कोणत्या जिल्ह्याचे कोण बनले पालकमंत्री ?

Maharashtra Guardian Ministers List

Subject : GS - नियुक्ती, राज्यशास्त्र - राज्य विधानमंडळ, स्थानिक स्वराज्य संस्था 

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महाराष्ट्रात, जिल्हा नियोजन समितीचे पदसिद्ध अध्यक्ष कोण असतात ? 

(सरळसेवा, महाराष्ट्र जिल्हा परिषद 2014)

1. जिल्हाधिकारी

2. जिल्ह्याचे पालकमंत्री

3. जिल्हा नियोजन अधिकारी

4. मुख्य कार्यकारी अधिकारी

उत्तर : जिल्ह्याचे पालकमंत्री

बातमी काय आहे ? 

महाराष्ट्र राज्याचे मंत्री आणि राज्यमंत्री यांची जिल्हा पालकमंत्री तसेच सह-पालकमंत्री म्हणून सामान्य प्रशासन विभागाने नियुक्ती केली आहे.

पालकमंत्री म्हणजे काय ?

• पालकमंत्री हे जिल्ह्याचे पालक म्हणून काम पाहतात. 

• राज्य सरकारद्वारे राज्यातील विशिष्ट जिल्ह्याच्या विकासावर देखरेख ठेवण्यासाठी पालकमंत्र्यांची नियुक्ती केली जाते. 

• पालकमंत्री जिल्ह्यातील विविध राज्य सरकारच्या योजना आणि कार्यक्रमांच्या अंमलबजावणीवर देखरेख ठेवतात आणि जिल्ह्याचे प्रशासन कार्यक्षमतेने कार्यरत असल्याची खात्री करतात.

पालकमंत्रिपद इतके महत्त्वाचे का असतं ? 

• जिल्ह्याचं प्रशासन नीट आणि कार्यक्षमतेनं कार्यरत आहे ना, तसेच जिल्ह्याच्या विकासावर देखरेख ठेवण्याचं काम जिल्ह्यातील पालकमंत्र्यांच असतं.

• लोकनियुक्त सरकार आणि जिल्हा प्रशासन यांच्यातील महत्त्वाचं धागा म्हणूनही पालकमंत्रिपदाकडे पाहिलं जातं.

• त्या जिल्ह्यातील नैसर्गिक आपत्ती असो किंवा कुठलीही योजना असो किंवा लोकोपयोगी कोणतेही काम असो, किंवा अगदी शासकीय समारंभ असोत, पालकमंत्री या सगळ्यांच्या केंद्रस्थानी असतो.

• मोठमोठ्या योजनांसाठी जमीन अधिग्रहण करणे, एक्सप्रेस वे, विमानतळ, रेल्वे, महाराष्ट्र औद्योगिक विकास महामंडळ आणि इतर विविध योजनांमध्ये जिल्हा नियोजन समिती आणि या समितीचे पदसिद्ध अध्यक्ष म्हणून पालकमंत्री यांची मोठी भूमिका असते.

• जिल्ह्यात स्थानिक स्वराज्य संस्थांना मिळणारा निधी आणि त्यांच्या अर्थसंकल्पावरही पालकमंत्र्यांचा मोठा प्रभाव असतो.

महाराष्ट्रात, जिल्हा नियोजन समितीचे पदसिद्ध अध्यक्ष कोण असतात ? 

• महाराष्ट्रात, जिल्हा नियोजन समितीचे पदसिद्ध अध्यक्ष जिल्ह्याचे पालकमंत्री असतात. 

• महाराष्ट्र जिल्हा नियोजन समित्या अधिनियम, 1998 आणि त्यातील नियमांनुसार, जिल्ह्याचे पालकमंत्री यांची महाराष्ट्रातील जिल्हा नियोजन समितीचे अध्यक्ष म्हणून नामनिर्देशन केले जाते.

जिल्हा नियोजन समिती (District Planning Committee) म्हणजे काय ? 

जिल्हा नियोजन समितीची स्थापना कोण करतं ? 

• जिल्हा नियोजन समिती ही भारतीय राज्यघटनेच्या कलम 243 ZD नुसार जिल्हा स्तरावर जिल्हा आणि त्याखालील नियोजनासाठी तयार केलेली समिती आहे.  

• जिल्ह्यातील जिल्हा परिषदा, ग्रामपंचायती, नगर पंचायत, नगरपरिषदा आणि महानगरपालिका यांनी तयार केलेल्या योजनांचे एकत्रीकरण करण्यासाठी आणि जिल्ह्यासाठी प्रारूप विकास आराखडा तयार करण्यासाठी शासन प्रत्येक जिल्ह्यात जिल्हा नियोजन समिती स्थापन करते.

1. गडचिरोली : मुख्यमंत्री देवेंद्र फडणवीस (सहपालकमंत्री - ॲड. आशिष जयस्वाल)

2. मुंबई शहर : उपमुख्यमंत्री एकनाथ शिंदे

3. ठाणे : उपमुख्यमंत्री एकनाथ शिंदे

4. पुणे : उपमुख्यमंत्री अजित पवार

5. बीड : उपमुख्यमंत्री अजित पवार

6. नागपूर : चंद्रशेखर बावनकुळे

7. अमरावती : चंद्रशेखर बावनकुळे

8. अहिल्यानगर : राधाकृष्ण विखे-पाटील

9. वाशीम : हसन मुश्रीफ

10. सांगली : चंद्रकांत पाटील

11. नाशिक : गिरीश महाजन (नियुक्ती स्थगित)

12. पालघर : गणेश नाईक

13. जळगाव : गुलाबराव पाटील

14. यवतमाळ : संजय राठोड

15. मुंबई उपनगर : ॲड.आशिष शेलार ( सहपालकमंत्री- मंगलप्रभात लोढा)

16. रत्नागिरी : उदय सामंत

17. धुळे : जयकुमार रावल

18. जालना : श्रीमती पंकजा मुंडे

19. नांदेड : अतुल सावे

20. चंद्रपूर : डॉ.अशोक उईके

21. सातारा : शंभूराज देसाई

22. रायगड : कु.आदिती तटकरे (नियुक्ती स्थगित)

23. लातूर : शिवेंद्रसिंह भोसले

24. नंदुरबार : ॲड.माणिकराव कोकाटे

25. सोलापूर : जयकुमार गोरे

26. हिंगोली : नरहरी झिरवाळ

27. भंडारा : संजय सावकारे

28. छत्रपती संभाजीनगर : संजय शिरसाट

29. धाराशिव : प्रताप सरनाईक

30. बुलढाणा : मकरंद जाधव (पाटील)

31. सिंधुदुर्ग : नितेश राणे

32. अकोला : आकाश फुंडकर

33. गोंदिया : बाबासाहेब पाटील

34. कोल्हापूर : प्रकाश आबिटकर (सहपालकमंत्री- श्रीमती माधुरी मिसाळ)

35. वर्धा : डॉ.पंकज भोयर आणि

36. परभणी : श्रीमती मेघना बोर्डीकर

विजय हजारे ट्रॉफी कोणी जिंकली ? 

Who is the champion of the Vijay Hazare Trophy ?

Subject : GS - खेळ

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) विजय हजारे ट्रॉफी (2024-25) खालील पैकी कोणी जिंकली ? 

1. सौराष्ट्र

2. कर्नाटक

3. विदर्भ

4. मुंबई 

उत्तर : कर्नाटक 

बातमी काय आहे ? 

• कर्नाटकाने विदर्भावर अंतिम सामन्यात 36 धावांनी मात करून विजय हजारे ट्रॉफी जिंकली.

• गुजरात राज्यातील वडोदरा येथिल कोटाम्बी स्टेडियमवर हा अंतिम सामना खेळला गेला. 

• कर्नाटकाने पाचव्यांदा विजय हजारे ट्रॉफी जिंकली.

विजय हजारे ट्रॉफी बद्दल परीक्षेसाठी IMP वनलाईनर पॉईंट्स :

विजेता संघ : कर्नाटक

कर्नाटकचा कर्णधार : मयंक अग्रवाल (Mayank Agarwal)

उपविजेता संघ : विदर्भ 

विदर्भाचा कर्णधार : करुण नायर (Karun Nair) 

टॉप परफॉर्मर्स 

• मालिकावीर (Player of the Series) : करुण नायर (विदर्भ) स्पर्धेत ७७९ धावा. 

• सर्वोत्कृष्ट गोलंदाज (Top Bowler) : अर्शदीप सिंग (पंजाब) 20 विकेट्स

विजय हजारे ट्रॉफी कोणत्या खेळाशी संबंधित आहे ? 

• विजय हजारे ट्रॉफी ही भारताची प्रमुख देशांतर्गत एकदिवसीय क्रिकेट स्पर्धा आहे. 

• ज्याला महान क्रिकेटपटू विजय हजारे यांचे नाव देण्यात आले आहे. 

• विजय हजारे ट्रॉफीला रणजी वनडे ट्रॉफी म्हणूनही ओळखले जाते.

• खेळाडूंसाठी राष्ट्रीय निवडीसाठी त्यांची प्रतिभा प्रदर्शित करण्यासाठी विजय हजारे ट्रॉफी हे एक महत्त्वाचे व्यासपीठ आहे. 

• विजय हजारे यांचा जन्म 11 मार्च 1915 रोजी महाराष्ट्रातील सांगली येथे झाला.

• प्रथमश्रेणीत क्रिकेट मध्ये तिहेरी शतक (300) झळकावणारे विजय हजारे हे पहिले भारतीय फलंदाज होते.

महाराष्ट्राचे नवीन निवडणूक आयुक्त कोण ? 

Who is the new Election Commissioner of Maharashtra ?

Subject : GS - नियुक्ती, राज्यशास्त्र - निवडणूक आयोग, स्थानिक स्वराज्य संस्था, घटना दुरुस्ती

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच महाराष्ट्र राज्य निवडणूक आयुक्तपदी खालील पैकी कोणाची नियुक्ती करण्यात आली आहे ? 

1. श्री गिरीशचंद्र मुर्मू

2. श्री दिनेश वाघमारे

3. श्री शक्तिकांता दास 

4. श्री राजीव कुमार

उत्तर : श्री दिनेश वाघमारे

बातमी काय आहे ? 

• जेष्ठ सनदी अधिकारी श्री दिनेश वाघमारे यांची महाराष्ट्र राज्य निवडणूक आयुक्तपदी नियुक्ती करण्यात आली आहे. 

• आगामी महानगरपालिका, नगरपालिका, जिल्हा परिषदांच्या निवडणुका घेण्याची जबाबदारी नवीन आयुक्तांवर असेल. 

संविधानात 73 वी आणि 74 वी घटना दुरुस्ती कशा संदर्भात आहे ? 

सन 1992 मध्ये स्थानिक स्वराज्य संस्थांना कायदेशिर दर्जा देण्यासाठी, तसेच देशाच्या जडणघडणीत त्यांना योग्य ते स्थान देण्यासाठी भारतीय संविधानात 73 वी आणि 74 वी घटना दुरुस्ती करण्यात आली.

राज्य निवडणूक आयोगाची स्थापना कोणत्या कलमा अंतर्गत करण्यात आली ? 

या घटना दुरुस्तीअन्वये, स्थानिक स्वराज्य संस्थांच्या निवडणुका मुदतीत व स्वच्छ, निष्पक्ष आणि पारदर्शक वातावरणात पार पाडण्यासाठी प्रत्येक राज्यासाठी कलम 243-K आणि 243-ZA अंतर्गत स्वतंत्र राज्य निवडणूक आयोगाची स्थापना करण्यात आली.

महाराष्ट्रात राज्य निवडणूक आयोगाची स्थापना केव्हा करण्यात आली ? 

महाराष्ट्रात राज्य निवडणूक आयोगाची स्थापना 26 एप्रिल 1994 रोजी केली गेली.

भारतीय संविधानातील कलम 243-K कशाशी संबंधित आहे ? 

(SSC CHSL 2022)

• भारतीय संविधानातील कलम 243-K पंचायतींच्या निवडणूकांशी संबंधित आहे.

• कलम 243-K नुसार ग्रामीण भागातील स्थानिक स्वराज्य संस्था (जिल्हा परिषद, पंचायत समिती व ग्रामपंचायत) यांच्या निवडणुका घेण्याची संविधानिक जबाबदारी राज्य निवडणूक आयोगावर सोपविण्यात आलेली आहे.

भारतीय राज्यघटनेचे कलम 243-ZA कशाशी संबंधित आहे ?

• भारतीय राज्यघटनेचे कलम 243-ZA नगरपालिकांच्या निवडणुकांशी संबंधित आहे.

• कलम 243-ZA नुसार नागरी भागातील स्थानिक स्वराज्य संस्था (महानगरपालिका, नगर परिषद व नगर पंचायत) यांच्या निवडणुका घेण्याची संविधानिक जबाबदारी राज्य निवडणूक आयोगावर सोपविण्यात आलेली आहे.

“स्थानिक स्वराज्य संस्था” म्हणजे काय ?

 “स्थानिक स्वराज्य संस्थां” मध्ये नागरी भागातील महानगरपालीका, नगरपरिषदा व नगरपंचायती व ग्रामीण भागातील जिल्हापरिषदा, पंचायत समित्या तसेच ग्रामपंचायतीं या स्थानिक स्वराज्य संस्थांचा समावेश होतो.

State Foundation Day of Meghalaya, Manipur and Tripura

Subject : GS - दिनविशेष, राज्यशास्त्र, भूगोल

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) मणिपूर, त्रिपुरा आणि मेघालय यांना राज्याचा दर्जा केव्हा मिळाला ? 

1. 21 जानेवारी, 1956

2. 21 जानेवारी, 1960

3. 21 जानेवारी, 1972

4. 21 जानेवारी, 1978

उत्तर : 21 जानेवारी, 1972

बातमी काय आहे ? 

• महाराष्ट्राचे राज्यपाल सी पी राधाकृष्णन यांच्या प्रमुख उपस्थितीत आज महाराष्ट्र राजभवन येथे मणिपूर, मेघालय आणि त्रिपुरा या तीन राज्यांचा राज्य स्थापना दिवस साजरा करण्यात आला.

• ‘एक भारत श्रेष्ठ भारत’ कार्यक्रमांतर्गत आयोजित राज्य स्थापना दिवस साजरे केल्यामुळे त्या त्या राज्यांची भाषा, लोककला, जीवनशैली यांचा सर्वांना परिचय होत असून राष्ट्रीय एकात्मतेची भावना दृढ होत असल्याचे राज्यपालांनी सांगितले.

मणिपूर, त्रिपुरा आणि मेघालय स्थापना दिन केव्हा असतो ?

• भारतातील तीन प्रमुख ईशान्येकडील राज्ये, मणिपूर, त्रिपुरा आणि मेघालय दरवर्षी 21 जानेवारी रोजी त्यांचा राज्य स्थापना दिन साजरा करतात.

• हा दिवस या राज्यांचे ऐतिहासिक, सांस्कृतिक आणि राजकीय महत्त्व प्रतिबिंबित करतो.

मणिपूर, त्रिपुरा आणि मेघालय यांना राज्याचा दर्जा केव्हा मिळाला ? 

• 21 जानेवारी, 1972 रोजी, तिन्ही राज्ये ईशान्य क्षेत्र (पुनर्गठन) कायदा, 1971 अंतर्गत पूर्ण राज्ये बनली.

मणिपूर राज्या बद्दल परीक्षेसाठी IMP वनलाईनर पॉईंट्स : 

• मणिपूर चा अर्थ "रत्नजडित जमीन" असा होतो.

• मणिपूर राज्याची राजधानी इम्फाळ आहे. 

• मणिपूर राज्याला लागून म्यानमार देशाची सीमा आहे. 

त्रिपुरा राज्या बद्दल परीक्षेसाठी IMP वनलाईनर पॉईंट्स : 

• त्रिपुरा राज्याला लागून बांगलादेश देशाची सीमा आहे. 

• बांगलादेशने भारताच्या त्रिपुरा राज्याला उत्तर, पश्चिम आणि दक्षिण दिशांनी वेढलेले आहे. 

• आगरताळा ही त्रिपुरा राज्याची राजधानी आहे. 

मेघालय राज्या बद्दल परीक्षेसाठी IMP वनलाईनर पॉईंट्स : 

• मेघालय, या शब्दशः अर्थ ढगांचे निवासस्थान असा होतो, हे राज्य प्रामुख्याने डोंगराळ राज्य आहे.

• मेघालय राज्याची राजधानी शिलाँग आहे.

• मेघालय भारतामधील सर्वाधिक पाऊस पडणारे राज्य आहे.

• मावसीनराम हे जगातील सर्वात जास्त पाऊस पडणारे ठिकाण मेघालय राज्यात आहे. 

• त्याचबरेर चेरापुंजी हे ठिकाणही मेघालय राज्यात आहे. 

• मेघालय राज्यात प्रामुख्याने गारो, खासी आणि जयंतिया या आदिवासी समुदायाचे लोक राहतात.

• गारो, खासी आणि जयंतिया टेकड्या मेघालय राज्यात आहे. 

Bharat Mobility Global Expo 2025

Subject : GS - सरकारी योजना

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारत मोबिलिटी ग्लोबल एक्स्पो 2025 मध्ये खालील पैकी कोणत्या क्षेत्रावर प्रामुख्याने लक्ष केंद्रित करण्यात आले आहे ? 

1. आरोग्य सेवा

2. पर्यटन विकास

3. सेंद्रिय शेती

4. इलेक्ट्रिक वाहन तंत्रज्ञान

उत्तर : इलेक्ट्रिक वाहन तंत्रज्ञान

बातमी काय आहे ? 

पंतप्रधान श्री नरेंद्र मोदी यांनी नुकतेच हस्ते ‘इंडिया मोबिलिटी ग्लोबल एक्स्पो’ 2025 चे उद्घाटन केले. 

भारत मोबिलिटी ग्लोबल एक्स्पो 2025 चे आयोजन कोठे करण्यात आले आहे ? 

• हा प्रदर्शन 17-22 जानेवारी 2025 दरम्यान तीन वेगवेगळ्या ठिकाणी आयोजित केले जात आहे .

• नवी दिल्लीतील भारत मंडपम् आणि यशोभूमी येथे

• ग्रेटर नोएडा येथील इंडिया एक्स्पो सेंटर अँड मार्ट येथे 

भारत मोबिलिटी ग्लोबल एक्स्पो 2025 चे उद्दिष्ट काय आहे ? 

भारत मोबिलिटी ग्लोबल एक्स्पो 2025 चे उद्दिष्ट संपूर्ण गतिशीलता मूल्य साखळीला एकाच छत्राखाली आणणे हे आहे. 

भारत मोबिलिटी ग्लोबल एक्स्पोची प्रमुख वैशिष्ट्ये : 

• हे प्रदर्शन भारतातील सर्वात मोठे मोबिलिटी प्रदर्शन आहे. 

• या प्रदर्शनात इलेक्ट्रिक वाहने (EVs) प्रदर्शित करण्यात आली होती.

• अनेक मोठ्या वाहन उत्पादकांनी त्यांचे नवीनतम इलेक्ट्रिक मॉडेल्स सादर केले.

• अनेक स्टार्टअप्सनी त्यांच्या नाविन्यपूर्ण तंत्रज्ञानाचे प्रदर्शन करण्यासाठी या व्यासपीठाचा वापर केला. 

• या एक्स्पोमध्ये केवळ वाहनांबरोबरच चार्जिंग पायाभूत सुविधा, बॅटरी तंत्रज्ञान आणि स्वायत्त वाहने यासारख्या संबंधित तंत्रज्ञानाचे प्रदर्शन करण्यात आले.

भारत मोबिलिटी ग्लोबल एक्स्पोचा काय फायदा होईल ? 

• या प्रदर्शनाने भारताला जागतिक ऑटोमोबाईल उद्योगाचे केंद्र बनवण्याचे भारताचे ध्येय बळकट केले.

• यामुळे भारतीय वाहन उत्पादकांना त्यांची उत्पादने जागतिक बाजारपेठेत निर्यात करण्यास मदत होईल. 

• भारतात इलेक्ट्रिक वाहनांचा वापर करण्यास अधिक चालना मिळेल आणि देशाला स्वच्छ आणि हरित भविष्याकडे नेण्यास मदत होईल.

• यामुळे ऑटोमोबाईल उद्योगात रोजगाराच्या नवीन संधी निर्माण झाल्या आहेत.

8वा वेतन आयोग

8th Pay Commission

Subject : GS - राज्यशास्त्र, अर्थशास्त्र

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) सातव्या वेतन आयोगाचे अध्यक्ष कोण होते ? 

1. न्यायमूर्ती ए.के. माथूर

2. श्रीमती निर्मला सीतारमण

3. श्री मनमोहन सिंग

4. न्यायमूर्ती बी. एन. श्रीकृष्ण

उत्तर : न्यायमूर्ती ए.के. माथूर (Justice A.K. Mathur)

बातमी काय आहे ? 

• पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत आठव्या वेतन आयोगाच्या स्थापनेला मंजुरी देण्यात आली आहे. 

• आठव्या वेतन आयोगामुळे 1.2 कोटींहून अधिक केंद्रीय कर्मचारी आणि निवृत्तीवेतनधारकांच्या वेतन आणि निवृत्तीवेतनामध्ये सुधारणा होणार आहे.

वेतन आयोग म्हणजे काय ? 

• महागाई, आर्थिक परिस्थिती आणि बाजार दर लक्षात घेऊन सरकारी कर्मचाऱ्यांची पगार रचना, भत्ते आणि सेवानिवृत्तीचे फायदे यांचे पुनरावलोकन आणि सुधारणा करण्यासाठी केंद्र सरकार वेतन आयोगाची स्थापना करते.

• सरकारी कर्मचाऱ्यांच्या वेतनाचा महागाई आणि आर्थिक बदलांशी ताळमेळ घालण्यासाठी वेतन आयोग केंद्र सरकारला सुधारणा सुचवतात. 

• वेतन आयोग ही एक सल्लागार संस्था (Advisory Body) आहे.

पहिला वेतन आयोग केव्हा स्थापन करण्यात आला ? 

• पहिल्या वेतन आयोगाची स्थापन 1946 मध्ये करण्यात आली.

• वेतन आयोग साधारणपणे दर 10 वर्षांनी स्थापन करण्यात येतो. 

वेतन आयोग कोणत्या मंत्रालया अंतर्गत काम करते ? 

वेतन आयोग हा वित्त मंत्रालयाच्या (Ministry of Finance) अंतर्गत कार्यरत असतो आणि त्यात विविध क्षेत्रातील तज्ज्ञांचा समावेश असतो.

सातव्या वेतन आयोगाचे अध्यक्ष कोण होते ? 

• न्यायमूर्ती ए.के. माथूर हे 7 व्या वेतन आयोगाचे अध्यक्ष होते.

• सातव्या वेतन आयोगाची स्थापना 2014 मध्ये झाली.

• तर सातवा वेतन आयोग 2016 पासून लागू करण्यात आला. 

• 7 व्या वेतन आयोगामुळे 2016-17 च्या आर्थिक वर्षाच्या खर्चात ₹1 लाख कोटी जोडले गेले होते. 

• 7 व्या वेतन आयोगाद्वरे केंद्रीय सरकारी कर्मचाऱ्यांचे किमान मूळ वेतन 7,000 रुपयांवरून 18,000 रुपये करण्यात आले होते.

पहिला खो-खो वर्ल्ड कप कोणी जिंकला ? 

Who Win Kho Kho World Cup 2025

Subject : GS - खेळ

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) महिलांचा पहिला खो-खो विश्वचषक खालील पैकी कोणी जिंकला ? 

1. भारत

2. नेपाळ

3. श्रीलंका

4. चीन

उत्तर : भारत

बातमी काय आहे ? 

• भारताच्या महिला संघ आणि भारताच्या पुरुष संघाने पहिला खो-खो विश्वचषक जिंकला. 

• भारतीय पुरुष खो खो संघाने अंतिम फेरीत नेपाळचा 54-36 असा पराभव केला.

• तर भारताच्या महिला संघाने नेपाळच्या महिला संघाचा 78-40 ने पराभव केला.

खो-खो विश्वचषक महिला : 

• विजेता संघ : भारत

• उपविजेता संघ : नेपाळ

खो-खो विश्वचषक पुरूष : 

• विजेता संघ : भारत

• उपविजेता संघ : नेपाळ

खो-खो विश्वचषकासाठी भारताच्या महिला संघाची कर्णधार कोण ? 

भारतीय खो खो संघाच्या कर्णधारपदी बीडच्या केज तालुक्यातील कळमआंबा गावातील प्रियंका इंगळे  

खो-खो विश्वचषकासाठी भारताच्या पुरुष संघाचा कर्णधार कोण ? 

पुण्याचा प्रतीक वायकर हा भारतीय खो खो संघाच्या कर्णधार आहे. 

पहिल्या खो-खो विश्वचषक स्पर्धेचे आयोजन कोठे करण्यात आले ? 

नवी दिल्ली येथील इंदिरा गांधी इनडोअर स्टेडियममध्ये 13 ते 19 जानेवारी 2025 दरम्यान पहिल्या खो-खो विश्वचषक स्पर्धेचे आयोजन करण्यात आले आहे.

खो-खो खेळात प्रत्येक संघाकडून किती खेळाडू मैदानावर खेळतात ? 

प्रत्येक संघातील फक्त 9 खेळाडू एकावेळी मैदानावर खेळतात.

खो-खो वर्ल्ड कप 2025 बद्दल परीक्षेसाठी IMP वनलाईनर पॉईंट्स : 

• पहिल्या खो-खो विश्वचषक स्पर्धेत पुरुषांचे 20 संघ तर महिलांचे 19 संघ स्पर्धेत सहभागी होतील. 

• या स्पर्धेत सहा खंडांतील 23 देश सहभागी झाले.

• महासंघाने या स्पर्धेसाठी अधिकृत शुभंकर (Mascot Symbols) म्हणून काम करणाऱ्या हरिणांची गतिशील जोडी ‘तेजस’ आणि ‘तारा’ देखील अभिमानाने सादर केली.

• तेजस हा तेज आणि उर्जेचे प्रतीक आहे

• तारा हे मार्गदर्शन आणि आकांक्षेचे प्रतिनिधीत्व करते.

• पुरुषांच्या विजेत्या संघाला निळ्या रंगाचा चषक (Trophy)

• महिलांच्या विजेत्या संघाला हिरव्या रंगाचा चषक दिला गेला. 

राष्ट्रीय आपत्ती निवारण दल 

National Disaster Response Force ( NDRF)

Subject : GS - दिनविशेष, संरक्षण, भूगोल - आपत्ती व्यवस्थापन

सरळसेवा, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) राष्ट्रीय आपत्ती प्रतिसाद दलाची (NDRF) स्थापना कोणत्या वर्षी करण्यात आली ? 

1. 2000

2. 2006

3. 2010

4. 2012

उत्तर : 2006

राष्ट्रीय आपत्ती प्रतिसाद दला बद्दल परीक्षेसाठी IMP वनलाईनर पॉईंट्स :

राष्ट्रीय आपत्ती निवारण दलाचा (NDRF) 20 वा स्थापना दिन सोहळा 19 जानेवारी 2025 रोजी आंध्र प्रदेशातील विजयवाडा इथे झाला.

राष्ट्रीय आपत्ती निवारण दलाची स्थापना केव्हा करण्यात आली ? 

• 19 जानेवारी 2006 रोजी राष्ट्रीय आपत्ती निवारण दलाची स्थापना करण्यात आली.

• राष्ट्रीय आपत्ती व्यवस्थापन कायदा (2005) च्या प्रकरण 8 च्या कलम 44 अन्वये केंद्रीय गृहमंत्रालया अंतर्गत राष्ट्रीय आपत्ती प्रतिसाद दल (NDRF) ची स्थापना करण्यात आली.

• 2006 मध्ये स्थापन केल्यानंतर NDRF मध्ये 8 बटालियन होत्या.

• आज NDRF मध्ये 16 बटालियन आहे. 

NDRF काय काम करते ? 

• नैसर्गिक आणि मानव निर्मित आपत्तींपासून जनतेचा शोध व बचाव करणे, आपत्तींचे शमन करणे, प्रतिबंध करणे, पूर्वतयारी करणे व प्रतिसाद देणे, वैद्यकीय प्रथमोपचार करणे हे काम NDRF करते. 

• या शूर कार्यासाठी NDRF ला ‘आपत्तीमधील देवदूत’ (Angels In Disaster) म्हटले जाते.

राष्ट्रीय आपत्ती प्रतिसाद दल प्रामुख्याने खालील आपत्तींमध्ये कार्य करते :

• भूकंप आणि कोसळलेल्या इमारती

• चक्रीवादळ, भूस्खलन, पूर, पाण्यातून बचाव करणे आणि इतर नैसर्गिक आपत्ती

• रासायनिक, जैविक, रेडिओलॉजिकल आणि आण्विक आणीबाणी

उदाहरणार्थ : 

• 2008 मध्ये कोसी नदी पूर 

• 2010 मध्ये बेल्लारी इमारत कोसळणे

• 2023 मधील बालासोर, ओडिशा येथे रेल्वे अपघात

• केरळ, महाराष्ट्र, उत्तराखंड मधील भूस्खलन

• त्याचबरोबर जपान त्सूनामी (2011) आणि नेपाळ भूकंप (2015), तुर्की आणि उत्तर-पश्चिम सीरिया भूकंप (2023) राष्ट्रीय आपत्ती प्रतिसाद दलाचा वेगवान प्रतिसादासाठी जागतिक स्तरावर स्तूती करण्यात आली.

राष्ट्रीय आपत्ती प्रतिसाद दलाचे (NDRF) ब्रीदवाक्य (motto) कोणते ? 

"आपदा सेवा सदैव सर्वत्र" हे NDRF चे ब्रीदवाक्य आहे. 

"Aapda Seva Sadaiv Sarvatra" 

राष्ट्रीय आपत्ती प्रतिसाद दलाचे (NDRF) वर्तमान महासंचालक कोण आहेत ?

श्री पीयूष आनंद, (IPS) हे राष्ट्रीय आपत्ती प्रतिसाद दलाचे (NDRF) सध्याचे महासंचालक कोण आहेत