वेटलँड वाईज यूज' रामसर पुरस्कार पहिली भारतीय व्यक्ती | First Indian to Receive Ramsar Award for Wetland Wise Use

Subject : GS - पुरस्कार, पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) ' वेटलँड वाईज यूज ' या रामसर पुरस्काराने सन्मानित होणारी पहिली भारतीय व्यक्ती कोण ?

1. जयश्री वेंकटेशन

2. मेधा पाटकर

3. सुधा मूर्ती

4. नीता अंबानी

उत्तर : जयश्री वेंकटेशन (Jayshree Vencatesan) 

' वेटलँड वाईज यूज ' या रामसर पुरस्कारा बद्दल परीक्षेसाठी IMP वनलाईनर पॉईंट्स : 

• डॉ. जयश्री वेंकटेशन यांना 'वेटलँड वाईज युज' (Wetland Wise Use) श्रेणीमध्ये प्रतिष्ठित रामसर पुरस्काराने सन्मानित करण्यात आले आहे

• हा पुरस्कार जिंकणाऱ्या डॉ. जयश्री वेंकटेशन पहिल्या भारतीय ठरल्या आहेत.

• 'वेटलँड वाईज युज' (Wetland Wise Use) रामसर पुरस्कार हा पाणथळ जागांच्या शाश्वत व्यवस्थापनात योगदान दिल्याबद्दल जागतिक स्तरावर मान्यताप्राप्त पुरस्कार आहे.

'वेटलँड वाईज युज' (Wetland Wise Use) म्हणजे नेमकं काय ? 

Wetland Wise Use म्हणजे त्या परिसरातील नैसर्गिक वैशिष्ट्ये जपून, शाश्वत विकासासाठी त्यांचा उपयोग करणे, जेणेकरून ते परिसंस्थेसाठी आणि मानवासाठी फायद्याचे राहतील. 

डॉ. जयश्री वेंकटेशन यांबद्दल परीक्षेसाठी IMP वनलाईनर पॉईंट्स : 

• डॉ. जयश्री वेंकटेशन या चेन्नई येथील केअर अर्थ ट्रस्टच्या सह-संस्थापक आहे.

• Care Earth Trust ही ट्रस्ट एक गैर-सरकारी संस्था (NGO) आहे जी संशोधन, वकिली आणि क्षमता बांधणीद्वारे जैवविविधतेचे संवर्धन करण्यासाठी काम करते.

• डॉ. जयश्री वेंकटेसन यांनी त्यांच्या आयुष्यातील अनेक दशके भारतातील पाणथळ जागांच्या संवर्धनासाठी समर्पित केली आहेत, ज्यामध्ये चेन्नईतील पल्लिकरणई दलदलीवर विशेष लक्ष केंद्रित केले आहे.

• त्यांच्या संस्थेला 2009 मध्ये पल्लीकरणाई दलदल आणि नानमंगलम जंगलाच्या संवर्धनासाठी केलेल्या अग्रगण्य कार्यासाठी केंद्रीय पर्यावरण, वन आणि हवामान बदल मंत्रालयाने इंदिरा गांधी पर्यावरण पुरस्काराने सन्मानित केले.

पाणथळ क्षेत्र (जागा) म्हणजे काय ?

• पाणथळ जमीन ही अशी क्षेत्रे आहेत जिथे पाणी हे पर्यावरण आणि संबंधित वनस्पती आणि प्राणी जीवन नियंत्रित करणारे प्राथमिक घटक आहे. 

• पाणथळ जमीन हे एक भूभाग आहे जेथे परिसंस्थेचा एक मोठा भाग कायमस्वरूपी किंवा वार्षिक पाण्याने भरलेला असतो किंवा काही हंगामासाठी त्यात बुडलेला असतो. अशा भागात जलीय वनस्पतीं मोठ्या प्रमाणात असतात.

SBI अस्मिता म्हणजे काय ? 

SBI Asmita

Subject : GS - अर्थशास्त्र - बॅंकिंग

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच स्टेट बँक ऑफ इंडियाने ' SBI Asmita’ उपक्रम सुरू केला आहे. तर SBI Asmita चे उद्दिष्ट खालील पैकी कोणते ?  

1. मुलींसाठी शैक्षणिक शिष्यवृत्ती

2. ग्रामीण भागात बँकिंग सेवांचा विस्तार करणे

3. ज्येष्ठ नागरिकांना कर्ज देणे

4. महिला उद्योजकांना त्यांचा व्यवसाय वाढविण्यास मदत करणे

उत्तर : महिला उद्योजकांना त्यांचा व्यवसाय वाढविण्यास मदत करणे

SBI अस्मिता काय आहे ? 

• महिला उद्योजकांना त्यांचा व्यवसाय वाढविण्यास मदत करण्यासाठी स्टेट बँक ऑफ इंडियाने 'SBI अस्मिता' सुरू केली आहे.

• ही योजना महिला उद्योजकांना प्रोत्साहन देण्यास आणि त्यांच्या व्यवसायांना चालना देण्यास मदत करते.

• महिला उद्योजकांना त्यांचे व्यवसाय वाढविण्यास आणि आर्थिकदृष्ट्या स्वतंत्र होण्यास मदत करणे हे या योजनेचे उद्दिष्ट आहे.

SBI अस्मिता योजनेचे वैशिष्ट्ये कोणते ? 

• हमीशिवाय (तारणमुक्त) कर्ज उपलब्ध (Collateral-free SME Loan) 

• सामान्य कर्जांपेक्षा कमी व्याजदर

• व्यवसायांच्या आर्थिक गरजा आणि व्यवसाय मूल्यांकनावर आधारित कर्ज मंजुरी.

• डिजिटल कर्ज आणि स्वयंचलित डेटा पडताळणीसाठी एक मजबूत API इकोसिस्टम वापरते.

• यंत्रणा डिजिटल आणि ऑनलाईन असल्यामुळे महिलांना कर्ज घेणं अधिक सोईस्कर होईल. 

नारी शक्ती प्लॅटिनम डेबिट कार्ड : 

‘Nari Shakti’ Platinum Debit Card : 

• याचबरोबर SBI ने नारी शक्ती प्लॅटिनम डेबिट कार्ड ही लॅान्च केले. 

• नारी शक्ती प्लॅटिनम डेबिट कार्ड हे पर्यावरणपूरक असून हे कार्ड 100% रिसायकल प्लास्टिकपासून बनवलेले आहे.

• महिलांसाठी आर्थिक समावेश वाढवणे आणि ग्रीन बँकिंग उपक्रमांना प्रोत्साहन देणे हे याचे उद्दिष्ट्य आहे.

राष्ट्रकुल क्रीडा महासंघाचे नविन नाव काय ? 

What is the new name of the Commonwealth Games Federation ? 

Subject : GS - खेळ, जागतिक संघटना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच राष्ट्रकुल क्रीडा महासंघाचे (Commonwealth Games Federation) ब्रँडिंगसाठीचे नवीन नाव काय आहे ? 

1. कॉमनवेल्थ यूनियन

2. कॉमनवेल्थ टीम

3. कॉमनवेल्थ स्पोर्ट

4. कॉमनवेल्थ ॲथलेटिक्स

उत्तर : कॉमनवेल्थ स्पोर्ट (Commonwealth Sport) 

राष्ट्रकुल क्रीडा महासंघा बद्दल परीक्षेसाठी IMP वनलाईनर पॉईंट्स : 

(Commonwealth Games Federation)

• कॉमनवेल्थ गेम्स फेडरेशन (CGF) ने घोषणा केली आहे की ते आता कॉमनवेल्थ स्पोर्ट (Commonwealth Sport) म्हणून ओळखले जाईल. 

• हा निर्णय 10 मार्च 2025 रोजी कॉमनवेल्थ दिनाच्या निमित्ताने अधिकृतपणे जाहीर करण्यात आला.

• या फेडरेशनचे कायदेशीर अस्तित्वाचे नाव कॉमनवेल्थ गेम्स फेडरेशन राहील, परंतु सार्वजनिक ओळख आणि ब्रँडिंग आता कॉमनवेल्थ स्पोर्टच्या नावाने असेल.

• संघटनेने निवेदनात असे म्हटले आहे की हे पाऊल केवळ क्रीडा स्पर्धांचे व्यवस्थापन करण्यापलीकडे संस्थेची ओळख मजबूत करण्याच्या व्यापक दृष्टिकोनाशी सुसंगत आहे.

• ब्रँडिंगमधील बदलाचा उद्देश क्रीडा महासंघापासून जागतिक क्रीडा चळवळीमध्ये संघटनेचे रूपांतर प्रतिबिंबित करणे आहे.

• नवीन नाव संघटनेनच्या खेळांद्वारे एकता, विकास आणि समावेशनाला चालना देण्याच्या भूमिकेवर भर देणारे आहे. 

कॉमनवेल्थ गेम्स फेडरेशन (Commonwealth Games Federation) म्हणजे काय ? 

कॉमनवेल्थ गेम्स फेडरेशनची स्थापना केव्हा करण्यात आली ? 

• कॉमनवेल्थ गेम्स फेडरेशन म्हणजे च राष्ट्रकुल क्रीडा महासंघ ही एक आंतरराष्ट्रीय क्रीडा संस्था आहे जी राष्ट्रकुल देशांमधील खेळाडूंसाठी दर 4 वर्षांनी राष्ट्रकुल क्रीडा (Commonwealth Games) आयोजित करते. 

कॉमनवेल्थ गेम्स फेडरेशन मुख्यालय कोठे आहे ? 

या संस्थेचे मुख्यालय इंग्लंड देशातील लंडन या शहरात आहे. 

पहिल्यांदा राष्ट्रकुल खेळ (कॉमनवेल्थ गेम्स) कधी आयोजित करण्यात आले होते ?  

(सरळसेवा भरती, महाराष्ट्र पोलीस भरती, SSC GD 2024) 

• पहिल्यांदा राष्ट्रकुल खेळ 1930 मध्ये झाले. 

• पहिली राष्ट्रकुल स्पर्धा कॅनडातील हॅमिल्टन येथे झाली.

• सुरुवातीला राष्ट्रकुल खेळ हे ब्रिटिश एम्पायर गेम्स म्हणून ओळखले जात असे.

प्रश्न) खालीलपैकी कोणत्या वर्षी भारताने राष्ट्रकुल क्रीडा स्पर्धांचे आयोजन केले होते ? 

(सरळसेवा भरती, SSC GD 2022) 

1. 2008

2. 2010

3. 2012

4. 2014

उत्तर : 2010

भारताच्या पहिल्या महिला केंद्रीय कायदा सचिव कोण ? 

India's first Woman Law Secretary

Subject : GS - नियुक्ती, राज्यशास्त्र

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच कायदेशीर व्यवहार विभागाच्या सचिवपदी पहिल्यांदा एका महिलेची नियुक्ती करण्यात आली आहे. तर त्या महिला कोण आहेत ?

1. अंजू राठी राणा

2. सुजाता सौनिक

3. रश्मी शुक्ला

4. नीना सिंग

उत्तर : अंजू राठी राणा (Dr. Anju Rathi Rana) 

IMP नोट : 

1. अंजू राठी राणा : भारताच्या पहिल्या महिला केंद्रीय कायदा सचिव

2. सुजाता सौनिक : महाराष्ट्राच्या पहिल्या महिला मुख्य सचिव

3. रश्मी शुक्ला : महाराष्ट्राच्या पहिल्या महिला पोलीस महासंचालक

4. नीना सिंग : केंद्रीय औद्योगिक सुरक्षा बल (CISF) च्या पहिल्या महिला महासंचालक

बातमी काय आहे ? 

• अलिकडेच डॉ. अंजू राठी राणा यांची कायदा आणि न्याय मंत्रालयाच्या कायदेशीर व्यवहार विभागाच्या सचिवपदी नियुक्ती झाली आहे.

• याबरोबरच डॉ. अंजू राठी राणा या कायदा आणि न्याय मंत्रालयाच्या कायदेशीर व्यवहार विभागाच्या पहिल्या महिला सचिव बनल्या आहेत.

• कायदा सचिव (Law Secretary) हे पद, ज्याला अधिकृतपणे कायदेशीर व्यवहार सचिव (Secretary, Legal Affairs) म्हणून ओळखले जाते.

• कायदेशीर बाबींच्या सचिव म्हणून, डॉ. अंजू राठी राणा देशाच्या कायदेशीर चौकटीचे निरीक्षण करतील, कायदेशीर बाबींवर सरकारला सल्ला देतील आणि कायदे तयार करण्यात आणि सुधारणांमध्ये मदत करतील.

डॉ. अंजू राठी राणा यांबद्दल परीक्षेसाठी IMP वनलाईनर पॉईंट्स : 

• डॉ. अंजू राठी राणा या भारतीय कायदेशीर सेवेच्या (Indian Legal Service) अधिकारी आहेत.

• त्यांनी 18 वर्षे दिल्ली सरकारमध्ये सरकारी वकील म्हणून काम केले.

• 2017 मध्ये, त्या कायदा मंत्रालयात संयुक्त सचिव म्हणून रुजू झाल्या.

• कायदा सचिव (Law Secretary) या पदावर नियुक्त होणाऱ्या त्या भारतातील पहिल्या महिला आहेत.

कायदा सचिव (Law Secretary) म्हणजे नेमकं काय ? 

• हे भारत सरकारच्या कायदा आणि न्याय मंत्रालयाच्या (Ministry of Law and Justice) अंतर्गत एक महत्त्वाचे पद आहे.

• त्याचे काम सरकारला कायदेशीर बाबींवर सल्ला देणे आहे.

• न्यायालयीन प्रक्रियेत सहकार्य करणे.

कायदा सचिव (Law Secretary) यांच्या जबाबदाऱ्या काय असतात ? 

• विविध धोरणे आणि घटनात्मक बाबींवर केंद्र सरकारला कायदेशीर सल्ला देणे.

• नवीन कायदे आणि सुधारणांसाठी कायदे तयार करण्याचे पर्यवेक्षण करणे.

• भारत सरकारशी संबंधित प्रकरणांमध्ये खटल्यांचे व्यवस्थापन पाहणे.

• राष्ट्रीय आणि आंतरराष्ट्रीय करारांचे कायदेशीर पालन सुनिश्चित करणे.

• प्रभावी प्रशासनासाठी न्यायपालिका, राज्य सरकारे आणि इतर कायदेशीर संस्थांशी समन्वय साधणे.

धूम्रपान निषेध दिन

No Smoking Day

Subject : GS - दिनविशेष, विज्ञान आणि तंत्रज्ञान - रोग आणि आजार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) 2025 या वर्षी धूम्रपान निषेध दिन केव्हा साजरी करण्यात आला ?

1. 1 मार्च

2. 12 मार्च

3. 26 मार्च

4. 2 एप्रिल

उत्तर : 12 मार्च

धूम्रपान निषेध दिन केव्हा साजरा केला जातो ? 

• दरवर्षी मार्च महिन्याच्या दुसऱ्या बुधवारी धूम्रपान निषेध दिन साजरा केला जातो. 

• 2025 या वर्षी धूम्रपान निषेध दिन 12 मार्च रोजी साजरा केला. 

धूम्रपान निषेध दिन का साजरी करतात ?

धूम्रपान निषेध दिनाचा मुख्य उद्देश कोणता ?

• या दिवसाचा मुख्य उद्देश धूम्रपान करणाऱ्यांना धूम्रपान सोडण्यास प्रोत्साहित करणे आणि तंबाखूच्या हानिकारक परिणामांबद्दल जागरूकता निर्माण करणे हा आहे.

• हा दिवस निरोगी जीवनशैली स्वीकारण्याची आणि तंबाखूच्या व्यसनापासून मुक्त होण्याची एक महत्त्वाची संधी प्रदान करतो.

• संशोधनातून असे दिसून आले आहे की या मोहिमेमुळे दहापैकी एका धूम्रपान करणाऱ्या व्यक्तीला यशस्वीरित्या धूम्रपान सोडण्यास मदत झाली आहे.

धूम्रपान निषेध दिन पहिल्यांदा कोठे आणि केव्हा साजरी करण्यात आला ?

धूम्रपान निषेध दिन ही जागरूकता मोहीम म्हणून पहिल्यांदा 1984 मध्ये युनायटेड किंग्डममध्ये सुरू करण्यात आली. 

धूम्रपानाचे दुष्परिणाम कोणते ? 

(Harmful Effects of Smoking)

• कर्करोग : धूम्रपानामुळे फुफ्फुसे, तोंड, घसा, मूत्रपिंड, मूत्राशय आणि इतर अवयवांचा कर्करोग होतो.

• हृदयरोग : धूम्रपानामुळे हृदयरोग, स्ट्रोक आणि उच्च रक्तदाबाचा धोका वाढतो.

• फुफ्फुसांचे आजार : क्रॉनिक ब्राँकायटिस आणि एम्फिसीमा सारखे फुफ्फुसांचे आजार होतात.

• इतर आरोग्य समस्या : धूम्रपानामुळे मधुमेह, ऑस्टियोपोरोसिस, वंध्यत्व आणि इतर आरोग्य समस्यांचा धोका देखील वाढतो.

धूम्रपान सोडणे शक्य आहे का ? 

हो

धूम्रपान सोडणे आव्हानात्मक असू शकते, परंतु धूम्रपान सोडणे शक्य आहे. 

• शारीरिक हालचाल (Physical Activity) : नियमित व्यायाम धूम्रपान करण्याची इच्छा कमी करण्यास मदत करू शकतो.

• सल्लामसलत (Counseling) : वैयक्तिक किंवा गट समुपदेशन प्रेरणा प्रदान करू शकते.

• औषधोपचार आणि थेरपी (Medication and Therapy) : निकोटीन रिप्लेसमेंट थेरपी (Nicotine Replacement Therapy) आणि इतर औषधे सोडण्यास मदत करू शकतात.

सरकारचे पाऊल : 

• भारत सरकारने तंबाखूच्या हानिकारक परिणामांबद्दल जागरूकता निर्माण करण्यासाठी अशा उत्पादकांवर धूम्रपानाच्या दुष्परिणामांबद्दल माहिती देणे बंधनकारक केले आहे. 

• त्याचप्रमाणे तेथे Helpline Number देणे बंधनकारक केले आहे. 

EY एंटरप्रेन्योर ऑफ द ईयर इंडिया पुरस्कार

EY Entrepreneur Of The Year India Award

Subject : GS - पुरस्कार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) EY एंटरप्रेन्योर ऑफ द ईयर इंडिया 2024 पुरस्कार कोणाला देण्यात आला ?

(SSC CHSL 2020, 2021 परीक्षेत 2019 चा पुरस्कार विचारला होता.)

1. अशनीर ग्रोवर

2. नितीन कामथ

3. रितेश अग्रवाल

4. विराट कोहली

उत्तर : नितीन कामथ (Nithin Kamath) 

बातमी काय आहे ? 

• अलिकडेच नितीन कामथ यांना "EY एंटरप्रेन्योर ऑफ द इयर 2024 इंडिया" पुरस्काराने सन्मानित करण्यात आले.

• जून 2025 मध्ये मोंटे कार्लो येथे होणाऱ्या EY वर्ल्ड एंटरप्रेन्योर ऑफ द इयर अवॉर्ड्समध्ये नितीन कामत भारताचे प्रतिनिधित्व करतील. 

नितीन कामथ कोण आहेत ? 

• नितीन कामथ हे ऑनलाइन स्टॉक ब्रोकिंग कंपनी जिरोधा लिमिटेडचे (Zerodha Limited) संस्थापक आणि मुख्य कार्यकारी अधिकारी (Founderand CEO) आहेत. 

• Zerodha कंपनी 2010 मध्ये स्थापन झाली. 

• Zerodha Limited ने उच्च वॉल्यूम, कमी मार्जिन मॉडेलद्वारे देशात डिस्काउंट ब्रोकरेज मॉडेलचा पाया रचला.

2024 च्या EY एंटरप्रेन्योर ऑफ द इयर 2024 इंडिया" जीवनगौरव पुरस्कार कोणाला देण्यात आला ?

• के.व्ही. कामथ, यांना जीवनगौरव पुरस्कार (Lifetime Achievement Award) देण्यात आला. 

• के.व्ही. कामथ हे जिओ फायनान्शियल सर्व्हिस लिमिटेडचे (Jio Financial Service Limited) स्वतंत्र संचालक आणि गैर-कार्यकारी अध्यक्ष (Independent Director and Non-executive Chairman ) 

2024 च्या EY एंटरप्रेन्योर ऑफ द इयर 2024 इंडिया" विशेष ज्युरी पुरस्कार (Special Jury Award)कोणाला देण्यात आला ?

भारतीय अंतराळ संशोधन संस्थेचे (ISRO) माजी अध्यक्ष डॉ. एस. सोमनाथ यांना Special Jury Award ने सन्मानित करण्यात आले. 

EY एंटरप्रेन्योर ऑफ द इयर इंडिया पुरस्काराबद्दल परीक्षेसाठी IMP वनलाईनर पॉईंट्स : 

• EY एंटरप्रेन्योर ऑफ द इयर इंडिया पुरस्कार हा भारतातील सर्वात प्रतिष्ठित व्यवसाय पुरस्कारांपैकी एक आहे.

• हा पुरस्कार लंडनमधील जागतिक ब्रिटिश सल्लागार कंपनी अर्न्स्ट अँड यंग ग्लोबल लिमिटेडच्या (Ernst & Young Global Limited) भारतीय उपकंपनीकडून दिला जातो.

• सल्लागार (consulting), हमी, कायदा, धोरण, कर आणि व्यवहार यांसारख्या सेवा (Services) ही कंपनी देते.

हवाई अनुभवी कल्याण केंद्र प्रकल्प म्हणजे काय ? 

Project HAKK

Subject : GS 

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) भारतीय हवाई दलातील माजी सैनिकांना पाठिंबा देण्यासाठी कोणत्या बँकेने हवाई अनुभवी कल्याण केंद्र प्रकल्प सुरू केला आहे ?

1. SBI Bank

2. ICICI Bank

3. HDFC Bank

4. Punjab National Bank

उत्तर : HDFC Bank

बातमी काय आहे ? 

HDFC बँकेने त्यांच्या परिवर्तन उपक्रमांतर्गत, हवाई अनुभवी कल्याण केंद्र प्रकल्प सुरू करण्यासाठी भारतीय हवाई दल (Indian Air Force) आणि CSC Academy सोबत सामंजस्य करार (Memorandum of Understanding) केला आहे.

हवाई अनुभवी कल्याण केंद्र प्रकल्प यासंदर्भात परीक्षेसाठी IMP वनलाईनर पॉईंट्स : 

• हा उपक्रम संरक्षण क्षेत्रातील निवृत्तीवेतनधारक, माजी सैनिक आणि त्यांच्या कुटुंबियांना आर्थिक सेवा, कौशल्य विकास आणि आर्थिक समावेशकता प्रदान करून पाठिंबा देण्यासाठी डिझाइन केला आहे.

• HDFC बँक, भारतीय हवाई दल आणि CSC ई-गव्हर्नन्स लिमिटेडच्या वरिष्ठ अधिकाऱ्यांच्या उपस्थितीत हा सामंजस्य करार करण्यात आला.

• HDFC बँक त्यांच्या परिवर्तन कार्यक्रमांतर्गत संरक्षण क्षेत्रातील माजी सैनिक आणि त्यांच्या जवळच्या नातेवाईकांसाठी आर्थिक समावेशकतेमध्ये सहभागी होईल.

• CSC ॲकडमी आर्थिक उत्पादने आणि सेवांमध्ये प्रशिक्षण आणि कौशल्य विकास प्रदान करेल.

• सुरुवातीला, नवी दिल्ली, बेंगळुरू, गुडगाव, पुणे, सिकंदराबाद, गुवाहाटी, जोधपूर, चंदीगड आणि इतर ठिकाणी हवाई दलाच्या तुकड्यांमध्ये 25 केंद्रे स्थापन केली जातील.

• या प्रकल्पा अंतर्गत 500 हून अधिक सरकार ते नागरिक (G2C : Government-to-Citizen) आणि व्यवसाय ते ग्राहक (B2C : Business-to-Customer) सेवांचा लाभ देण्यात येणार आहे. 

उदाहरणार्थ : 

• आधार सेवा

• राष्ट्रीय पेन्शन योजना

• पॅन कार्ड

• पासपोर्ट

• स्पर्श पेन्शन सेवांद्वारे पेन्शन सेटलमेंट आणि समर्थन

• बिल पेमेंट कलेक्शन इत्यादी. 

लोकनेते यशवंतराव चव्हाण जयंती 

Yashwantrao Chavan Birth Anniversary

आधुनिक महाराष्ट्राचे शिल्पकार यशवंतराव चव्हाण यांना जयंती दिनी विनम्र अभिवादन 🙏💐💐

Subject : GS - दिनविशेष, व्यक्ती, महाराष्ट्राचा इतिहास  

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) यशवंतराव चव्हाण यांनी खालीलपैकी कोणते पुस्तक लिहिले आहे ? 

(सरळसेवा भरती, महाराष्ट्र पोलीस भरती, मुंबई पोलीस भरती 2017)

1. सह्याद्रीचे वारे

2. ऋणानुबंध 

3. कृष्णाकाठ

4. वरील पैकी सर्व

उत्तर : वरील पैकी सर्व

महाराष्ट्राचे पहिले मुख्यमंत्री यशवंतराव चव्हाण यांबद्दल महत्त्वाची माहिती : 

• यशवंतराव चव्हाण हे स्वातंत्र्यसैनिक, सहकारी नेते आणि समाजसेवक होते.

• 'सामान्य माणसाचा नेता' (लोकनेते) म्हणून ते लोकांमध्ये लोकप्रिय होते.

जन्म आणि शिक्षण : 

• यशवंतराव चव्हाण यांचा जन्म 12 मार्च 1914 रोजी सातारा जिल्ह्यातील देवराष्ट्रे गावी एका सामान्य शेतकरी कुटुंबात झाला. 

• त्यांचे प्राथमिक शिक्षण कराड येथे झाले,

• तर उच्च शिक्षण त्यांनी कोल्हापूर व पुणे येथे घेतले.

• त्यांनी पुणे येथून कायद्याची पदवी घेतली. 

भारतीय स्वातंत्र्य लढ्यातील योगदान : 

• 1932 च्या सविनय कायदेभंगाच्या आंदोलनादरम्यान ब्रिटीश पोलिसांनी त्यांना अटक केली. 

• 1942 च्या भारत छोडो आंदोलनात यशवंतराव चव्हाण सामील झाले. 

• सातारा जिल्ह्यातील भूमिगत चळवळीत त्यांनी महत्त्वाची कामगिरी बजावली.

• भूमिगत राहून सातारा चळवळीला मदत करताना ब्रिटीश पोलिसांनी त्यांना पुन्हा पकडले.

यशवंतराव चव्हाण यांची राजकीय कारकीर्द : 

• यशवंतराव चव्हाण हे महाराष्ट्राचे पहिले मुख्यमंत्री होते.

• यशवंतराव चव्हाण हे 28 जुलै 1979 ते 14 जानेवारी 1980 या काळात भारताचे उपपंतप्रधान ही होते.

• त्याचबरोबर त्यांनी केंद्र सरकारमध्ये अनेक महत्त्वाचे पदे भूषविली.

मृत्यू :

• 25 नोव्हेंबर 1984 रोजी यशवंतराव चव्हाण यांचे दिल्लीत निधन झाले.

• यशवंतराव चव्हाण यांचे समाधीस्थळ कराड येथे, कृष्णा-कोयना नदीच्या प्रीतीसंगम या ठिकाणी आहे. 

यशवंतराव चव्हाण यांनी लिहिलेली पुस्तके :  

• सह्याद्रीचे वारे

• ऋणानुबंध 

• कृष्णाकाठ

• भूमिका