क्रांतीज्योती सावित्रीबाई फुले पुण्यतिथी

Krantijyoti Savitri Bai Phule

• क्रांतीज्योती सावित्रीबाई फुले यांची आज पुण्यतिथी.

• भारताच्या स्त्री शिक्षणाची गंगोत्री, क्रांतीज्योती सावित्रीमाई फुले यांना पुण्यतिथी दिनी विनम्र अभिवादन 🙏💐💐

Subject : GS - दिनविशेष, इतिहास- महाराष्ट्रातील समाजसुधारक

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) क्रांतीज्योती सावित्रीबाई फुले यांचा जन्म कोणत्या गावी झाला ? 

(सरळसेवा भरती, महाराष्ट्र पोलीस भरती, सातारा पोलीस भरती 2021, 2023) 

1. कराड

2. वाई

3. अंग

4. नायगाव

उत्तर : नायगाव (सातारा जिल्हा) 

• क्रांतीज्योती सावित्रीबाई फुले यांचा जन्म 3 जानेवारी 1831 रोजी सातारा जिल्ह्याच्या खंडाळा तालुक्यातील नायगाव येथे झाला.

• 1840 मध्ये त्यांचा विवाह ज्योतिबा फुले यांच्याशी झाला.

• लग्नानंतर ज्योतिबांनी त्यांना घरीच शिक्षण द्यायला सुरुवात केली.

• 1848 रोजी जोतिराव फुले यांनी पुण्याच्या बुधवार पेठेतील भिडे वाड्यात मागासवर्गीय मुलींसाठी पहिली शाळा सुरू केली. आणि सावित्रीबाई फुले त्या शाळेच्या पहिल्या शिक्षिका व मुख्याध्यापिका झाल्या.

• क्रांतीज्योती सावित्रीबाई फुले भारताच्या पहिल्या शिक्षिका व मुख्याध्यापिका झाल्या.

• 1852 मध्ये सावित्रीमाईंनी महिलांच्या हक्कांबद्दल जागरुकता निर्माण करण्यासाठी महिला सेवा मंडळ सुरू केले.

• 1863 साली जोतीराव-सावित्रीबाईंनी गंजपेठेतील राहत्या घरात विधवा स्त्रियांच्या समस्या लक्षात घेऊन बालहत्या प्रतिबंधकगृहाची स्थापना केली

• समता, स्वातंत्र्य आणि विवेकनिष्ठा या तत्त्वांवर आधारित नवा आधुनिक समाज निर्माण करण्यासाठी 24 सप्टेंबर 1873 रोजी पुणे येथे जोतिराव फुले यांनी ‘सत्यशोधक समाजा’ ची स्थापना केली यात आणि अशा सर्वच कार्यात सावित्रीबाईंची खंबीर साथ त्यांना लाभली.

• 1890 मध्ये ज्योतिबांच्या मृत्यूनंतर सावित्रीमाईंनी सत्यशोधक समाज या संस्थेचे कार्य पुढे नेले. 

• 1893 साली सासवड येथे झालेल्या सत्यशोधक परिषदेचे अध्यक्षपद सावित्रीमाईंनी भूषविले.

• 1876-1877 आणि 1896 या काळात महाराष्ट्रात भयंकर दुष्काळ पडला होता. त्या वेळी सावित्रीबाईंनी गोरगरिबांना खूप मदत केली. सत्यशोधक समाजाद्वारे ठिकठिकाणी अन्नछत्रे उघडून भोजनाची व्यवस्था करण्यात आली.  

मृत्यू : 

• 1897 पासून पुण्यात प्लेगची साथ आली, तेव्हा मृत्यूला न घाबरता सावित्रीबाईंनी प्लेगबाधित रुग्णांची सेवाशुश्रूषा केली.

• पण अखेर त्यांना प्लेगची बाधा होऊन 10 मार्च 1897 रोजी त्यांचे निधन झाले.

साहित्य : 

सावित्रीबाई या एक प्रतिभासंपन्न कवयित्री होत्या. 

• ‘ काव्यफुले’ (1854) - काव्यसंग्रह

• ‘बावनकशी सुबोध रत्नाकर’ (1892) - काव्यसंग्रह

• "जा, शिक्षण मिळवा" - कविता

महाराष्ट्रात बालिका दिन केव्हा असतो ? 

• बालिका दिवस हा महाराष्ट्रामध्ये क्रांतीज्योती सावित्रीमाई फुले यांच्या जयंती निमित्त साजरा केला जातो.

• 3 जानेवारी हा सावित्रीबाईंचा जन्मदिवस संपूर्ण महाराष्ट्रात बालिका दिन व महिला मुक्तीदिन म्हणून साजरा केला जातो.

• महाराष्ट्र शासनाकडून 1955 पासून 3 जानेवारी हा दिवस बालिका दिन म्हणून साजरा करण्यास सुरुवात झाली.

पहिला शौर्य वेदनम् महोत्सव

Shaurya Vedanam Festival

Subject : GS - संरक्षण, सरकारी योजना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) पहिला शौर्य वेदनम् महोत्सव कोठे आयोजित करण्यात आला ? 

1. हैद्राबाद

2. बिहार

3. नवी दिल्ली

4. गुजरात

उत्तर : बिहार

शौर्य वेदनम महोत्सवा बद्दल परीक्षेसाठी IMP वनलाईनर पॉईंट्स :

• 7- आणि 8 मार्च 2025 रोजी बिहारमधील पूर्व चंपारण्य जिल्ह्यातील मोतिहारी येथे पहिला शौर्य वेदनम् महोत्सव आयोजित करण्यात आला होता. 

• संरक्षण मंत्रालय (Ministry of Defence) आणि पूर्व चंपारण जिल्हा प्रशासनाच्या सहकार्याने हा महोत्सव आयोजित करण्यात आला होता. 

शौर्य वेदनम महोत्सव का आयोजित करण्यात आला ? 

शौर्य वेदनम महोत्सवाचे उद्दिष्ट काय ? 

• भारतीय सशस्त्र दलांच्या लष्करी सामर्थ्याचे प्रदर्शन करणे आणि 

• तरुणांना आणि सामान्य नागरिकांना संरक्षण दलांबद्दल जागरूक करणे आणि त्यांना प्रेरित करणे हे या महोत्सवाचे उद्दिष्ट्य होते. 

कार्यक्रमात भारतीय सशस्त्र दलांच्या लष्करी सामर्थ्याचे प्रदर्शन : 

या कार्यक्रमात लष्कर (Army) , नौदल (Navy) आणि हवाई दलाच्या (Air Force) आधुनिक लष्करी तंत्रज्ञानाचे आणि उपकरणांचे प्रदर्शन करण्यात आले.

• भारतीय सैन्याने K-9 वज्र तोफा, T-90 भीष्म टँक, स्वाती रडार आणि BMP लढाऊ वाहन यांसारखी प्रगत उपकरणे प्रदर्शित केली.

• भारतीय नौदलाने आपल्या शक्तीचे प्रदर्शन करताना पाणबुड्या (submarines), विध्वंसक (destroyers) आणि विमानवाहू जहाजांचे (aircraft carriers ) मॉडेल प्रदर्शित केले.

• या कार्यक्रमादरम्यान भारतीय हवाई दलाने तीन सुखोई-30 लढाऊ विमाने, दोन AN 32 वाहतूक विमाने आणि चेतक हेलिकॉप्टरसह फ्लायपास्ट केले. 

• हवाई दलाच्या आकाश गंगा पथकाने 8000 फूट उंचीवरून उडी मारली.

जागतिक महिला दिन 

International Women’s Day

Subject : GS - दिनविशेष

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक महिला दिन कोणत्या दिवशी असतो ? 

(सरळसेवा भरती, रेल्वे भरती, महाराष्ट्र पोलीस भरती पुणे ग्रामीण 2023, SSC CHSL 2022)

1. 5 मार्च

2. 8 मार्च

3. 10 मार्च

4. 12 मार्च

उत्तर : 8 मार्च

जागतिक महिला दिना बद्दल परीक्षेसाठी IMP वनलाईनर पॉईंट्स : 

• जागतिक महिला दिन दरवर्षी 8 मार्च रोजी साजरी करतात.

• जागतिक महिला दिनाला आंतरराष्ट्रीय महिला दिन असेही म्हणतात.

आपण जागतिक महिला दिन का साजरा करतो ?

• लैंगिक विषमता आणि भेदभावावर प्रकाश टाकण्यासाठी, राजकारण, समाज आणि अर्थव्यवस्थेत महिलांच्या हक्कांचे समर्थन करण्यासाठी त्याचप्रमाणे महिलांच्या कर्तृत्वाचा सन्मान करण्यासाठी जगभरात दरवर्षी 8 मार्च रोजी जागतिक महिला दिन साजरा करण्यात येतो.  

जागतिक महिला दिन 2025 साठीची संकल्पना (थीम) काय आहे ?

"सर्व महिला आणि मुलींसाठी : हक्क. समानता. सक्षमीकरण." ही यंदाची संकल्पना थीम आहे. 

“For All Women and Girls: Rights. Equality. Empowerment.”

या वर्षीची थीम अशी कृती करण्याचे आवाहन करते जी समान हक्क, शक्ती आणि संधी उपलब्ध करून देऊ शकेल.

जागतिक महिला दिना ची संकल्पना कोणी मांडली ?

• क्लारा झेटकिन (Clara Zetkin) यांनी 1910 मध्ये जागतिक महिला दिनाची संकल्पना मांडली. 

• क्लारा झेटकिन या जर्मन कम्युनिस्ट आणि स्त्रियांच्या हक्कांसाठी काम करणाऱ्या कार्यकर्त्या होत्या.

जागतिक महिला दिन 8 मार्च लाच का साजरी करतात ? 

• क्लारां झेटकिन यांनी जेव्हा महिला दिवसाची कल्पना मांडली तेव्हा त्यांच्या मनात कोणतीही ठराविक तारीख नव्हती. 

• पुढे 1917 मध्ये पहिलं महायुद्ध सुरू असताना रशियन महिलांनी ‘भाकरी आणि शांतता’ अशी मागणी घेऊन संप पुकारला.

• या दरम्यान रशियन महिलांनी शांतता मोहीम आयोजित केली होती.

• काही दिवसातच राजकीय उलथापालथ झाली, रशियन झारना पद सोडावं लागलं आणि त्यानंतर आलेल्या हंगामी सरकारनं महिलांना मतदानाचा अधिकार दिला.

• त्या ऐतिहासिक संपाची आठवण म्हणून 8 मार्चला जागतिक महिला दिवस साजरा केला जातो.

जागतिक महिला दिना ला संयुक्त राष्ट्रांनी (United Nations) अधिकृतपणे मान्यता केव्हा दिली ? 

• 1977 मध्ये संयुक्त राष्ट्रांनी जागतिक महिला दिना ला अधिकृतपणे मान्यता दिली. 

• 1977 साली संयुक्त राष्ट्र संघटनेच्या समितीने विविध सदस्यांना आमंत्रित करून 8 मार्च हा आंतरराष्ट्रीय स्तरावर महिलांचे अधिकार आणि जागतिक शांतता या हेतून साजरा करवा यासाठी आवाहन केले.

नोट : 

• 8 मार्चला जागतिक महिला दिन साजरा करण्यात येतो. 

• भारतात , 13 फेब्रुवारी, सरोजिनी नायडू यांचा जन्मदिवस राष्ट्रीय महिला दिन म्हणून साजरा करतात.

ट्रोपेक्स-25 नौदल सराव 

TROPEX-25 

Subject : GS - संरक्षण - युद्ध अभ्यास 

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ट्रोपेक्स-25 (TROPEX-25) सराव कोठे आयोजित करण्यात आला ? 

1. प्रशांत महासागर

2. अटलांटिक महासागर 

3. हिंदी महासागर

4. भूमध्य समुद्र

उत्तर : हिंदी महासागर (Indian Ocean) 

बातमी काय आहे ? 

नुकताच भारतीय नौदलाच्या थिएटर लेव्हल ऑपरेशनल एक्सरसाइज (TROPEX) या सागरी सरावाची 2025 ची आवृत्ती समारोप झाला. 

TROPEX 2025 युद्ध सरावा बद्दल परीक्षेसाठी IMP वनलाईनर पॉईंट्स : 

THEATRE LEVEL OPERATIONAL READINESS EXERCISE (TROPEX-25) : 

• TROPEX 2025 युद्ध सराव जानेवारी ते मार्च 2025 या दरम्यान भारतीय नौदलाकडून आयोजित करण्यात आला होता. 

• हा भारतीय नौदलाचा सर्वात मोठा सागरी सराव आहे.

• त्यात भारतीय लष्कर (Indian Army), भारतीय हवाई दल (Indian Air Force) आणि भारतीय तटरक्षक दल (Indian Coast Guard) यांचा समावेश आहे. 

• हा सागरी सराव दर 2 वर्षांनी हिंदी महासागरात आयोजित केला जातो.

TROPEX 2025 युद्ध सरावा मध्ये कोण कोण सहभागी झाले ?  

• या युद्ध सरावात भारतीय नौदलाडून (Indian Navy) 65 ते 70 नौदल जहाजे, 9 ते 10 पाणबुड्या (Submarines) आणि विविध प्रकारच्या 80 पेक्षा जास्त विमाने सहभागी झाले होते. 

• तर भारतीय हवाई दलाकडून (Indian Air Force) सुखोई- 30, जग्वार, C-130, AWACS आणि फ्लाइट रिफ्युएलर विमाने तैनात करण्यात आली. 

• भारतीय लष्कराडून (Indian Army) 600 पेक्षा जास्त पायदळ सैनिक (Infantry Troops) सहभागी झाले होते. 

• तर भारतीय तटरक्षक दलाकडून (Indian Coast Guard) 10 पेक्षा जास्त जहाजांनी सहभाग नोंदवला.

TROPEX युद्ध सरावाचे फायदे काय ? 

• या सागरी सरावामुळे भारतीय लष्कर, भारतीय वायुसेना आणि तटरक्षक दल यांना आपापसात ऑपरेशनल (कार्यान्वयन) पातळीवरचा संवाद साधायला मदत होते.

• ज्यामुळे गुंतागुंतीच्या परिस्थितीत एकमेकांबरोबर समन्वय साधून काम करण्याची त्यांची क्षमता आणखी मजबूत होते.

• TROPEX 2025 युद्ध सरावाने भविष्यात लढाईसाठी सज्ज, विश्वासार्ह, एकसंध राहण्याची नौदलाची वचनबद्धता पुन्हा अधोरेखित केली.

‘ऑनररी ऑर्डर ऑफ फ्रीडम ऑफ बार्बाडोस’ पुरस्कार 

‘Honorary Order of Freedom of Barbados’ Award

Subject : GS - पुरस्कार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच, कोणत्या भारतीयाला बार्बाडोस देशाने ‘ऑनररी ऑर्डर ऑफ फ्रीडम ऑफ बार्बाडोस’ हा आपला सर्वोच्च पुरस्काराने सन्मानित केले ? 

1. राष्ट्रपती द्रौपदी मुर्मू

2. पंतप्रधान नरेंद्र मोदी

3. संरक्षण मंत्री राजनाथ सिंह

4. परराष्ट्र मंत्री एस. जयशंकर

उत्तर : पंतप्रधान नरेंद्र मोदी

बातमी काय आहे ? 

• ‘ऑनररी ऑर्डर ऑफ फ्रीडम ऑफ बार्बाडोस’ या पुरस्काराने सन्मानित केल्याबद्दल पंतप्रधान नरेंद्र मोदी यांनी बार्बाडोस सरकार आणि तेथील जनतेप्रती कृतज्ञता व्यक्त केली आहे.

‘ऑर्डर ऑफ फ्रीडम ऑफ बार्बाडोस’ पुरस्काराबद्दल परीक्षेसाठी IMP वनलाईनर पॉईंट्स :

‘Honorary Order of Freedom of Barbados’ Award

• पंतप्रधान नरेंद्र मोदी यांना बार्बाडोस देशाचा " ऑनररी ऑर्डर ऑफ फ्रीडम ऑफ बार्बाडोस " पुरस्काराने नुकतेच सन्मानित करण्यात आले. 

• पंतप्रधान नरेंद्र मोदी यांच्यावतीने ‘ऑर्डर ऑफ फ्रीडम ऑफ बार्बाडोस’ हा पुरस्कार भारताचे परराष्ट्र आणि कापड उद्योग राज्यमंत्री पाबित्रा मार्गेरिटा यांनी हा पुरस्कार स्वीकारला.

• या पुरस्कारासाठी पंतप्रधान नरेंद्र मोदी यांन बार्बाडोसचे सरकार आणि तिथल्या जनतेचे जाहीर आभार मानले.

पंतप्रधान नरेंद्र मोदी यांना ‘ऑर्डर ऑफ फ्रीडम ऑफ बार्बाडोस’ पुरस्कार का देण्यात आला ? 

• कोविड-19 साथीच्या काळात धोरणात्मक नेतृत्व आणि मौल्यवान मदतीसाठी पंतप्रधान नरेंद्र मोदींना हा पुरस्कार देण्यात आल्याचे बार्बाडोस सरकारने जाहीर केले. 

• महामारी काळात मोदींच्या नेतृत्वात मिळालेल्या आंतरराष्ट्रीय सहकार्य आणि पाठिंब्यामुळे बार्बाडोसला या संकटातून सावरण्यास मदत मिळाली, असेही बार्बाडोस सरकारने सांगितले.

बार्बाडोस देशा बद्दल परीक्षेसाठी IMP वनलाईनर पॉईंट्स :  

• बार्बाडोस हे उत्तर अटलांटिक महासागरातील एक कॅरिबियन बेट आहे.

• ब्रिजटाऊन (Bridgetown) ही बार्बाडोस देशाची राजधानी आहे.

• डेम सैंड्रा प्रुनेला मेसन (Dame Sandra Prunella Mason) या बार्बाडोस देशाच्या राष्ट्रपती आहे.

T-72 रणगाडा | T-72 TANK

Subject : GS - संरक्षण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच भारताने T-72 रणगाड्यासाठी कोणत्या देशासोबत करार केला ? 

1. अमेरिका 

2. रशिया

3. फ्रान्स 

4. जर्मनी

उत्तर : रशिया

बातमी काय आहे ? 

• भारताच्या संरक्षण मंत्रालयाने रशियन महासंघाच्या रोसोबोरोन एक्सपोर्ट (Rosoboronexport) सोबत 248 दशलक्ष डॉलर्स किमतीचा करार केला आहे. 

• या कराराअंतर्गत T-72 रणगाड्यासाठी 1000 HP इंजिन संपूर्णतः तयार स्थितीत आणि जोडणी केलेल्या अर्ध-तयार अवस्थेत असतील. 

मेक इन इंडिया' उपक्रमाला प्रोत्साहन : 

• या कराराचा एक महत्त्वाचा भाग म्हणजे संरक्षण क्षेत्रातील 'मेक इन इंडिया' उपक्रमाला प्रोत्साहन देण्यासाठी या करारात तंत्रज्ञान हस्तांतरणाच्या अंतर्गत रोसोबोरोन एक्सपोर्टकडून चेन्नईच्या अवाडी येथील आर्मर्ड व्हीकल्स निगम लिमिटेड (अवजड वाहन कारखाना) ला इंजिन जोडणी आणि नंतर परवानाधारक उत्पादनासाठी तंत्रज्ञान हस्तांतरणाचा (Transfer of Technology) समावेश आहे. 

कराराने काय फायदा होईल ?

• T-72 रणगाडा हा भारतीय लष्कराच्या मुख्य रणगाडा ताफ्याचा एक अत्यंत महत्त्वाचा घटक आहे. 

• सध्या हे रणगाडे 780 HP इंजिनने सुसज्ज आहेत. 

• मात्र 1000 HP इंजिनने त्यांना अधिक शक्तिशाली बनवता येईल,

• ज्यामुळे भारतीय लष्कराची रणभूमीवरील गतिशीलता आणि आक्रमक क्षमता लक्षणीयरीत्या वाढेल.

T-72 रणगाड्या बद्दल परीक्षेसाठी IMP वनलाईनर पॉईंट्स : 

• T-72 रणगाडा हा सोव्हिएत रशिया ने डिझाइन केलेला आहे. 

• 1971 मध्ये सादर झाल्यापासून T-72 रणगाडा अनेक देशांच्या सशस्त्र दलांचा आधारस्तंभ आहे.

प्रधानमंत्री भारतीय जनऔषधी परियोजना म्हणजे काय ? 

Jan Aushadhi Diwas 

Subject : GS - दिनविशेष, सरकारी योजना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) देशभरात जनऔषधी दिवस केव्हा साजरी करण्यात येतो ? 

1. 28 फेब्रुवारी

2. 7 मार्च

3. 8 मार्च

4. 14 मार्च

उत्तर : 7 मार्च

बातमी काय आहे ?

• 7 मार्च हा दिवस जनऔषधी दिवस म्हणून साजरा करण्यात आला. 

• त्याचबरोबर 1 ते 7 मार्च 2025 हा आठवडा देशभरात 'जनऔषधी सप्ताह' म्हणून साजरा करण्यात आला या दरम्यान देशभरात अनेक उपक्रम राबविण्यात आले.

जनऔषधी दिवस का साजरी करण्यात येतो ?

• परवडणाऱ्या जेनेरिक औषधांबद्दल जागरूकता निर्माण करण्यासाठी दरवर्षी 7 मार्च हा दिवस जनऔषधी दिवस म्हणून साजरा केला जातो.  

• जनऔषधी दिवस हा प्रधानमंत्री भारतीय जनऔषधी परियोजने (PMBJP) अंतर्गत साजरी करतात. 

पहिला जनऔषधी दिवस केव्हा साजरी करण्यात आला ? 

7 मार्च 2019 रोजी पहिला जनऔषधी दिवस साजरी करण्यात आला. 

जनऔषधी दिवस 2025 ची संकल्पना (थीम) काय आहे ? 

• " दाम कम, दवाई उत्तम " ही जनऔषधी दिवस 2025 ची संकल्पना आहे. 

• 2025 ची ही थीम सर्वांसाठी परवडणाऱ्या आणि उच्च दर्जाच्या औषधांवर लक्ष केंद्रीय करते.

प्रधानमंत्री भारतीय जनऔषधी परियोजना काय आहे ? 

Pradhan Mantri Bhartiya Janaushadhi Pariyojana

• 2008 मध्ये जनौषधी योजना म्हणून दुकानांद्वारे परवडणाऱ्या दरात औषधे पुरवण्यासाठी रसायने आणि खते मंत्रालयाच्या अंतर्गत ही योजना सुरू करण्यात आली होती. 

• पुढे 2015 मध्ये या योजनेचे सुधारणा करून योजनेचे नाव प्रधानमंत्री जन औषधी योजना करण्यातआहे.

• 2016 मध्ये योजनेला गती देताना पुन्हा या योजनेचे नाव बदलून प्रधानमंत्री भारतीय जनऔषधी परियोजना असे करण्यात आले. 

प्रधानमंत्री भारतीय जनऔषधी परियोजनचे उद्दिष्ट्ये कोणते ? 

• सर्वांना परवडणाऱ्या किमतीत दर्जेदार औषधे, उपभोग्य वस्तू आणि शस्त्रक्रियांच्या वस्तू उपलब्ध करून देणे आणि ग्राहक/रुग्णांचा खर्च कमी करणे.

• सर्वसामान्यांमध्ये जेनेरिक औषधे लोकप्रिय करणे. 

• विविध प्रकारच्या जेनेरिक औषधांची उपलब्धता करून वंचित/ मुख्यतः गरीब लोकांपर्यंत औषधे पोहचवणे. 

• जनऔषधी केंद्रे उघडण्यात वैयक्तिक उद्योजकांना सहभागी करून रोजगार निर्माण करणे.

• जन औषधी केंद्रे ब्रँडेड औषधांना पर्यायी असलेले जेनेरिक औषधे 50 ते 80% कमी किमतीत औषधे देतात. 

खेलो इंडिया पॅरा गेम्स 2025 

Khelo India Para Games 2025

Subject : GS - खेळ

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) खेलो इंडिया पॅरा गेम्स 2025 स्पर्धा कोठे होणार आहे ? 

1. नवी दिल्ली

2. हैद्राबाद

3. तामिळनाडू

4. मुंबई

उत्तर : नवी दिल्ली

बातमी काय आहे ? 

• केंद्रीय क्रीडा मंत्री डॉ.मनसुख मांडवीय यांनी खेलो इंडिया पॅरा गेम्स 2025 ची केली नुकतीच घोषणा केली. 

खेलो इंडिया पॅरा गेम्स केव्हा होणार आहे ? 

• नवी दिल्ली येथे 20 ते 27 मार्च 2025 दरम्यान होणाऱ्या खेलो इंडिया पॅरा गेम्स (दिव्यांगांसाठीच्या क्रीडा स्पर्धा) होणार आहे.

• या स्पर्धेत आंतरराष्ट्रीय स्तरावरील अव्वल पॅरा ॲथलीट (क्रीडापटू) देखील सहभागी होणार आहेत.

खेलो इंडिया पॅरा गेम्स 2025 बद्दल परीक्षेसाठी IMP वनलाईनर पॉईंट्स :

• खेलो इंडिया पॅरा गेम्स हा खेलो इंडिया मिशनचा एक भाग असून, तो प्रतिभावान खेळाडूंना त्यांचे क्रीडा आणि स्पर्धात्मक कौशल्य प्रदर्शित करण्यासाठी व्यासपीठ उपलब्ध करून देतो.

• खेलो इंडिया पॅरा क्रीडा स्पर्धांचे यंदा दुसर्‍यांदा आयोजन होत आहे.

• आगामी खेलो इंडिया पॅरा क्रीडा स्पर्धां 2025 मधील 6 क्रीडा प्रकारांमध्ये सुमारे 1230 पॅरा ॲथलीट स्पर्धेत सहभागी होतील.

• खेलो इंडिया पॅरा क्रीडा स्पर्धां 2025 मध्ये पॅरा तिरंदाजी, पॅरा ॲथलेटिक्स, पॅरा बॅडमिंटन, पॅरा भारत्तोलन, पॅरा नेमबाजी आणि पॅरा टेबल टेनिस या क्रीडा प्रकारांच्या स्पर्धा होतील.

पहिल्या खेलो इंडिया पॅरा क्रीडा स्पर्धेचे आयोजन केव्हा करण्यात आले ? 

• डिसेंबर 2023 मध्ये नवी दिल्ली येथे पहिल्या खेलो इंडिया पॅरा क्रीडा स्पर्धा आयोजित करण्यात आल्या होत्या. 

• पॅरा ॲथलीट्सना राष्ट्रीय स्तरावर आपली प्रतिभा प्रदर्शित करता यावी, यासाठी डिसेंबर 2023 मध्ये पहिले खेलो इंडिया पॅरा गेम्स आयोजित करण्यात आले होते.