिक्षण संस्थांमध्ये शिक्षण घेण्यासाठी तारण विरहित (Collateral-Free Loans), हमीदार विरहित कर्ज (Guarantor-Free Loans) उपलब्ध करून देते.  

• 2024-25 ते 2030-31 या कालावधीत 3,600 कोटी रुपये या योजनेअंतर्गत खर्च करण्यात येणार आहे.

• 

कोणत्या विद्यार्थ्यांना कर्ज मिळू शकेल ? किती ? 

• नॅशनल इन्स्टिट्यूशनल रँकिंग फ्रेमवर्क (NIRF) द्वारे पहिल्या 100 मध्ये रँक केलेल्या संस्थांमध्ये आणि राज्य सरकार आणि सर्व केंद्र सरकार शासित संस्थांमधून 101-200 रँक असलेल्या संस्थांमध्ये नोंदणी केलेले विद्यार्थी योजनेसाठी पात्र असतील. 

• 7.5 लाख रुपयांपर्यंतच्या कर्जासाठी, विद्यार्थी त्याच्या थकबाकीच्या 75% कर्जहमीसाठी पात्र असेल.

• 8 लाख रुपयांपर्यंतचे वार्षिक उत्पन्न असलेल्या आणि इतर कोणत्याही सरकारी शिष्यवृत्ती किंवा व्याज सवलत योजनेसाठी पात्र नसलेल्या विद्यार्थ्यांना 10 लाख रुपयांपर्यंतच्या कर्जासाठी कर्ज परतफेडीच्या काळात 3 टक्के व्याज सवलत देखील दिली जाईल.

कर्ज मिळविण्यासाठी अर्ज कोठे करावा ? 

• उच्च शिक्षण विभागाकडे “PM-Vidyalaxmi” एक एकीकृत पोर्टल असेल ज्यावर सर्व बँकांद्वारे वापरल्या जाणाऱ्या सोप्या अर्ज प्रक्रियेद्वारे विद्यार्थी शैक्षणिक कर्जासाठी तसेच व्याज सवलतीसाठी अर्ज करू शकतील. 

• व्याज सवलतीचे पेमेंट ई-व्हाउचर आणि सेंट्रल बँक डिजिटल करन्सी वॉलेटद्वारे केले जाईल.

राष्ट्रीय विधी सेवा दिन

National Legal Services Day

Subject : GS - दिनविशेष, राज्यशास्त्र

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राष्ट्रीय विधी सेवा दिना ( National Legal Services Day) बद्दल योग्य विधान असलेला पर्याय निवडा.

1. राष्ट्रीय विधी सेवा दिन दरवर्षी ९ नोव्हेंबर रोजी साजरा केला जातो.

2. या दिनाचा उद्देश समाजातील दुर्बल घटकांना विनामूल्य कायदेशीर मदत आणि समर्थन प्रदान करणे हे आहे.

3. दोन्ही योग्य

4. दोन्ही अयोग्य

उत्तर : दोन्ही योग्य

• राष्ट्रीय विधी सेवा दिन दरवर्षी 9 नोव्हेंबर रोजी साजरा केला जातो.

• राष्ट्रीय विधी सेवा दिन, भारताच्या सर्वोच्च न्यायालयाने 1995 मध्ये सुरू केला, ज्याचा उद्देश समाजातील दुर्बल घटकांना विनामूल्य कायदेशीर मदत आणि समर्थन प्रदान करणे हे आहे.

• हा दिवस कायदेशीर जागरूकता वाढवण्यासाठी आणि सर्व नागरिकांसाठी, विशेषत: उपेक्षित समुदायातील लोकांना न्याय मिळवून देण्यासाठी एक व्यासपीठ म्हणून काम करतो.

• ही कायदेशीर मदत राष्ट्रीय विधी सेवा प्राधिकरणामार्फत पुरविल्या जातात.

राष्ट्रीय विधी सेवा प्राधिकरण ( National Legal Services Authority) म्हणजे काय ? 

• स्थापना : राष्ट्रीय विधी सेवा प्राधिकरणा ची स्थापना 1995 मध्ये विधी सेवा प्राधिकरण कायदा, 1987 (Legal Services Authorities Act, 1987) अंतर्गत करण्यात आली.

• प्रमुख कार्य : समाजातील दुर्बल घटकांना मोफत कायदेशीर मदत उपलब्ध करून देणे आणि विवादांचे सौहार्दपूर्ण निराकरण करण्यासाठी लोकअदालती आयोजित करणे हे राष्ट्रीय विधी सेवा प्राधिकरणाचे प्रमुख कार्य आहे. 

• मुख्यालय : त्याचे मुख्यालय नवी दिल्ली येथे आहे.

• मुख्य संरक्षक : भारताचे सरन्यायाधीश हे राष्ट्रीय विधी सेवा प्राधिकरणाचे मुख्य संरक्षक (Chief Patron) आहेत.

• कार्यकारी अध्यक्ष : राष्ट्रीय विधी सेवा प्राधिकरणाच्या कार्यकारी अध्यक्षपदावर सर्वोच्च न्यायालयाच्या दुसऱ्या सर्वात ज्येष्ठ न्यायाधीशाची नियुक्ती करण्याची परंपरा आहे.

महाकुंभ मेळा 2025 

Maha Kumbh Mela 2025

Subject : GS - इतिहास- कला आणि संस्कृती

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) खालीलपैकी कोणत्या ठिकाणी कुंभमेळा आयोजित केला जात नाही ?

1. हरिद्वार

2. उज्जैन

3. नाशिक 

4. वाराणसी

उत्तर : वाराणसी

बातमी काय आहे ? 

13 जानेवारी ते 26 फेब्रुवारी 2025 दरम्यान प्रयागराज या पवित्र शहरात महाकुंभ मेळा भरणार आहे.

• कुंभमेळा म्हणजे ठराविक आवर्तन काळानुसार पवित्र नद्यांच्या तीर्थक्षेत्री भरणारा हिंदू भाविकांचा मेळा आहे.

• ज्यामध्ये करोडो भाविक कुंभोत्सवात जमतात आणि नदीत स्नान करतात. 

• खगोलशास्त्रीय गणनेनुसार, मकर संक्रांतीच्या दिवशी जेव्हा सूर्य आणि चंद्र वृश्चिक राशीत आणि गुरु मेष राशीत प्रवेश करतात तेव्हा हा पवित्र उत्सव सुरू होतो.

• हा काळ आध्यात्मिक शुद्धी आणि आत्म-ज्ञानासाठी शुभ काळ मानला जातो.

कुंभमेळा कोण- कोणत्या ठिकाणी भरतो ? 

• कुंभमेळा 12 वर्षांच्या कालावधीत 4 वेळा साजरा केला जातो.

• दर 3 वर्षांनंतर एकदा अश्या पद्धतीने बारा वर्षांत प्रयागराज, उज्जैन, नाशिक (त्र्यंबकेश्वर), हरिद्वार या चार वेगवेगळ्या तीर्थक्षेत्री पूर्ण कुंभमेळे भरत असतात. 

• दर 6 वर्षांनी हरिद्वार व प्रयाग येथे अर्धकुंभमेळा भरतो.

• बारा पूर्ण कुंभमेळ्यांनंतर तब्बल १४४ वर्षांनंतर प्रयागराज येथे महाकुंभमेळा भरतो.

कुंभमेळा तीर्थक्षेत्र आणि पवित्र नद्या : 

1. उत्तराखंडमध्ये, हरिद्वार येथे गंगा नदीच्या काठावर

2. उत्तर प्रदेशमध्ये,प्रयागराज येथे गंगा, यमुना आणि पौराणिक अदृश्य सरस्वती यां नद्यांच्या संगमावर

3. मध्य प्रदेशातील, उज्जैन येथे शिप्रा नदीच्या काठावर  

4. महाराष्ट्रातील त्र्यंबकेश्वर/नाशिक येथे, गोदावरी नदीच्या काठावर 

कुंभमेळा ची युनेस्कोच्या मानवतेचा अमूर्त सांस्कृतिक वारसा यादीत केव्हा नोंद करण्यात आली ? 

• UNESCO द्वारे 2017 मध्ये मानवतेचा अमूर्त सांस्कृतिक वारसा म्हणून कुंभमेळा ची नोंद करण्यात आली.

• कुंभमेळा आधुनिकीकरणाच्या युगात प्राचीन परंपरांचे अस्तित्व आणि उत्क्रांतीचा पुरावा म्हणून म्हणून ओळखला गेला.

गुरुत्वाकर्षण ऊर्जा साठवणूक म्हणजे काय ? 

What is Gravity Energy Storage?

Subject : GS - विज्ञान आणि तंत्रज्ञान, ऊर्जा

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) गुरुत्वाकर्षण ऊर्जा साठवणूक याबद्दल योग्य विधान/ विधाने असलेला पर्याय निवडा.

अ) सूर्यप्रकाश किंवा वाऱ्याअभावी कमी वीज निर्माण होते त्यावेळेस ही साठवलेली वीज वापरता येते.

ब) यामुळे पर्यावरणाचा समतोल राखण्यासाठी मदत होईल.

क) हा जास्त मेंटेनन्स, कमी वर्ष वीज स्टोर करू शकणारा उपाय आहे. 

पर्याय : 

1. फक्त अ आणि ब बरोबर

2. फक्त अ आणि क बरोबर

3. फक्त ब आणि क बरोबर

4. अ, ब आणि क बरोबर

उत्तर : फक्त अ आणि ब बरोबर

विधान क) चुकीचे आहे.

हा कमी मेंटेनन्स, जास्त वर्ष वीज स्टोर करू शकणारा उपाय आहे.

बातमी काय आहे ? 

• गुरुत्वाकर्षण ऊर्जा संचयन किंवा साठवणूक हे सौर आणि पवन ऊर्जेच्या मोठ्या आव्हानाला तोंड देण्यासाठी एक व्यवहार्य उपाय म्हणून उदयास येत आहे. 

• हे एक नवीन तंत्रज्ञान आहे जे गुरुत्वाकर्षण वापरून ऊर्जा साठवते.

• अक्षय ऊर्जा साठवण्यासाठी गुरुत्वाकर्षणाचा उपयोग या नवीन तंत्रज्ञानद्वारे करता येईल.

गुरुत्वाकर्षण ऊर्जा संचयन काम कसं करतं ? 

• स्थितिज ऊर्जेमध्ये रूपांतर : ज्या वेळेस पवन ऊर्जा किंवा सौर ऊर्जा वापरून गरजेपेक्षा जास्त वीज निर्मिती होते त्यावेळेस ही जास्त तयार झालेली वीज जड वस्तुमान जसे की पाणी, काँक्रीट ब्लॉक्स उचलून त्यांमध्ये साठवली जाते.

• विद्युत ऊर्जेमध्ये रूपांतर : जेव्हा वीजेची मागणी जास्त असते त्यावेळेस जड वस्तुमान जसे की पाणी, काँक्रीट ब्लॉक्स खाली सोडून त्याद्वारे टर्बाइन फिरवले जाते आणि साठवलेली ऊर्जा पुन्हा वापरासाठी उपलब्ध केली जाते. 

गुरुत्वाकर्षण ऊर्जा संचयनाचा फायदा कसा होईल ? 

• ज्या वेळेस सूर्यप्रकाश किंवा वाऱ्याअभावी कमी वीज निर्माण होते त्यावेळेस ही स्टोर (साठवलेली) वीज वापरता येईल.

• सध्या ऊर्जा साठवण्यासाठी बॅटरींचा वापर केला जातो. 

• बॅटरी स्टोरेजला नियमित देखभालीची आवश्यकता असते, तसेच हे कमी आयुर्मान, आणि उत्पादन आणि विल्हेवाट यापासून पर्यावरणाची हानी यासारख्या आव्हानांचा सामना करावा लागतो.

• याउलट गुरुत्वाकर्षण ऊर्जा स्टोरेज हा कमी मेंटेनन्स, जास्त वर्ष वीज स्टोर करू शकणारा उपाय देते.

• गुरुत्वाकर्षण संचय हानिकारक रासायनिक अभिक्रिया टाळते, पर्यावरणीय प्रभाव आणि विल्हेवाट समस्या कमी करते. 

स्थितिज ऊर्जा (Potential Energy) म्हणजे काय ? 

• आकारामुळे किंवा संरुपणामुळे त्या वस्तूमध्ये जी ऊर्जा सामावलेली असते, तिला स्थितिज ऊर्जा असे म्हणतात. 

• स्थितिज ऊर्जा ही गुरुत्वीय स्थितिज ऊर्जा, विद्युत स्थितिज ऊर्जा यांसारख्या विविध स्वरूपांत असते व तिचे गतिज ऊर्जेत रूपांतर झाल्याखेरीज कार्य होत नाही.    

गतिज ऊर्जा (Kinetic energy) म्हणजे काय ? 

गतिमान अवस्थेमुळे वस्तूस प्राप्त झालेल्या उर्जेला, गतिज ऊर्जा असे म्हणतात.   

प्रधानमंत्री विश्वकर्मा योजना

PM Vishwakarma Yojana

Subject : GS - सरकारी योजना

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) बातम्यांमध्ये चर्चेत असलेली प्रधानमंत्री विश्वकर्मा योजनेबद्दल योग्य विधान असलेला पर्याय निवडा.

1. 17 सप्टेंबर 2023 रोजी विश्वकर्मा जयंतीनिमित्त सुरू करण्यात आली.

2. या योजने अंतर्गत विद्यार्थ्यांना उच्च शिक्षण घेण्यासाठी शिष्यवृत्ती देण्यात येते.

3. दोन्ही योग्य

4. दोन्ही अयोग्य

उत्तर : 17 सप्टेंबर 2023 रोजी विश्वकर्मा जयंतीनिमित्त सुरू करण्यात आली हा पर्याय बरोबर आहे.

ही योजने अंतर्गत लोहार, सोनारकाम, कुंभारकाम, सुतारकाम यांसारख्या क्षेत्रात गुंतलेल्या कारागिरांसाठी प्रशिक्षणस आणि कर्ज देण्यात येते. 

बातमी काय आहे ? 

• 2023 मध्ये सुरू झालेल्या पीएम विश्वकर्मा योजनेअंतर्गत 20 लाखांहून अधिक अर्जांची यशस्वीपणे नोंदणी झाली आहे.

• देशभरातील पारंपारिक कारागिरांना आधार देण्यात या योजनेने महत्त्वाची भूमिका बजावली आहे. 

प्रधानमंत्री विश्वकर्मा योजना केव्हा सुरू करण्यात आली ? 

• पंतप्रधान नरेंद्र मोदी यांनी 17 सप्टेंबर 2023 रोजी विश्वकर्मा जयंतीनिमित्त 'प्रधानमंत्री विश्वकर्मा योजना' सुरू केली आहे.

प्रधानमंत्री विश्वकर्मा योजना काय आहे ? 

• ही असंघटित क्षेत्रात गुंतलेल्या कारागिरांसाठीची केंद्र सरकारची योजना आहे.

• लोहार, सोनारकाम, कुंभारकाम, सुतारकाम ही कौशल्ये पुष्कळदा पिढ्यान्पिढ्या एकमेकांना हस्तांतरित केली जातात.

• जुन्या परंपरांचे मार्गदर्शन आणि प्रशिक्षणाच्या गुरू-शिष्य मॉडेलचे पालन करतात.

• प्रधानमंत्री विश्वकर्मा योजनेचे उद्दिष्ट कारागीरांच्या उत्पादनांची गुणवत्ता सुधारणे आणि या वस्तूंना देशात आणि परदेशात बाजारपेठ उपलब्ध व्हावी यासाठी आवश्यक ती मदत करणे हे या योजनेचे उद्दिष्ट आहे. 

• या योजनेअंतर्गत कारागिरांना मोफत प्रशिक्षण दिले जाते, प्रशिक्षणादरम्यान त्यांना प्रतिदिन 500 रुपये भत्ता दिला जाईल.

• प्रशिक्षण पूर्ण झाल्यावर त्यांना टूलकिट खरेदी करण्यासाठी 15000 रुपये दिले जातील 

• याशिवाय त्यांना स्वतःचा रोजगार निर्माण करण्यासाठी बँकांमार्फत 1 लाख ते 3 लाख रुपयांपर्यंतचे विना तारण कर्ज दिले जाईल.

प्रधानमंत्री विश्वकर्मा योजनेत कोणकोणत्या व्यवसायांचा समावेश होतो ?

या योजनेअंतर्गत 18 पारंपारिक व्यवसायांचा समावेश आहे.

प्रधानमंत्री विश्वकर्मा योजनेसाठी पात्रता काय आहे ? 

• लाभार्थीचे किमान वय १८ वर्षे असावे.

• लाभार्थी संबंधित व्यापारात गुंतलेला असावा.

• केंद्र सरकार किंवा राज्य सरकारच्या समान क्रेडिट-आधारित योजनांतर्गत कर्ज घेतलेले नसावे.

• योजनेअंतर्गत नोंदणी आणि लाभ कुटुंबातील एका सदस्यापुरते मर्यादित असतील.

राष्ट्रीय कर्करोग जागरूकता दिवस

National Cancer Awareness Day

Subject : GS - विज्ञान आणि तंत्रज्ञान - रोग आणि आजार

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी राष्ट्रीय कर्करोग जागरूकता दिवस केव्हा साजरी करण्यात येतो ? 

1. 2 फेब्रुवारी

2. 8 मार्च

3. 7 नोव्हेंबर

4. 1 डिसेंबर

उत्तर : 7 नोव्हेंबर

कर्करोगाविषयी जनजागृती करण्याकरिता दरवर्षी 7 नोव्हेंबर हा दिवस राष्ट्रीय कर्करोग जागरूकता दिवस म्हणून साजरा केला जातो.

(नोट : जागतिक कर्करोग दिवस हा 4 फेब्रुवारी या दिवशी असतो.)

राष्ट्रीय कर्करोग जागरूकता दिवस साजरी का करण्यात येतो ? 

• कर्करोगामुळे दरवर्षी लाखो लोक मृत्युमुखी पडतात.

• कर्करोग हे जगभरातील मृत्यूचे दुसरे प्रमुख कारण आहे.

• जगभरात, 6 पैकी 1 मृत्यू कर्करोगामुळे होतो.

• कर्करोगाची लक्षणे, कारणे आणि उपचारांबद्दल लोकांमध्ये जागरूक निर्माण करण्यासाठी

• लोकांना वेळेवर तपासणी करण्यासाठी प्रवृत्त करण्यासाठी

• कर्करोगाची भीती कमी करण्यासाठी

राष्ट्रीय कर्करोग जागरूकता दिवस ७ नोव्हेंबर ला का साजरी करतात ? 

• ७ नोव्हेंबर या दिवशी नोबेल पारितोषिक विजेत्या शास्त्रज्ञ मादाम क्युरी यांचा वाढदिवस असतो.

• मादाम क्युरी (Madame Curie) यांनी कॅन्सरशी लढण्यात महत्त्वाचे योगदान दिले. 

• त्यांच्या या योगदानाच्या स्मरणार्थ ७ नोव्हेंबर हा दिवस राष्ट्रीय कर्करोग जागरूकता दिवस म्हणून साजरा करण्यात येतो.

कर्करोग (कॅन्सर) म्हणजे काय ? 

What is Cancer ? 

• जागतिक आरोग्य संघटने नुसार, कर्करोग हा रोगांचा एक मोठा समूह आहे, जो शरीराच्या जवळजवळ कोणत्याही अवयव किंवा ऊतींमध्ये सुरू होऊ शकतो.

• यामध्ये, पेशी अनियंत्रितपणे वाढतात आणि सामान्य मर्यादेपलीकडे जातात आणि शरीराच्या आसपासच्या भागांवर आक्रमण करतात.

कर्करोगाची (कॅन्सर ची) प्रमुख लक्षणे कोणती ? 

• वेगाने वजन कमी होणे

• सातत्याने येणारा खोकला

• रक्तस्त्राव

• रक्ताच्या गाठी येणे

• कायम थकवा जाणवने

• पोटात दुखणे इत्यादी.

भारतातील कर्करोगाचे सर्वात सामान्य प्रकार कोणते ? 

• स्तनाचा कर्करोग

• तोंडाचा कर्करोग

• फुफ्फुसाचा कर्करोग

• घशाचा कर्करोग इत्यादी.

कर्करोगाचा उपचार कसा शक्य आहे ? 

• कर्करोग व्यक्तीच्या शरीरात किती पसरला आहे आणि तो कोणत्या टप्प्यावर आहे, कर्करोगाचा विकार कोणता यावर कर्करोगाचा उपचार अवलंबून असतो.

• रसायनोपचार (Chemotherapy), इम्युनोथेरपी, किरणोत्सर्गी उपचार (Radiotherapy), शल्य चिकित्सा (Surgery) इत्यादी उपचाराचे पर्याय कर्करोगाच्या उपचारात वापरले जातात.

• कर्करोगावरील उपचार पद्धती ही रुग्णाच्या आरोग्यावरही अवलंबून असते.

• कर्करोगाचे सुरुवातीलाच निदान केले तर तो सहज बरा होऊ शकतो.

कर्करोगाची कारणे कोणती ? 

• तंबाखू सेवन : तंबाखूचे सेवन, धूम्रपान हे भारतातील कर्करोगासाठी जबाबदार सर्वात मोठे कारण आहे.

• सरकारी आकडेवारी नुसार, पुरुषांमध्ये अंदाजे 40 ते 50 टक्के आणि महिलांमध्ये 20 टक्के कर्करोग हा तंबाखूमुळे होतो.

• अल्कोहोल

• आवश्यक पोषण आहाराची कमतरता

• निष्क्रिय राहणीमान 

• किरणोत्सर्गी संपर्क - आयनीभवन करू शकणाऱ्या विकिरणामुळे उदाहरणार्थ, क्ष किरणांच्या समवेत सतत काम करणे,

• विषारी रसायनांच्या संपर्कात काम करणे.  

कर्करोग प्रतिबंधात्मक (टाळण्यासाठीचे) उपाय कोणते ? 

• सकस आहार घेणे

• नियमित व्यायाम करणे

• तंबाखू-दारू टाळावे

• वेळोवेळी नियमित तपासणी करणे ; इत्यादी

राष्ट्रीय कर्करोग जागरूकता दिवस 2024 ची संकल्पना (थीम) काय आहे ?

कर्करोग प्रतिबंध, लवकर निदान आणि उपचारांच्या संधीमध्ये उपलब्धता वाढवणे.

'Improving access to cancer prevention, early detection and treatment'.

विनबॅक्स 2024

VINBAX 2024

Subject : GS - युद्ध अभ्यास

सरळसेवा, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) खालील पैकी कोणत्या देशांमधील संयुक्त लष्करी सरावाची जोडी अयोग्य आहे ?

1. भारत आणि व्हिएतनाम : विनबॅक्स

2. भारत आणि अमेरिका : गरुड शक्ती

3. भारत आणि नेपाळ : सूर्य किरण

4. भारत आणि श्रीलंका : मित्र शक्ती

उत्तर : भारत आणि अमेरिका : गरुड शक्ती ही अयोग्य जोडी आहे.

• भारत आणि अमेरिका मध्ये दोन संयुक्त लष्करी सरावाचे आयोजन करण्यात येते त्यांची नावे : वज्र प्रहार, आणि युद्ध अभ्यास असे आहे.

भारताबरोबर चे लष्करी युद्ध सराव 

• भारत आणि अमेरिका : वज्र प्रहार युद्ध अभ्यास

• भारत आणि इंडोनेशिया : गरुड शक्ती

• भारत आणि श्रीलंका : मित्र शक्ती

• भारत आणि सिंगापूर : बोल्ड कुरुक्षेत्र

• भारत आणि नेपाळ : सूर्य किरण

• भारत आणि चीन : हॅंड-इन-हॅंड

• भारत आणि रशिया : इंद्र

विनबॅक्स (VINBAX) 2024 युद्ध सरावाबद्दल महत्त्वाची माहिती : 

• विनबॅक्स हा भारत आणि व्हिएतनाम देशांतील द्विपक्षीय लष्करी सराव आहे.

• "विनबॅक्स 2024" ही या युद्ध सरावाची 5 वी आवृत्ती असून ती हरियाणामधील अंबाला येथे सुरू झाली. 

• 47 जवानांचा समावेश असलेल्या भारतीय लष्कराच्या तुकडीचे प्रतिनिधित्व कॉर्प्स ऑफ इंजिनियर्सच्या रेजिमेंटकडे असून इतर सशस्त्र दले आणि सेवांमधील जवानांचाही या दलात समावेश आहे.  

• व्हिएतनामी सैन्य दलाच्या तुकडीचे प्रतिनिधित्व व्हिएतनाम पीपल्स आर्मी या तुकडीने केले आहे.

विनबॅक्स-2024 सरावाचे उद्दिष्ट काय आहे ?

संयुक्त राष्ट्रांच्या चार्टर VII अंतर्गत शांतता कायम राखण्याच्या मोहिमेत, संयुक्त राष्ट्र संघाचा भाग म्हणून अभियांत्रिकी कार्ये हाती घेण्यासाठी अभियंता तुकडी आणि वैद्यकीय पथकांची निवड आणि तैनातीमध्ये दोन्ही बाजूंची संयुक्त लष्करी क्षमता वाढवणे, हे विनबॅक्स-2024 चे उद्दिष्ट आहे.

विनबॅक्स युद्ध सरावाने काय फायदा होईल ? 

• भारतीय लष्कर आणि व्हिएतनाम पीपल्स आर्मी यांच्यात परस्पर विश्वास, आंतरकार्यक्षमता मजबूत होईल.

• तसेच दोन्ही देशांमधील सर्वोत्तम पद्धतींची देवाणघेवाण अधिक सक्षम होईल. 

• मानवतावादी सहाय्य आणि आपत्ती निवारण प्रात्यक्षिकांसह सराव आणि उपकरणांचे प्रदर्शन देखील आयोजित केले जाणार आहे. 

• या संयुक्त सरावामुळे दोन्ही देशांच्या सैन्याला एकमेकांच्या सामाजिक आणि सांस्कृतिक वारशाबद्दल जाणून घेण्याची संधी मिळेल.