जागतिक वन्यजीव दिन : 3 मार्च 

World Wildlife Day 

दर वर्षी 3 मार्च रोजी संयुक्त राष्ट्र जागतिक वन्यजीव दिन साजरी केला जातो.

जागतिक वन्यजीव दिन का आणि केव्हा साजरी करतात ?

• अस्तित्व धोक्यात असलेल्या वनस्पती आणि प्राण्यांबद्दल जागरूकता निर्माण करण्यासाठी 2013 पासून दरवर्षी 3 मार्चला जागतिक वन्यजीव दिन साजरा करतात.

• 20 डिसेंबर २०१३ रोजी संयुक्त राष्ट्र महासभेने आपल्या 68 व्या अधिवेशनात वन्य प्राणी आणि वनस्पतींच्या लुप्तप्राय प्रजातींच्या आंतरराष्ट्रीय व्यापारावरील अधिवेशनाचा स्वीकार करण्याचा, आंतरराष्ट्रीय दिवस 3 मार्च घोषित करण्याचा निर्णय घेतला.

• जागतिक वन्यजीव दिन पृथ्वीवरील व वैविध्यपूर्ण आणि भव्य वन्यजीवांबद्दल जागरूकता वाढवण्यासाठी समर्पित आहे.

• हा दिवस आपल्याला वन्यजीव संदर्भातील गुन्हेगारी आणि वन्य प्रजाती नष्ट करण्याच्या विरोधात लढा उभारण्याची प्रेरणा व आठवण करून देतो.

जागतिक वन्यजीव दिन 2024 ची संकल्पना ( थीम ) काय आहे ?

" कनेक्टिंग पीपल अँड प्लॅनेट : एक्सप्लोरिंग डिजिटल इनोवेशन इन व वाइल्डलाईफ कन्सर्वेशन " 

“Connecting People and Planet: Exploring Digital Innovation in Wildlife Conservation”

जागतिक वन्यजीव दिन 2024 ची थीम डिजिटल इनोव्हेशन वर लक्ष केंद्रित करते डिजिटल इनोवेशनचा म्हणजेच तंत्रज्ञानाचा वापर वन्यजीव संरक्षणासाठी करणे हा आहे.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

प्रश्न ) जागतिक वन्यजीव दिन कधी साजरी करतात ?

1. 25 जून 

2. 3 मार्च 

3. 13 मार्च 

4. 4 डिसेंबर

उत्तर : 3 मार्च 

महाराष्ट्र वन विभागाने केला गिनीज वर्ल्ड रेकॉर्ड 

नुकत्याच झालेल्या ताडोबा महोत्सव 2024 मध्ये महाराष्ट्र वन विभागाने गिनीज वर्ल्ड रेकॉर्ड स्थापित केला.

त्यांनी 26 वेगवेगळ्या प्रजातींमधून तब्बल 65, 724 रोपे वापरून ‘ भारतमाता ’ हा शब्द तयार केला.

 कुंडीत लावलेल्या रोपांपासून बनवलेला सर्वात मोठा शब्द ही पदवी मिळवून महाराष्ट्र वन विभागाने गिनीज वर्ल्ड रेकॉर्ड स्थापित केला.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

प्रश्न) नुकत्याच झालेल्या ताडोबा महोत्सव 2024 मध्ये कोणत्या राज्याने गिनीज वर्ल्ड रेकॉर्ड स्थापित केला ?

1. उत्तर प्रदेश 

2. मध्य प्रदेश 

3. महाराष्ट्र 

4. छत्तीसगड

 उत्तर : महाराष्ट्र

देशातील बिबट्यांच्या संख्येत वाढ

अलीकडेच केंद्रीय पर्यावरण, वने व हवामान बदल मंत्री भूपेंद्र यादव यांनी भारतातील बिबट्यांच्या सध्या स्थितीबाबत अहवाल जाहीर केला.

 या अहवालात 2018 च्या तुलनेत 2022 मध्ये बिबट्यांच्या संख्येत 1.08 टक्क्यांनी वाढ झाल्याची दिसते.

 देशात बिबट्यांची संख्या आता 13874 वर पोहोचलेली दिसते.

सर्वेक्षण कोणी केली ?

राष्ट्रीय व्याघ्र संवर्धन प्राधिकरण आणि भारतीय वन्यजीव संस्था यांनी वनविभागाच्या सहाय्याने 18 राज्यांमध्ये हे सर्वेक्षण केले.

 बिबट्यांची संख्या सर्वाधिक असणारे राज्ये पुढीलप्रमाणे :

• मध्य प्रदेश 3907 

• महाराष्ट्र 1985

• कर्नाटक 1789

सरळसेवा, वनरक्षक, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

भारतीय वन्यजीव संस्था 

भारतीय वन्यजीव संस्थेची स्थापना केव्हा केली गेली ?

भारतीय वन्यजीव संस्थेची स्थापना 1982 मध्ये केली गेली.

 भारतीय वन्यजीव संस्था कोणत्या मंत्रालयाच्या अंतर्गत येते ?

 पर्यावरण, वने आणि हवामान बदल मंत्रालयाच्या अंतर्गत भारतीय वन्यजीव संस्था येते.

 भारतीय वन्यजीव संस्था कोठे आहे ?

• भारतीय वन्यजीव संस्था देहरादून येथे आहे.

• भारतीय वन सेवेतील अधिकाऱ्यांच्या थेट भरतीचे तसेच राज्य वन अधिकारी म्हणून निवड झालेल्या व्यक्तींचे प्रशिक्षण देहरादून येथे होते.

• येथील प्रशिक्षित कर्मचाऱ्यांनी भारतातील वन्यजीवांचा अभ्यास व संरक्षणात मोलाचे योगदान दिले आहे.

भारतीय वन्यजीव संस्था काय काम करते ?

 जैवविविधता, लुप्त प्रजाती, वन्यजीव धोरण व व्यवस्थापन, निवासस्थान, पर्यावरणशास्त्र, हवामान बदल इत्यादी क्षेत्रांचा अभ्यास तसेच वन्यजीव संबंधित संशोधन करणे.

चालू घडामोडी फ्री टेस्ट देण्यासाठी खाली दिलेल्या लिंक वर क्लिक करा 👇👇

Important Affair Test २२.०१.२४

राष्ट्रीय सुरक्षा दिन ( National Safety Day )

दरवर्षी 4 मार्च रोजी राष्ट्रीय सुरक्षा दिन साजरा केला जातो.

4 ते 10 मार्च राष्ट्रीय सुरक्षा सप्ताह म्हणून साजरा केला जातो.

राष्ट्रीय सुरक्षा दिन का साजरी केला जातो ?

सर्व क्षेत्रांमध्ये सुरक्षा आणि सावधगिरीच्या उपायांचे महत्त्व सांगण्यासाठी, कामाच्या ठिकाणी सुरक्षा तसेच सुरक्षित वातावरणाची खात्री करण्यासाठी, सुरक्षा उपायांचे समर्थन करण्यासाठी आणि या प्रोटोकॉलचे पालन करण्यासाठी तसेचलोकांमध्ये यासंदर्भात जागरूकता निर्माण करण्यासाठी.

राष्ट्रीय सुरक्षा दिवस 2024 ची संकल्पना (थीम ) काय आहे ?

• यंदाची थीम " ESG उत्कृष्टतेसाठी सुरक्षा नेतृत्व " ही आहे.

• (Safety Leadership for ESG Excellence.)

• ESG म्हणजे Environmental, Social and Governance

• यंदाचे थीम त्या व्यक्तींबद्दल आहे जे की एखाद्या कंपनीमध्ये वरपासून खालपर्यंत गोष्टी कशा काम केल्या पाहिजे यासंबंधी सुरक्षेचा मोठा भाग बनवतात.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

प्रश्न) राष्ट्रीय सुरक्षा दिवस 4 मार्चलाच का साजरी करतात ?

उत्तर : 4 मार्च 1966 रोजी भारताच्या राष्ट्रीय सुरक्षा परिषदेची (National safety Council) स्थापना करण्यात आली.

प्रश्न) राष्ट्रीय सुरक्षा दिन केव्हापासून साजरी करण्यात सुरुवात झाली ?

उत्तर : ४ मार्च 1972 पासून राष्ट्रीय सुरक्षा दिवस साजरी करण्यास सुरुवात झाली.

स्वयं प्लस ( SWAYAM Plus ) प्लॅटफॉर्म 

स्वयं प्लस प्लॅटफॉर्म म्हणजे काय ?

अलीकडेच

केंद्रीय शिक्षण आणि कौशल्य विकास आणि उद्योजकता मंत्री

( Union Minister of Education and Skill Development and Entrepreneurship ) यांनी स्वयं प्लस प्लॅटफॉर्म लॉन्च केला.

 स्वयं प्लस प्लॅटफॉर्म चा विद्यार्थ्यांना फायदा कसा होईल ?

• स्वयं प्लस प्लॅटफॉर्मच्या माध्यमातून शिक्षण आणि उद्योगधंदे यांच्यातील दरी कमी होणार आहे

• स्वयम प्लस प्लॅटफॉर्मच्या माध्यमातून महाविद्यालय विद्यार्थ्यांना शिक्षण आणि रोजगाराच्या संधी मिळणार आहेत

• स्वयंप्लस प्लॅटफॉर्मद्वारे नॉलेज सिस्टीम सोबतच उत्पादन, ऊर्जा, संगणक विज्ञान, अभियांत्रिकी, आरोग्य क्षेत्र आणि पर्यटन अशा अनेक क्षेत्रांमध्ये कार्यक्रम आयोजित केले जातील.

• यामुळे या क्षेत्रांमध्ये रोजगार आणि ज्ञान वाढविण्यास महत्त्व दिले जाईल.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

प्रश्न) स्वयंप्लस प्लॅटफॉर्म कशाशी संबंधित आहे ?

उत्तर : विद्यार्थी शिक्षण आणि रोजगाराशी स्वयं प्लस प्लॅटफॉर्म संबंधित आहे.

प्रश्न) स्वयंप्लस प्लॅटफॉर्म कोण चालवेल ?

उत्तर : IIT मद्रास या संस्थेद्वारे स्वयं प्लस प्लॅटफॉर्म चालवले जाणार आहे.

भारतीय सेना दिवस 

दरवर्षी 15 जानेवारीला भारतीय सेना दिवस साजरा केला जातो. 

त्याबद्दल अधिक माहिती जाणून घेण्यासाठी खाली दिलेल्या लिंक वर क्लिक करा👇👇

भारतीय सेना दिवस | मकर संक्रांती

भारताची GDP वाढ 8.4 टक्क्यांवर 

• अलीकडेच भारताचे सकल देशांतर्गत उत्पादनात म्हणजेच GDP त 2023 - 2024 च्या तिसऱ्या तिमाहीत 8.4 टक्क्यांनी वाढ झाली.

• ही वाढ मुख्यत्वे निर्मिती क्षेत्र, खानकाम व उत्खनन क्षेत्र, बांधकाम क्षेत्र यांच्या चांगल्या कामगिरीमुळे वाढलेली दिसते.

• ही आकडेवारी सांख्यिकी आणि कार्यक्रम अंमलबजावणी मंत्रालयाने ( Ministry of Statistics and Programme Implementation ) जारी केली.

स्पर्धा परीक्षेच्या दृष्टीने अर्थशास्त्र आणि भारताचे स्थूल देशांतर्गत उत्पादन म्हणजेच GDP टॉपिक अत्यंत महत्त्वाचा आहे.

या टॉपिक मध्ये आपण भारताचे स्थूल देशांतर्गत उत्पादन म्हणजेच GDP तसेच त्यांवर आधारित सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न बघणार आहोत.

GDP म्हणजे काय ?

• विशिष्ट कालावधीत देशाच्या हद्दीत उत्पादित केलेल्या सर्व तयार वस्तू आणि सेवांचे एकूण आर्थिक किंवा बाजार मूल्य म्हणजे सकल देशांतर्गत उत्पादन म्हणजेच जीडीपी (GDP - Gross Domestic Product ) होय.

• जीडीपीला स्थूल देशांतर्गत उत्पादन असेही म्हणतात

• देशाच्या जीडीपीमध्ये भारताच्या सीमेअंतर्गत मग ते भारतीय मालकीची असो किंवा परकीय मालकीचे सर्वांचे उत्पन्नाची बेरीज केली जाते.

• देशाच्या GDP मध्ये सर्व खाजगी आणि सार्वजनिक उपभोग गुंतवणूक, सरकारी खर्च, परकीय व्यापार संतुलन इत्यादींचा समावेश होतो. 

• GDP मुळे एखाद्या देशाची अंतर्गत शक्ती तसेच त्या देशाच्या अर्थव्यवस्थेचे संख्यात्मक आकलन होते.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न पुढील प्रमाणे

प्रश्न ) भारतात राष्ट्रीय उत्पन्न मोजताना कोणता कालखंड हे वर्ष मानले जाते ?

       (पोलीस भरती प्रश्न), (MPSC STI 2016)

1. 1 जानेवारी ते 31 डिसेंबर 

2. 1 ऑक्टोंबर ते ३० सप्टेंबर 

3. 1 एप्रिल ते 31 मार्च

4. 1 जुलै ते 30 जून 

उत्तर : 1 एप्रिल ते 31 मार्च

प्रश्न) स्थूल देशांतर्गत उत्पादन जीडीपी चा अर्थ काय आहे ?

( सरळसेवा भरती प्रश्न ), (MPSC STI ), (SSC GD)

1. स्थूल राष्ट्रीय उत्पादन (G.N.P.)

2. एका देशाच्या सीमेतच उत्पादित झालेल्या वस्तू व सेवा 

3. सरकारी उत्पन्न 

4. निव्वळ राष्ट्रीय उत्पादन (N.N.P.)

उत्तर : एका देशाच्या सीमेतच उत्पादित झालेल्या वस्तू व सेवा

14 वा राष्ट्रीय मतदार दिवस याबद्दल अधिक माहिती जाणून घेण्यासाठी खाली दिलेल्या लिंक वर क्लिक करा👇👇

14 वा राष्ट्रीय मतदार दिवस (NVD)

सर्वोच्च न्यायालयाचे निवृत्त न्यायमूर्ती अजय माणिकराव खानविलकर यांनी नुकताच भारताच्या लोकपाल पदाचा पदभार स्वीकारला.

 स्पर्धा परीक्षेच्या दृष्टीने भारताची राज्यघटना आणि प्रशासन या विषयाच्या अंतर्गत लोकपाल आणि लोकायुक्त हा टॉपिक अत्यंत महत्त्वाचा आहे.

या टॉपिक मध्ये आपण लोकपाल आणि लोकायुक्त यांची नियुक्ती, काम, अधिकार तसेच त्यांवर आधारित सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न बघणार आहोत.

लोकपाल म्हणजे काय ?

• भ्रष्टाचाराच्या आरोपांची तसेच संबंधित प्रकरणांची चौकशी करण्यासाठी लोकपाल व लोक आयुक्त संस्था स्थापन करण्यात आले.

• लोकपाल आणि लोकायुक्त कायदा, 2013 मध्ये केंद्रातील चौकशीसाठी लोकपाल तर राज्यातील चौकशींसाठी लोकायुक्त पद स्थापन करण्याची तरतूद यात करण्यात आली.

• लोकपाल आणि लोकायुक्त संस्था कोणत्याही घटनात्मक दर्जा शिवाय वैधानिक संस्था आहेत.

लोकपाल संस्थेमध्ये किती सदस्य असतात ?

• लोकपाल ही बहुसदस्यीय संस्था आहे. यामध्ये एक अध्यक्ष आणि जास्तीत जास्त 8 सदस्य असतात.

• या आठ सदस्यांपैकी निम्मे न्यायिक सदस्य असतील आणि किमान 50% सदस्य SC/ST/OBC/ अल्पसंख्यांक आणि महिला असतील.

लोकपालांची नियुक्ती कोण करतात ?

राष्ट्रपती निवड समितीच्या शिफारशीनुसार लोकपालांची नियुक्ती करतात.

लोकपाल निवड समितीमध्ये कोण कोण असतात ?

• लोकपाल निवड समितीमध्ये पंतप्रधान, लोकसभेतील विरोधी पक्षनेते, लोकसभेचे अध्यक्ष, भारताचे सरन्यायाधीश किंवा त्यांनी नामनिर्देशित केलेले न्यायाधीश आणि एक प्रख्यात कायदे तज्ञ यांचा समावेश असतो.

लोकायुक्त यांची नियुक्ती कोण करतात ? 

राज्यपाल निवड समितीच्या शिफारशीनुसार लोकायुक्तांची नियुक्ती करतात.

लोकपाल अध्यक्ष किंवा सदस्यांचा कार्यकाळ किती वर्षांचा असतो ?

लोकपाल अध्यक्ष किंवा सदस्यांचा कार्यकाळ 5 वर्षे किंवा वयाच्या 70 वर्षांपर्यंत असतो.

लोकपाल किंवा लोकायुक्त संस्थेचे कार्य काय असते ?

• लोकपाल या शब्दाचा अर्थ लोकांचे संरक्षण करणे असा होतो.

• लोकपाल आणि लोकायुक्त लोकसेवकांविरुद्धच्या भ्रष्टाचाराच्या तक्रारीची चौकशी करतात.

लोकपालाच्या अधिकार क्षेत्रात कोण कोण येतात ?

 लोकपालाच्या अधिकार क्षेत्रात पंतप्रधान, मंत्री, संसद सदस्य, गट अ, ब, क आणि ड अधिकारी तसेच केंद्र सरकारचे अधिकारी यांचा समावेश होतो.

 लोकपाल आणि लोकायुक्त साठी कोणते आंदोलन झाले ?

अण्णा हजारे यांच्या नेतृत्वाखाली " इंडिया अगेन्स करप्शन "आंदोलनाने सरकारवर दबाव आणला आणि लोकपाल आणि लोकायुक्त विधेयक 2013 संसदेच्या दोन्ही सभागृहात मंजूर झाले.

प्रश्न) भारताचे पहिले लोकपाल कोण आहेत ?

(MPSC 2020 )

1. न्यायमूर्ती टी. एस. ठाकूर 

2. न्यायमूर्ती दीपक मिश्रा

3. न्यायमूर्ती पिनाकी चंद्रघोष

4. न्यायमूर्ती जगदीश सिंह खेहर

उत्तर : न्यायमूर्ती पिनाकी चंद्रघोष

प्रश्न) खालीलपैकी कोणते राज्य भारतात लोकायुक्त संस्था स्थापन करणारे पहिले राज्य आहेत ?

1. महाराष्ट्र 

2. राजस्थान 

3. उत्तर प्रदेश 

4. केरळ

उत्तर : महाराष्ट्र

1971 मध्ये लोकायुक्त आणि उपलोकायुक्त कायद्याची स्थापना करणारे महाराष्ट्र हे पहिले राज्य आहेत.

14 वा राष्ट्रीय मतदार दिवस याबद्दल अधिक माहिती जाणून घेण्यासाठी खाली दिलेल्या लिंक वर क्लिक करा👇👇

14 वा राष्ट्रीय मतदार दिवस (NVD)

गगनयान मिशन 

गगनयान मिशनसाठी चार अंतराळ यात्रींची नावे पंतप्रधान नरेंद्र मोदी यांनी नुकतीच जाहीर केली.

गगनयान मिशन साठी निवडलेल्या चार अंतराळयात्रींची नावे काय आहे ?

1. ग्रुप कॅप्टन प्रशांत बालकृष्णन नायर

2. ग्रुप कॅप्टन अजित कृष्णन 

3. ग्रुप कॅप्टन अंगद प्रताप 

4. विंग कमांडर शुभांशू शुक्ला

गगनयान मिशन काय आहे ?

• गगनयान मिशन हे भारतीय अंतराळ संशोधन संस्था - इस्रोचे मानवयुक्त अंतराळ मिशन आहे.

• गगनयान मिशन 3 दिवसांचे असणार आहे. याद्वारे पृथ्वीच्या 400 किमीच्या कक्षेत मानव मिशन पाठवून पुन्हा त्यांना सुखरूप पृथ्वीवर परत आणले जाईल.

• गगनयान मिशनद्वारे भारताची मानवी अंतराळ उड्डाण क्षमता जगासमोर प्रदर्शित होणार आहे.

• जर गगनयान मिशन यशस्वी झाले तर अमेरिका, रशिया आणि चीन नंतर भारत हा अंतराळात मनुष्य पाठवणारा चौथा देश बनेल.

• गगनयान मोहिमेसाठी खर्च अंदाजे 9023 कोटी रुपये होणार आहे.

गगनयान मिशन साठी कोणते प्रक्षेपण वाहन वापरण्यात येणार आहे ?

गगनयान मिशनसाठी LVM3 (याचे पूर्वीचे नाव जिओ सिंक्रोनस सॅटॅलाइट लॉन्च वेहिकल -GSLV MK III) वापरले जाणार आहे.

गगनयान मिशनसाठी अंतराळवीरांना प्रशिक्षण कोणता देश देणार आहे ?

• गगनयान मिशन साठी अंतराळवीरांना प्रशिक्षण रशिया देणार आहे.

• यासाठी इस्रो ने रशियन अंतराळ कंपनी GAVKOSMOS या कंपनीसोबत करार केलेला आहे.

सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न पुढील प्रमाणे

प्रश्न) भारताच्या पहिल्या कृत्रिम उपग्रहाचे नाव काय आहे ?

A. रोहिणी

B. आर्यभट्ट

C. भास्कर I

D. भास्कर II

उत्तर : आर्यभट्ट 

आर्यभट्ट हा भारताचा पहिला कृत्रिम उपग्रह आहे. 19 एप्रिल 1975 मध्ये सोव्हिएत रशियाच्या मदतीने हा उपग्रह भारताने अवकाशात प्रक्षेपित केला.

प्रश्न) भारतीय अंतराळ संशोधन संस्था - इस्त्रोची स्थापना केव्हा करण्यात आली ?

उत्तर : 1969

प्रश्न) भारतीय अंतराळ संशोधन संस्था - इस्त्रोचे मुख्यालय कोठे आहे ?

उत्तर : बेंगळुरू, कर्नाटक 

एक्सपोसॅट मिशन (XPoSat MISSION)

अलीकडेच भारतीय अंतराळ संशोधन संस्था ( इस्रो -ISRO) ने एक्सपोसॅट नावाचा उपग्रह प्रक्षेपित केला.

याबद्दल अधिक माहिती जाणून घेण्यासाठी खाली दिलेल्या लिंक वर क्लिक करा👇👇

ISRO XPosat मिशन । CISF नीना सिंग पहिल्या महिला महासंचालक

75 प्रजासत्ताक दिनाच्या सर्वांना खूप खूप शुभेच्छा 

दरवर्षी आपण 26 जानेवारी या दिवशी प्रजासत्ताक दिन साजरा करतो आजच्या महत्त्वाच्या चालू घडामोडी मध्ये आपण बघणार आहोत

• प्रजासत्ताक दिन 2024 ची थीम ( संकल्पना ) काय आहे ?

• 75 प्रजासत्ताक दिनाचे प्रमुख पाहुणे कोण आहे ?

• 2024 महिला केंद्रित प्रजासत्ताक दिन

• फ्रेंच तुकडीचा सहभाग

• महाराष्ट्राचा चित्ररथ

• प्रजासत्ताक म्हणजे काय ?

• प्रजासत्ताक दिनाचा इतिहास

• 26 जानेवारी हाच दिवस प्रजासत्ताक दिन म्हणून का निवडला गेला ?

• सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

प्रजासत्ताक दिन 2024 ची थीम ( संकल्पना ) काय आहे ?

 यंदाची प्रजासत्ताक दिनाची थीम ‘ विकसित भारत ’- भारत लोकतंत्र की मातृका म्हणजेच भारत लोकशाहीची जननी ही आहे.

75 प्रजासत्ताक दिनाचे प्रमुख पाहुणे कोण आहे ?

2024 च्या प्रजासत्ताक दिनी प्रमुख पाहुणे फ्रान्सचे राष्ट्राध्यक्ष इमॅन्युएल मॅक्रॅान हे आहे.

75 व्या प्रजासत्ताक दिनी विशेष अतिथी म्हणून सुमारे 1500 शेतकरी आणि त्यांच्या पत्नी यांना प्रमुख अतिथी म्हणून आमंत्रित करण्यात आले आहे.

2024 महिला केंद्रित प्रजासत्ताक दिन

• 75 व्या प्रजासत्ताक दिनाच्या या ऐतिहासिक पर्वानिमित्त पारंपारिक वाद्य वाजवणाऱ्या 100 महिला कलाकारांचा सहभाग असेल.

• महिलांची त्री- सेवा दल प्रथमच कर्तव्य पथावर परेड करणार आहे. त्याचबरोबर ( CAPF )निमलष्करी दलातील महिला, दिल्ली पोलीस महिला तुकडीचा समावेशही परेडमध्ये असणार आहे.

फ्रेंच तुकडीचा सहभाग

 प्रजासत्ताक दिनी फ्रान्सच्या 33 सदस्यीय बँड तुकडी आणि 95 सदस्यीय मार्चिंग तुकडीचा सहभाग असणार आहे.

 महाराष्ट्राचा चित्ररथ

 यंदाच्या प्रजासत्ताक दिनी छत्रपती शिवाजी महाराजांचे अष्टप्रधान मंडळासह शिवशाही मध्यवर्ती ही महाराष्ट्राच्या चित्ररथाची थीम ( संकल्पना ) असणार आहे.

प्रजासत्ताक म्हणजे काय ?

• देशाचा प्रमुख म्हणजे राष्ट्रपती हा तेथील जनतेकडून निवडला जातो त्या राष्ट्रास प्रजासत्ताक राष्ट्र असे म्हणतात.

• प्रजासत्ताक राष्ट्रांमध्ये राजकीय सत्ता नागरिकांकडे असते म्हणजेच तेथील राष्ट्र प्रमुख हे पद (भारतासाठी राष्ट्रपती) वंशपरंपरागत नसते तर ते लोकांद्वारे प्रत्यक्ष किंवा अप्रत्यक्षपणे निवडून दिले जाते.

प्रजासत्ताक दिनाचा इतिहास

• भारतीय स्वातंत्र्य कायदा 1947 द्वारे भारत स्वतंत्र झाला परंतु भारत एक घटनात्मक राजेशाही बनले. यात जॉर्ज सहावा राज्य प्रमुख आणि लॉर्ड माऊंटबॅटन गव्हर्नर जनरल बनले.

• भारत राष्ट्राच्या कारभारासाठी स्वतंत्र राज्यघटना बनवण्यासाठी संविधान सभेची स्थापना करण्यात आली.

• डॉक्टर बाबासाहेब आंबेडकर यांची भारतीय राज्यघटनेच्या मसुदा समितीचे अध्यक्ष म्हणून नियुक्ती करण्यात आली.

• तब्बल 2 वर्षे 11 महिने 17 दिवसांच्या चर्चेनंतर 4 नोव्हेंबर 1947 रोजी संविधानाचा मसुदा संविधान सभेत मांडला गेला.

• 26 नोव्हेंबर 1949 रोजी भारतीय संविधान सभेने भारतीय संविधान स्वीकारले ; म्हणून 26 नोव्हेंबर हा दिवस संविधान दिन म्हणून आपण साजरा करतो.

• 26 जानेवारी 1950 पासून भारतीय संविधान लागू झाले. 

• भारतीय राज्यघटनेने भारत सरकार कायदा,1935 ची जागा घेतली आणि भारत एक सार्वभौम राष्ट्र म्हणून उद्यास आले.

26 जानेवारी हाच दिवस प्रजासत्ताक दिन म्हणून का निवडला गेला ?

 1929 च्या लाहोर अधिवेशनात भारतीय राष्ट्रीय काँग्रेसने 26 जानेवारी 1930 हा दिवस पूर्ण स्वराज्य दिन म्हणून घोषित केला या दिवसाच्या स्मरणार्थ 26 जानेवारी हा दिवस प्रजासत्ताक दिन म्हणून निवडला गेला.

• सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

प्रश्न) नुकताच भारतरत्न पुरस्कार कोणाला जाहीर झाला ?

उत्तर : बिहारचे दोन वेळा मुख्यमंत्री राहिलेले थोर समाजवादी नेते तसेच स्वातंत्र्यसैनिक दिवंगत कर्पूरी ठाकूर यांना मरणोत्तर भारतरत्न पुरस्कार जाहीर करण्यात आला.

प्रश्न) राष्ट्रीय बालिका दिन भारतात कधी साजरी केला जातो ?

• उत्तर : दरवर्षी राष्ट्रीय बालिका दिन 24 जानेवारी रोजी साजरी केला जातो.

•    मुलींना घट्ट लिंग गुणोत्तर बाबत जागृत निर्माण करणे स्त्री भ्रूणहत्या कमी करणे मुलींच्या हक्कांबद्दल जागरूकता वाढवण्यासाठी महिला आणि बाल विकास मंत्रालया अंतर्गत राष्ट्रीय बालिका दिन साजरा केला जातो.

प्रश्न) राष्ट्रीय पर्यटन दिन केव्हा साजरी केला जातो ?

उत्तर : 25 जानेवारी रोजी राष्ट्रीय पर्यटन दिन साजरा केला जातो.

भारतातील नैसर्गिक सौंदर्य ओळखण्यासाठी आणि भारतीय अर्थव्यवस्थेसाठी पर्यटनाच्या महत्त्वाविषयी जागरूकता निर्माण करण्यासाठी राष्ट्रीय पर्यटन दिन महत्त्वाचा आहे.

प्रश्न) आंतरराष्ट्रीय स्वच्छ ऊर्जा दिवस कधी साजरा केला जातो ?

उत्तर : दरवर्षी आंतरराष्ट्रीय स्वच्छ ऊर्जा दिवस 26 जानेवारी रोजी साजरा केला जातो.

हेही वाचा 

भारतीय संविधान दिन

संविधान दिवस 

राष्ट्रीय मतदार दिन

• 14 वा राष्ट्रीय मतदार दिन कार्यक्रम आज दिल्ली येथे पार पडला.

• भारतीय निवडणूक आयोगाने दिल्ली येथे आयोजित केलेल्या 14 व्या राष्ट्रीय मतदार दिन कार्यक्रमास प्रमुख पाहुणे म्हणून राष्ट्रपती द्रोपदी मुर्म यांनी उपस्थिती लावली.

• याप्रसंगी राष्ट्रपती द्रोपदी मुर्म यांनी भारतीय निवडणूक आयोगाने दिग्दर्शक राजकुमार हिराणी यांच्या सहकार्याने तयार केलेला " माय व्होट माय ड्युटी " हा शॉर्ट फिल्म प्रदर्शित केला.

या लेखात आपण बघणार आहोत.

• 25 जानेवारीलाच राष्ट्रीय मतदार दिन का साजरी केला जातो ?

• राष्ट्रीय मतदार दिन केव्हापासून साजरी केला जातो ?

• का साजरा केला जातो राष्ट्रीय मतदार दिन ?

• भारतीय निवडणूक आयोग 

• सरळसेवा, पोलीस भरती, अग्निवीर , SSC GD , MPSC, UPSC परीक्षेसाठी महत्त्वपूर्ण वनलाइनर प्रश्न

राष्ट्रीय मतदार दिनाच्या सर्वांना खूप खूप शुभेच्छा..

 लोकशाही मतदानाचे महत्त्व अनन्यसाधारण आहे. याबाबत नागरिकांमध्ये जागरूकता निर्माण करण्यासाठी राष्ट्रीय मतदार दिन साजरा केला जातो.

25 जानेवारीलाच राष्ट्रीय मतदार दिन का साजरी केला जातो ?

• 25 जानेवारी 1950 रोजी भारतीय निवडणूक आयोगाची ( Election Commission of India ) स्थापना करण्यात आली.

• भारतीय निवडणूक आयोगाच्या स्थापना दिनाचे महत्त्व लक्षात घेता 25 जानेवारी हा दिवस राष्ट्रीय मतदाता दिन म्हणून साजरा केला जातो.

राष्ट्रीय मतदार दिन केव्हापासून साजरी केला जातो ?

• 25 जानेवारी 2011 रोजी सर्वप्रथम राष्ट्रीय मतदार दिन साजरा केला गेला. तत्कालीन राष्ट्रपती प्रतिभाताई पाटील यांनी पहिल्यांदा राष्ट्रीय मतदार दिन साजरा केला.

 का साजरा केला जातो राष्ट्रीय मतदार दिन ?

• नवीन मतदारांना मतदान यादीत नोंदणी करण्यासाठी प्रोत्साहित करणे, त्यासाठी सुविधा देणे तसेच जास्तीत जास्त नाव नोंदणी करून लोकांना त्यांच्या अधिकाराबाबत जागृत करणे हा राष्ट्रीय मतदार दिनाचा मुख्य उद्देश आहे.

• भारतात 18 वर्षानंतर प्रत्येक व्यक्तीला मतदानाचा अधिकार आहे.

• धर्म,जात, लिंग, वर्ण, संप्रदाय या निकषांवर भेदभाव न करता कोणताही व्यक्ती मतदानाचा अधिकार बजावू शकतो; भारताचे धर्मनिरपेक्ष राष्ट्र म्हणून ही बाब महत्त्वपूर्ण आहे.

राष्ट्रीय मतदार दिन 2024 ची थीम काय आहे ?

" मतदाना इतके महत्त्वाचे काहीही नाही मी मतदान नक्कीच करणार "

भारतीय निवडणूक आयोग 

Election Commission of India (ECI)

• स्थापना : भारतीय संविधानाच्या तरतुदीनुसार 25 जानेवारी 1950 रोजी भारतीय निवडणूक आयोगाची स्थापना करण्यात आली.

त्यामुळे 25 जानेवारी हा दिवस राष्ट्रीय मतदार दिवस म्हणून साजरा केला जातो.

• सचिवालय : नवी दिल्ली 

• भारतीय संविधानाचा भाग XV निवडणुकांची संबंधित आहे.

• घटनेचे कलम 324 ते 329 भारतीय निवडणूक आयोग आणि सदस्य यांची पात्रता, अधिकार, कार्यकाळ, कार्य इत्यादींशी संबंधित आहे.

भारतीय निवडणूक आयोगाची रचना :

‣ भारतीय निवडणूक आयोगामध्ये एक प्रमुख निवडणूक आयुक्त आणि दोन निवडणूक आयुक्त असतात.

‣ नियुक्ती : त्यांची नियुक्ती भारताचे राष्ट्रपती करतात.

‣ कालावधी : त्यांचा कार्यालयीन कालावधी 6 वर्षे किंवा 65 वर्षे वयापर्यंत, यांपैकी जे आधी असेल ते निश्चित आहे.

‣ दर्जा, पगार आणि भत्ते : त्यांचा दर्जा भारताच्या सर्वोच्च न्यायालयाच्या न्यायाधीशांच्या समान असतो. आणि त्याप्रमाणेच पगार व भत्ते त्यांना असतात.

‣ संविधानाच्या कलम 324 अनुसार भारताचे राष्ट्रपती, उपराष्ट्रपती, लोकसभा, राज्यसभा, विधानसभा आणि विधान परिषद यांच्या निवडणुकांची देखरेख, दिशा आणि नियंत्रण याचे अधिकार भारतीय निवडणूक आयोगाकडे असतील.

वर्तमान मुख्य निवडणूक आयुक्त कोण आहे ?

श्री राजीव कुमार (15 वे)

👉 महत्त्वाच्या चालू घडामोडी नोट्स साठी खाली दिलेल्या लिंक वर क्लिक करा