शहीद दिवस : 23 मार्च 

Shaheed Diwas 

भारत मातेचे थोर सुपुत्र, स्वातंत्र्यसैनिक भगतसिंग, सुखदेव आणि राजगुरू यांना पुण्यतिथी दिनी विनम्र आदरांजली 🙏💐💐

Subject : GS - दिनविशेष, इतिहास - आधुनिक भारताचा इतिहास, क्रांतीकारक

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) स्वातंत्र्यसैनिक भगतसिंग, राजगुरू आणि सुखदेव यांना ------- रोजी फाशी देण्यात आली.

(सरळसेवा भरती, महाराष्ट्र पोलीस भरती, SSC MTS 2022,2023) 

1. 25 मार्च 1932

2. 23 मे 1931

3. 23 मार्च 1931

4. 21 एप्रिल 1930

उत्तर : 23 मार्च 1931

शहीद-ए-आझम भगतसिंग : 

• जन्म : भगतसिंग यांचा जन्म 28 सप्टेंबर 1907 रोजी ब्रिटिश भारतात बंगा, पंजाब, (आता पाकिस्तानमध्ये) येथे एका शीख कुटुंबात झाला. 

• भगतसिंग यांचे वडील किशन सिंग आणि काका अजित सिंग हे स्वातंत्र्यसैनिक होते. 

• 1919 मध्ये झालेल्या जालियनवाला बाग हत्याकांडामुळे भगतसिंग यांच्या मनावर खोलवर परिणाम झाला. 

• वयाच्या 12 व्या वर्षी भारताच्या स्वातंत्र्यासाठी लढण्याची त्यांनी शपथ घेतली.

• स्वातंत्र्य लढ्यासाठी तरुणांना एकत्रित करण्यासाठी 1926 मध्ये भगतसिंग यांनी नौजवान भारत सभेची स्थापना केली.

• भगतसिंग यांना प्रेमाने शहीद-ए-आझम (अर्थ : महान शहीद) म्हणून ओळखले जाते.  

हुतात्मा शिवराम हरी राजगुरू : 

• हुतात्मा शिवराम हरी राजगुरू हे भारतीय स्वातंत्र्य चळवळीतील एक सशस्त्र क्रांतिकारक होते. 

• जन्म : 24 ॲागस्ट 1908 रोजी पुणे जिल्ह्यातील खेड या गावी एका मध्यमवर्गीय घरात त्यांचा जन्म झाला.

• (त्यांच्या स्मरणार्थ खेड या गावचे राजगुरुनगर असे नामकरण करण्यात आले.)

• पुढे हिंदुस्थान सोशलिस्ट रिपब्लिकन आर्मी सुरू झाल्यावर ते या क्रांतिसैन्याचे सैनिक बनले.

• संस्कृत व मराठीबरोबरच इंग्रजी, कन्नड, मलयाळम्, हिंदी व उर्दू या भाषाही त्यांना चांगल्या अवगत होत्या.

• त्यांचा बंदुकीचा नेम अचूक होता. त्यांना हिंदुस्थान सोशालिस्ट रिपब्लिकन असोसिएशनचा (HSRA) " गनमॅन " म्हटले जात.

हुतात्मा सुखदेव थापर : 

• जन्म : सुखदेव थापर यांचा जन्म 15 मे 1907 रोजी पंजाबमधील लुधियाना येथे झाला. 

• स्वातंत्र्यलढ्यातील तरुण भरतीसाठी त्यांनी प्रशिक्षण शिबिरेही आयोजित केली.

• त्यांनी तरुणांना एकत्र जमविण्यास सुरुवात केली. 

• ते हिंदुस्तान सोशालिस्ट रिपब्लिकन असोसिएशन (HSRA) चे सदस्य होते. 

• त्यांनी ‘ हिंदुस्थान रिपब्लिकन असोसिएशन ‘च्या वाङ्‌मयाचा तरुणांत प्रचार केला. 

• जे.पी. सॉन्डर्स यांच्या हत्येची अंमलबजावणी आणि नियोजन करण्यात त्यांनी महत्त्वाची भूमिका बजावली. 

• त्यांनी कैद्यांना होणाऱ्या अमानुष वागणुकीच्या निषेधार्थ 1929 च्या तुरुंग उपोषणात भाग घेतला.

अटक, खटला आणि फाशी : 

• पोलिसांच्या लाठीहल्ल्यात लाला लजपत राय यांचा मृत्यू झाला. त्यांच्या मृत्यूचा बदला म्हणून 1928 मध्ये (लाहोर कट प्रकरण) पोलिस अधिकारी जे. पी. साँडर्स याला भगतसिंग, राजगुरू आणि आझाद यांनी गोळ्या घालून ठार केले.

• 18 एप्रिल 1929 रोजी, दडपशाही ब्रिटीश कायद्यांचा निषेध करण्यासाठी भगतसिंग आणि बटुकेश्वर दत्त यांनी दिल्लीत केंद्रीय विधानसभेत बॉम्ब फेकला आणि ते स्वतः हून अटक झाले.

• नंतर लाहोर कट प्रकरणात खुनाचा आरोप त्यांच्यावर ठेवण्यात आला. 

• त्यांच्यावर खटला चालवण्यात आला, त्यांना दोषी ठरवण्यात आले.

• भगतसिंग, राजगुरू आणि सुखदेव यांना फाशीची शिक्षा सुनावण्यात आली. 

• 23 मार्च 1931 रोजी लाहोर येथे भगतसिंग, राजगुरू आणि सुखदेव यांना फाशी देण्यात आली.

• दरवर्षी 23 मार्च हा दिवस स्वातंत्र्यसैनिक भगतसिंग, सुखदेव आणि राजगुरू यांना श्रद्धांजली म्हणून शहीद दिन म्हणून पाळला जातो.

जागतिक हवामान दिन

World Meteorological Day

Subject : GS - दिनविशेष, पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) जागतिक हवामान दिना बद्दल योग्य विधान/ विधाने असलेला पर्याय निवडा.

अ) 23 मार्च हा दिवस 'जागतिक हवामान दिन' म्हणून साजरा केला जातो.

ब) " क्लोज़िंग द अर्ली वार्निंग गैप टुगेदर " ही या दिनासाठी 2025 ची संकल्पना आहे.

पर्याय :

1. फक्त अ बरोबर

2. फक्त ब बरोबर 

3. अ आणि ब दोन्ही बरोबर

4. अ आणि ब दोन्ही चूक 

उत्तर : अ आणि ब दोन्ही बरोबर

जागतिक हवामान दिन केव्हा आणि का साजरी करतात ? 

• जगभरात 23 मार्च हा दिवस 'जागतिक हवामान दिन' म्हणून साजरा केला जातो. 

• हवामानातील अनपेक्षित बदलांमुळे मानवी साधनसंपत्तीचे तसेच इतर प्राणी - पक्ष्यांचेही नुकसान होते. 

• हा दिवस लोकांना हवामान आणि हवामानाबद्दल शिक्षित करण्याची आणि हवामानविषयक धोक्यांबद्दल जागरूक करण्याची संधी प्रदान करतो. 

• हा दिवस लोकांना पृथ्वीच्या वातावरणाचे रक्षण करण्यात त्यांच्या भूमिकेबद्दल जागरूक करण्यासाठी देखील पाळला जातो.

• त्याचबरोबर राष्ट्रीय हवामान आणि जलविज्ञान सेवांचे समाजाच्या सुरक्षिततेसाठी आणि कल्याणासाठी आवश्यक योगदान महत्व हा दिवस अधोरेखित करतो.

23 मार्च हा दिवस जागतिक हवामान दिन म्हणून का साजरा करतात ? 

• 23 मार्च 1950 रोजी जागतिक हवामान संस्था (World Meteorological Organization) ची स्थापना करण्यात आली. 

• जागतिक हवामान संघटनेच्या स्थापनेच्या स्मरणार्थ 23 मार्च हा दिवस जागतिक हवामान दिन म्हणून साजरा करतात. 

पहिला जागतिक हवामान दिन केव्हा साजरी करण्यात आला ? 

जागतिक हवामान दिन पहिल्यांदा 23 मार्च 1961 रोजी साजरा करण्यात आला.

जागतिक हवामान दिन 2025 ची संकल्पना (थीम) काय आहे ? 

• " क्लोज़िंग द अर्ली वार्निंग गैप टुगेदर " (Closing the early warning gap together) ही जागतिक हवामान दिन 2025 ची संकल्पना आहे. 

• पूर, चक्रीवादळ, उष्णतेच्या लाटा यांसारख्या नैसर्गिक आपत्तींचा चांगला अंदाज घेण्यासाठी आणि त्यांना प्रतिसाद देण्यासाठी पूर्वसूचना प्रणाली (early warning systems) सुधारण्यासाठी जागतिक सहकार्याचे महत्त्व या थीममध्ये अधोरेखित केले आहे.

जागतिक हवामान संस्था (World Meteorological Organization) बद्दल परीक्षेसाठी IMP वनलाईनर पॉईंट्स : 

• जागतिक हवामान संस्थेची (WMO) ची निर्मिती आंतरराष्ट्रीय हवामान संघटना (IMO) पासून झाली.

• 23 मार्च 1950 रोजी जागतिक हवामान संस्थेची स्थापना करण्यात आली.

• WMO ही संयुक्त राष्ट्रांची (United Nations ) विशेष एजन्सी आहे. 

• WMO हवामानशास्त्र (हवामान आणि हवामान), ऑपरेशनल हायड्रोलॉजी आणि संबंधित भूभौतिकीय विज्ञाना संदर्भात काम करते. 

• मुख्यालय (Headquarters) : जागतिक हवामान संस्थेचे मुख्यालय स्विझरलँड देशात जिनिव्हा (Geneva) शहरात आहे. 

• भारत हा जागतिक हवामान संस्थेचा (WMO) सदस्य आहे.

महाराष्ट्र भूषण पुरस्कार

Maharashtra Bhushan Award

Subject : GS - पुरस्कार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच 2024 चा महाराष्ट्र भूषण पुरस्कार श्री राम सुतार यांना देण्यात येणार असल्याची घोषणा करण्यात आली, ते खालील पैकी कोणत्या क्षेत्राशी संबंधित आहे ? 

1. संगीत

2. चित्रकला

3. क्रिडा

4. शिल्पकला

उत्तर : शिल्पकला (Sculpture)

बातमी काय आहे ? 

अलिकडेच, महाराष्ट्र राज्याचा 2024 चा महाराष्ट्र भूषण हा सर्वोच्च नागरी पुरस्कार ज्येष्ठ शिल्पकार राम सुतार यांना देण्यात येणार असल्याची घोषणा मुख्यमंत्री देवेंद्र फडणवीस यांनी विधानसभेत केली.

शिल्पकार राम सुतार यांबद्दल परीक्षेसाठी IMP वनलाईनर पॉईंट्स : 

• शिल्पकार राम सुतार यांचा जन्म धुळे जिल्ह्यातील गोंदूर या गावी 19 फेब्रुवारी 1925 मध्ये झाला.

• मुंबईतील जे. जे स्कूल ऑफ आर्टमधून त्यांनी त्याचं शिक्षण पूर्ण केलं. 

शिल्पकार राम सुतार यांनी बनवलेल्या (डिझाइन केलेल्या) काही प्रसिद्ध मूर्ती :

• स्टॅच्यू ऑफ युनिटी : (सरदार पटेल यांचा पुतळा, 182 मीटर, गुजरात) जगातील सर्वात उंच पुतळा

• महात्मा गांधींचा प्रतिष्ठित पुतळा : भारतीय संसदेसह 450+ शहरांमध्ये

• केम्पेगौडा पुतळा : 108 फूट उंच, बेंगळुरू विमानतळ

• अयोध्या राम मंदिर : भगवान राम मूर्ती डिझाइनिंग, अयोध्या

• बाबासाहेब आंबेडकरांचा पुतळा : इंदू मिल, मुंबई

• चंबळ देवी मूर्ती : 45 फूट उंच पुतळा, मध्य प्रदेशातील, गंगासागर धरण येथे  

• कृष्ण-अर्जुन रथ : कुरुक्षेत्राच्या ब्रह्मसरोवरात असलेला कृष्ण-अर्जुन रथ डिझाइन

शिल्पकार राम सुतार यांना मिळालेले प्रमुख पुरस्कार आणि सन्मान : 

• पद्मश्री पुरस्कार (1999)

• टागोर पुरस्कार (2016)

• पद्मभूषण पुरस्कार (2018)

• महाराष्ट्र भूषण पुरस्कार (2024)

महाराष्ट्र भूषण पुरस्कारा बद्दल परीक्षेसाठी IMP वनलाईनर पॉईंट्स : 

• महाराष्ट्र भूषण पुरस्कार हा महाराष्ट्र शासनाकडून देण्यात येणारा राज्याचा सर्वोच्च नागरी पुरस्कार आहे. 

• 1995 मध्ये महाराष्ट्र भूषण पुरस्काराची स्थापना करण्यात आली. 

• 25 लाख रुपये, मानपत्र, मानचिन्ह, आणि शाल असे या पुरस्काराचे सध्याचे स्वरूप आहे.

• महाराष्ट्र भूषण पुरस्कार आरोग्यसेवा, उद्योग, कला, क्रीडा, पत्रकारिता, लोकप्रशासन, विज्ञान आणि समाजसेवा या क्षेत्रांत केलेल्या विशेष योगदानासाठी दिला जातो. 

पहिला महाराष्ट्र भूषण पुरस्कार कोणाला देण्यात आला ? 

पहिला महाराष्ट्र भूषण पुरस्कार 1996 मध्ये लोकप्रिय साहित्यिक पु.ल. देशपांडे यांना देण्यात आला. 

सांस्कृतिक संपदा करार

Cultural Property Agreement

Subject : GS - सरकारी योजना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच मार्च 2025 मध्ये भारतीय पुरातन वस्तूंची तस्करी रोखण्यासाठी भारताने खालील पैकी कोणत्या देशाशी सांस्कृतिक संपदा करार केला ? 

1. अमेरिका

2. चीन

3. मलेशिया

4. रशिया

उत्तर : अमेरिका

सांस्कृतिक संपदा करारा बद्दल परीक्षेसाठी IMP वनलाईनर पॉईंट्स : 

• भारतीय पुरातन वस्तूंची तस्करी रोखण्यासाठी भारत-अमेरिका यांच्यात सांस्कृतिक संपदा करार (Cultural Property Agreement) झाला.

• प्रतिबंधात्मक स्वरूपाचा करार असल्यामुळे कोणतीही कालमर्यादा किंवा लक्ष्यीत संख्या निर्धारित केलेली नाही.

सांस्कृतिक संपदा करार म्हणजे काय ? | What is the meaning of Cultural Property Agreement ?  

• सांस्कृतिक संपदा करारामध्ये तांत्रिक सहाय्य, अवैध व्यापार आणि सांस्कृतिक मालमत्तेची लूट या प्रकरणांमध्ये सहकार्य आणि परस्पर सामंजस्याला चालना देण्याची तरतूद आहे.

• या करारानुसार अमेरिकन सरकारने जप्त केलेल्या नियुक्त यादीत समाविष्ट असलेल्या कोणत्याही वस्तू किंवा साहित्य अमेरिका भारताला परत करेल. 

• आतापर्यंत, अमेरिकेतून 588 प्राचीन वस्तू परत आणण्यात आल्या आहेत, त्यापैकी 297 वस्तू 2024 मध्ये मिळाल्या आहेत.

सांस्कृतिक संपदा करार महत्त्वाचा का आहे ?

• सांस्कृतिक मालमत्तेची बेकायदेशीर तस्करी ही एक दीर्घकालीन समस्या आहे ज्याने इतिहासात अनेक संस्कृती आणि देशांना प्रभावित केले आहे.

• हा करार सांस्कृतिक मालमत्तेची बेकायदेशीर तस्करी रोखतो आणि पुरातन वस्तू त्यांच्या मूळ ठिकाणी परत आणण्यास मदत करतो.

• 1970 च्या युनेस्को कन्व्हेन्शनला मान्यता देण्यापूर्वी भारतातून मोठ्या प्रमाणात पुरातन वस्तूंची तस्करी करण्यात आली होती आणि त्या वस्तू आता जगभरातील विविध संग्रहालये, संस्था आणि खाजगी संग्रहांमध्ये ठेवण्यात आली आहेत.

• भारताला आणि भारतीयांना त्यांचे हक्काचे असलेले परत करण्यात हा करार महत्त्वाचा आहे.

मानवी कोरोनाव्हायरस HKU1 | Human Coronavirus HKU1

Subject : GS - विज्ञान आणि तंत्रज्ञान - रोग आणि आजार

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलीकडेच कोलकाता येथील एका महिलेला मानवी कोरोना विषाणू HKU1 (HCoV-HKU1) असल्याचे निदान झाले. मानवी कोरोना विषाणू HKU1 बद्दल योग्य विधान विधाने असलेला पर्याय निवडा. 

अ) हा कोरोनाव्हायरसचा मानवांना आणि प्राण्यांनाही होऊ शकतो.

ब) HKU1 पहिल्यांदा 2004 मध्ये हाँगकाँग येथे शोधला. 

क) HKU1 आणि COVID-19 सारखेच आहे.

पर्याय : 

1. फक्त अ योग्य

2. फक्त अ आणि ब योग्य

3. फक्त ब आणि क योग्य

4. अ, ब आणि क योग्य

उत्तर : फक्त अ आणि ब योग्य

• क) हे विधान चुकीचे आहे. 

• HKU1 आणि COVID-19 सारखे नाही.

बातमी काय आहे ?

कोलकाता येथील एका महिलेला मानवी कोरोना विषाणू HKU1 (HCoV-HKU1) असल्याचे निदान झाले आहे. 

मानवी कोरोना म्हणजे काय ? 

मानवी कोरोनाव्हायरस हे RNA विषाणूंचा एक गट आहे जे मानवांमध्ये श्वसनमार्गाचे संक्रमण (Respiratory Tract Infections) करतात, ज्यामध्ये सौम्य सर्दीपासून ते SARS, MERS आणि COVID-19 सारख्या गंभीर आजारांचा समावेश आहे.

मानवी कोरोनाव्हायरस सामान्य 4 प्रकार कोणते ? 

229E, NL63, OC43, आणि HKU1 हे मानवी कोरोनाव्हायरसचे सामान्य 4 प्रकार आहे.

मानवी कोरोनाव्हायरस HKU1 बद्दल परीक्षेसाठी IMP वनलाईनर पॉईंट्स : 

• मानवी कोरोनाव्हायरस HKU1 ला बीटाकोरोनाव्हायरस हॉंगकोनेन्स (Betacoronavirus Hongkonense) असेही म्हणतात. 

• हा कोरोनाव्हायरसचा एक प्रकार आहे जो मानवांना आणि प्राण्यांनाही होऊ शकतो.

• मानवी कोरोनाव्हायरस HKU1 (हाँगकाँग विद्यापीठ) पहिल्यांदा 2004 मध्ये सापडला.

• मानवी कोरोनाव्हायरसची ओळख पहिल्यांदा 2004 मध्ये हाँगकाँग विद्यापीठातील संशोधकांनी पटवली होती, त्यामुळेच त्याला हे नाव मिळाले.

• मानवी कोरोनाव्हायरससाठी कोणतीही लस किंवा विशिष्ट उपचार नाही. 

• बहुतेक संक्रमित व्यक्ती स्वतःहून बरे होतात.

HKU1 ची लक्षणे कोणती ? 

• HKU1 मध्ये, लक्षणे सहसा सौम्य असतात. तथापि, काही प्रकरणांमध्ये, विशेषतः उपचार न केल्यास, मानवी कोरोनाव्हायरसमुळे ब्रॉन्कायओलायटिस आणि न्यूमोनिया होऊ शकतो.

HKU1 आणि COVID-19 सारखेच आहे का ?

• नाही, HKU1 हा COVID-19 पेक्षा वेगळा आहे.

• HKU1 हा एक सामान्य सर्दी-कारक कोरोनाव्हायरस आहे.

• तर COVID-19 हा SARS-CoV-2 मुळे होतो. 

• COVID-19 हा एक नवीन कोरोना विषाणू आहे जो श्वसनाचे गंभीर आजार निर्माण करू शकतो. 

जागतिक जल दिन | World Water Day

Subject : GS - दिनविशेष, पर्यावरण

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) दरवर्षी जागतिक जल दिन कधी साजरा केला जातो ? 

1. 31 मार्च

2. 22 मार्च

3. 8 मार्च

4. 1 मार्च

उत्तर : 22 मार्च

दरवर्षी 22 मार्च रोजी जागतिक जल दिन साजरा केला जातो. 

जागतिक जल दिन का साजरी करतात ? 

• जागतिक जल दिन गोड्या पाण्याच्या महत्त्वावर लक्ष केंद्रित करण्यासाठी 

• गोड्या पाण्याच्या संसाधनांच्या संवर्धनासाठी आणि शाश्वत व्यवस्थापनासाठी 

• तसेच त्यासंदर्भात जनजागृती करण्यासाठी दरवर्षी जगभरात साजरा केला जातो. 

• हा दिवस शाश्वत विकास ध्येय (SDG) 6 : 2030 पर्यंत सर्वांसाठी पाणी आणि स्वच्छता याच्या समर्थनार्थ जागतिक जलसंकटाचा सामना करण्यासाठी कृती करण्याबद्दल प्रोत्साहित करतो.

राष्ट्रीय जल दिन कोणी घोषित केला ? 

Who declared National Water Day ? 

• जागतिक जल दिनाची कल्पना पहिल्यांदा 1992 मध्ये रिओ दि जानेरो (Rio de Janeiro) येथे झालेल्या संयुक्त राष्ट्रांच्या पर्यावरण आणि विकास परिषदेत (United Nations Conference on Environment and Development) मांडण्यात आली होती.

• संयुक्त राष्ट्रांच्या महासभेने (United Nations General Assembly ) 22 मार्च हा दिवस जागतिक जल दिन म्हणून घोषित केला.

पहिला जागतिक जल दिन केव्हा साजरी करण्यात आला ? 

पहिला जागतिक जल दिन 22 मार्च 1993 रोजी साजरी करण्यात आला. 

जागतिक जल दिन 2025 ची संकल्पना (थीम) काय आहे ? 

What is the theme of World Water Day 2025?

• 2025 च्या जागतिक जल दिनाची संकल्पना "हिमनदी संवर्धन" (Glacier Preservation) ही आहे. 

• 2025 ची संकल्पना जीवन आणि जलचक्र टिकवून ठेवण्यात हिमनद्यांची महत्त्वाची भूमिका अधोरेखित करते.

हिमनद्या संवर्धन महत्त्वाचे का आहे ? 

• पृथ्वीवरील 70% गोड्या पाण्याचे साठे हिमनद्यांमध्ये साठवले जातात.

• हिमनद्या नैसर्गिक गोड्या पाण्याचे साठे म्हणून काम करतात. 

• पिण्याच्या पाण्याचा पुरवठा, शेती, उद्योग आणि निरोगी परिसंस्थांसाठी हिमनदी महत्त्वाची आहे. 

• वाढत्या जागतिक तापमानामुळे, हिमालय, अँडीज, आल्प्स आणि आर्क्टिक सारख्या भागातील हिमनद्या धोकादायक दराने आकुंचन पावत आहेत.

• 2025 च्या जागतिक जल दिनाचे उद्दिष्ट हरितगृह वायू उत्सर्जन कमी करणे, शाश्वत पाणी व्यवस्थापन पद्धती लागू करणे आणि हिमनद्या आणि त्यांनी प्रदान केलेल्या गोड्या पाण्याच्या साठ्यांचे संरक्षण करण्यासाठी आंतरराष्ट्रीय सहकार्याला प्रोत्साहन देणे हे आहे.

नामरुप IV खत कारखान्याची उभारणी करायला केंद्रीय मंत्रिमंडळाची मंजुरी

Cabinet approves setting up of Namrup IV Fertilizer Plant

Subject : GS - सरकारी योजना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) अलिकडेच नामरुप IV खत कारखान्याची उभारणी करायला केंद्रीय मंत्रिमंडळाची मंजुरी दिली हा प्रकल्प कोणत्या राज्यात उभारण्यात येणार आहे ?

1. पंजाब

2. महाराष्ट्र

3. तामिळनाडू

4. आसाम 

उत्तर : आसाम

बातमी काय आहे ?

पंतप्रधान नरेंद्र मोदी यांच्या अध्यक्षतेखाली झालेल्या बैठकीत केंद्रीय मंत्रिमंडळाने एका नव्या ब्राऊनफिल्ड अमोनिया-युरिया कॉम्प्लेक्स उभारणी ला मंजुरी दिली. 

नामरुप IV खत कारखान्या बद्दल परीक्षेसाठी IMP वनलाईनर पॉईंट्स : 

• आसामच्या नामरुप या ठिकाणी ब्रह्मपुत्रा व्हॅली फर्टिलायझर कॉर्पोरेशन लिमिटेड संकुलात युरियाचे वार्षिक 12.7 लाख मेट्रिक टन इतकी उत्पादनक्षमता असलेल्या एका नव्या ब्राऊनफिल्ड अमोनिया-युरिया प्रकलपाची उभारणी करण्यात येणार आहे. 

• या प्रकल्पाच्या माध्यमातून अंदाजे 10,601.40 कोटी रुपये खर्च अपेक्षित आहे. 

• नामरुप- IV प्रकल्पाच्या पूर्ण करण्यासाठी एकूण 48 महिने कालावधी देण्यात आला आहे.

• नामरूप-IV युनिटची स्थापना अधिक ऊर्जा कार्यक्षम (Energy Efficient) असेल. 

या प्रस्तावित संयुक्त प्रकल्पात, समभागाची (Equity) विभागणी खालीलप्रमाणे असेल : 

नामरुप IV खत कारखान्या प्रकल्पामुळे कोणते फायदे होतील ? 

• या प्रकल्पामुळे देशातील विशेषतः ईशान्य भागात युरिया उत्पादन क्षमता वाढेल. 

• यामुळे ईशान्येकडील राज्यांतील आणि, बिहार, पश्चिम बंगाल, पूर्व उत्तर प्रदेश आणि झारखंडमधील युरिया खतांच्या वाढत्या मागणीची पूर्तता होईल.

• यामुळे या भागातील जनतेसाठी रोजगाराच्या प्रत्यक्ष आणि अप्रत्यक्ष संधी खुल्या होतील. 

• त्याबरोबरच युरिया उत्पादनात देशाला स्वयंपूर्ण करण्याचे स्वप्न साकार करण्यासाठी देखील त्याची मदत होईल

14th Meeting of ADMM-Plus Experts Working Group on Counter-Terrorism | 14वी दहशतवादविरोधी ADMM-plus बैठक

Subject : GS - आंतरराष्ट्रीय संघटना

सरळसेवा, रेल्वे, तलाठी, वनरक्षक, पोलीस भरती, अग्निवीर , SSC GD, MPSC, UPSC परीक्षेसाठी विचारलेले / संभाव्य महत्त्वपूर्ण प्रश्न

प्रश्न) नुकतीच नवी दिल्ली येथे आसियान देशातील संरक्षण मंत्र्यांची 14 वी बैठक पार पडली. या बैठकीचे सह अध्यक्ष देश कोणते ?

1. भारत व मलेशिया

2. भारत व अमेरिका

3. भारत व सिंगापूर

4. भारत व म्यानमार

उत्तर : भारत व मलेशिया

बातमी काय आहे ? 

• आसियान देशातील संरक्षण मंत्र्यांची (एडीएमएम-प्लस) दहशतवादविरोधी तज्ञ कार्यगटाची (EWG on CT) 14 वी बैठक 19 ते 20 मार्च 2025 दरम्यान नवी दिल्ली येथे आयोजित करण्यात आली. 

• भारत व मलेशिया या बैठकीचे सह अध्यक्ष होते. 

• आसियान सचिवालय, आसियान देश आणि एडीएमएम-प्लस सदस्य देश यांच्या प्रतिनिधींनी या बैठकीत भाग घेतला.

14 वी दहशतवादविरोधी ADMM-plus तज्ञ कार्यगटाची बैठकी संदर्भात परीक्षेसाठी IMP वनलाईनर पॉईंट्स : 

• भारताने चालू वर्षासाठी पहिली दहशतवादविरोधी तज्ञ कार्यगटाची बैठक आयोजित केली .

• दोन दिवसांच्या या बैठकीत, दहशतवाद आणि उग्रवादाच्या वाढत्या धोक्याला तोंड देण्यासाठी एक मजबूत आणि व्यापक रणनीती विकसित करण्यावर लक्ष केंद्रित करण्यासाठी चर्चा करण्यात आली. 

• आसियान देशांच्या संरक्षण दलांचे आणि त्यांच्या संवाद भागीदारांचे प्रत्यक्ष अनुभव सामायिक करणे हे या बैठकीचे उद्दिष्ट होते. 

• या बैठकीत चालू वर्षासाठी नियोजित उपक्रम/बैठका/कार्यशाळांचा पाया रचण्यात आला.

• या बैठकीत, भारत आणि मलेशियाच्या सह-अध्यक्षांनी 2024-2027 या कालावधीच्या नियोजित उपक्रमांसाठी कार्य-योजना सादर केली. 

• 2026 मध्ये मलेशियामध्ये दहशतवादविरोधी तज्ञ कार्यगटाची, टॉप चर्चा/विचार विनिमय आणि 

• 2027 मध्ये भारतात फील्ड प्रशिक्षण सत्र आयोजित करण्याची घोषणा या दोन देशांनी केली.  

एडीएमएम-प्लस (ADMM-Plus) म्हणजे काय ? 

• ADMM-Plus चा फूल फॅार्म ASEAN Defence Ministers’ Meeting-Plus असा आहे. 

• एडीएमएम-प्लस ही 10 आसियान (ASEAN) देशांच्या आणि 8 संवाद भागीदार देशांच्या संरक्षण मंत्र्यांची संघटना आहे.

आसियान संघटने मध्ये किती देश आहे ? आणि कोणते ?

• आसियान संघटनेमध्ये 10 देश आहे.

• ब्रुनेई, कंबोडिया, इंडोनेशिया, लाओस, मलेशिया, म्यानमार, फिलीपिन्स, सिंगापूर, थायलंड आणि व्हिएतनाम.

एडीएमएम-प्लस (ADMM-Plus) संघटनेतील 8 संवाद भागीदार देश कोणते ? 

भारत, चीन, जपान, कोरिया प्रजासत्ताक, ऑस्ट्रेलिया, न्यू झीलंड, अमेरिका, रशिया

आसियान म्हणजे काय ?  | What is ASEAN ? 

• ASEAN म्हणजे Association of Southeast Asian Nations.

• आग्नेय आशियाई राष्ट्रांची संघटना (ASEAN) हा एक प्रादेशिक गट आहे.

• आसियान ही आग्नेय आशियामधील 10 स्वतंत्र देशांची एक राजकीय व आर्थिक संघटना आहे.

• स्थापना : आसियानची स्थापना 8 ऑगस्ट 1967 रोजी गेली.

• या संघटनेचा उद्देश त्यांच्या सदस्य देशांमध्ये आर्थिक आणि सुरक्षा सहकार्याला प्रोत्साहन देणे हे आहे.